မြန်မာနိုင်ငံတွင် ငြိမ်းချမ်းစွာအတူယှဉ်တွဲနေထိုင်ရေးမူကြီး ၅ ရပ် ထုတ်ပြန်ခြင်း နှစ် ၇၀ ပြည့်အထိမ်းအမှတ် ဆွေးနွေးပွဲကျင်းပ

ရန်ကုန်၊ ဇူလိုင် ၂၆ ရက် (ဆင်ဟွာ)
မြန်မာနိုင်ငံ ရန်ကုန်မြို့တွင် ငြိမ်းချမ်းစွာအတူယှဉ်တွဲနေထိုင်ရေးမူကြီး ၅ ရပ် ထုတ်ပြန်ခြင်း နှစ် ၇၀ ပြည့်အထိမ်းအမှတ် ဆွေးနွေးပွဲကို ဇူလိုင် ၂၅ ရက်က ပြုလုပ်ခဲ့ကြောင်း သိရသည်။
မြန်မာနိုင်ငံဆိုင်ရာ တရုတ်နိုင်ငံသံရုံးက ကြီးမှူးကျင်းပသော အဆိုပါဆွေးနွေးပွဲတွင် တရုတ်သံရုံးယာယီတာဝန်ခံ Cao Jing က လွန်ခဲ့သောနှစ်ပေါင်း ၇၀ အတွင်း ငြိမ်ချမ်းစွာအတူယှဉ်တွဲနေထိုင်ရေးမူကြီး ၅ ရပ်က နိုင်ငံတကာဆက်ဆံရေး၏ ပွင့်လင်း၍ အားလုံးပါဝင်မှုရှိပြီး အများနှင့်လက်ခံသော အခြေခံသတ်မှတ်ချက်များနှင့် နိုင်ငံတကာဥပဒေ၏ အခြေခံမူများဖြစ်လာခဲ့ကြောင်း ပြောခဲ့သည်။

တရုတ်နိုင်ငံနှင့် မြန်မာနိုင်ငံကြား သံတမန်ဆက်ဆံရေးထူထောင်ခဲ့သည့် နှစ်ပေါင်း ၇၀ ကျော်ကာလအတွင်း နှစ်နိုင်ငံတို့သည် ချစ်ကြည်ရင်းနှီးမှုကို အစဉ်အမြဲရင်ဝယ်ပိုက်လျက် ငြိမ်းချမ်းစွာအတူယှဉ်တွဲနေထိုင်ရေးမူကြီး ၅ ရပ်ကို ကျင့်သုံးလျက်ရှိကြောင်း Cao က ဆိုသည်။

ထို့ပြင် တရုတ်နိုင်ငံအနေဖြင့် ငြိမ်းချမ်းစွာအတူယှဉ်တွဲနေထိုင်ရေးမူကြီး ၅ ရပ်ကို တက်ကြွစွာ ဆက်လက်ကျင့်သုံး၍ အေးအတူပူအမျှအသိုက်အဝန်းတစ်ခု တည်ဆောက်ရေး ဆက်လက်ကြိုးပမ်းသွားမည်ဖြစ်ကြောင်း၊ မြန်မာနိုင်ငံ၏ အခြေအနေနှင့် ကိုက်ညီသောလမ်းကြောင်းကို ရှာဖွေရာတွင် တရုတ်နိုင်ငံက ဆက်လက်ထောက်ခံမည်ဖြစ်ကြောင်း၊ မြန်မာနိုင်ငံ တည်ငြိမ်ရေး၊ ဖွံ့ဖြိုးတိုးတက်ရေးနှင့် ပြည်သူများ၏ ပျော်ရွှင်ချမ်းမြေ့မှုအတွက်လည်း ဆက်လက်ပံ့ပိုးမည်ဖြစ်ကြောင်း Cao က ဖြည့်စွက်ပြောခဲ့သည်။

ထို့နောက် မြန်မာနိုင်ငံ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၂) ပြည်ထောင်စုဝန်ကြီး ဦးကိုကိုလှိုင်က တရုတ်နိုင်ငံနှင့် မြန်မာနိုင်ငံတို့သည် ခွဲခြား၍မရသော အိမ်နီးချင်းများဖြစ်ကြကြောင်း၊ နှစ်နိုင်ငံအနေဖြင့် နီးကပ်သောဆက်ဆံရေးကို ထိန်းသိမ်းလျက်ရှိသလို ငြိမ်ချမ်းစွာအတူယှဉ်တွဲနေထိုင်ရေးမူကြီး ၅ ရပ်ကိုလည်း လက်ခံကျင့်သုံးလျက်ရှိကြောင်း ပြောကြားခဲ့သည်။

တရုတ်နှင့် မြန်မာ နှစ်နိုင်ငံတို့သည် အခက်အခဲများနှင့် စိန်ခေါ်မှုများစွာကို ကျော်လွှားလျက်ရှိကာ အရေးပါသော အောင်မြင်မှုများကိုလည်း ဆောင်ကြဉ်းနိုင်ခဲ့ကြောင်း ဦးကိုကိုလှိုင်က ဖြည့်စွက်ပြောခဲ့သည်။
ငြိမ်းချမ်းစွာအတူယှဉ်တွဲနေထိုင်ရေးမူကြီး ၅ ရပ် ထုတ်ပြန်ခြင်း နှစ် ၇၀ ပြည့်အထိမ်းအမှတ် ဆွေးနွေးပွဲသို့ မြန်မာနိုင်ငံဆိုင်ရာ တရုတ်နိုင်ငံသံရုံး၊ နိုင်ငံတော်စီမံအုပ်ချုပ်ရေးကောင်စီရုံး၊ မြန်မာနိုင်ငံမဟာဗျူဟာနှင့်နိုင်ငံတကာလေ့လာရေးအဖွဲ့၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ရန်ကုန်တိုင်းဒေသကြီးကော်မတီ၊ မြန်မာ-တရုတ် ချစ်ကြည်ရေးအသင်း၊ ရန်ကုန်နိုင်ငံခြားဘာသာတက္ကသိုလ်မှ ကိုယ်စားလှယ်များနှင့် အခြားဧည့်သည်တော်များ တက်ရောက်ခဲ့ကြကြောင်း သိရသည်။ (Xinhua)

……………………………………..
(English Version)
Myanmar holds seminar marking 70th anniversary of Five Principles of Peaceful Coexistence
YANGON, July 25 (Xinhua) — A seminar commemorating the 70th Anniversary of the Five Principles of Peaceful Coexistence was held on Thursday in Yangon, Myanmar.
During the seminar organized by the Chinese embassy in Myanmar, Cao Jing, charge d’affaires of the Chinese embassy, said that over the past 70 years, the Five Principles of Peaceful Coexistence have become open, inclusive and commonly applicable norms of international relations and principles of international law.
For more than 70 years since the establishment of diplomatic relations between China and Myanmar, the two countries have always cherished friendship and practiced the Five Principles of Peaceful Coexistence, Cao said.
China will continue to actively practice the Five Principles of Peaceful Coexistence, strive to build a community with a shared future, support Myanmar in exploring a path that suits to its national conditions, and provide assistance for Myanmar’s stability, national development and people’s happiness, Cao added.
U Ko Ko Hlaing, union minister for the Ministry of the State Administration Council Chairman’s Office (2), said that China and Myanmar are indivisible neighbors. The two countries maintain a close relationship and adopt the Five Principles of Peaceful Coexistence with consensus.
China and Myanmar’s bilateral relations have overcome numerous difficulties and challenges, and acquired significant achievements, U Ko Ko Hlaing added.
Present at the seminar are representatives from the Chinese embassy in Myanmar, the State Administration Council Chairman’s Office, Myanmar Institute of Strategic and International Studies, Yangon Region Committee of Union Solidarity and Development Party, Myanmar-China Friendship Association, Yangon University of Foreign Languages as well as many other distinguished guests.