တရုတ်နိုင်ငံက ငလျင်ဒဏ်သင့် မြန်မာနိုင်ငံအတွက် သဘာဝဘေးအန္တရာယ် ကယ်ဆယ်ရေး အကူအညီများ ပေးအပ်

ကူမင်း၊ မတ် ၃၀ ရက် (ဆင်ဟွာ)
တရုတ်နိုင်ငံ အနောက်တောင်ပိုင်း ယူနန်ပြည်နယ်မှ ဆေးဘက်ဆိုင်ရာ အဖွဲ့တစ်ဖွဲ့မှာ မတ် ၂၉ ရက် နံနက်ပိုင်းက မြန်မာနိုင်ငံရှိ ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိလာခဲ့ရာ ယင်းသည် မတ် ၂၈ ရက်က အင်အားပြင်းငလျင် လှုပ်ခတ်ခဲ့သည့် မြန်မာနိုင်ငံသို့ ပြည်ပမှ ပထမဆုံး ကယ်ဆယ်ရေးအဖွဲ့ ရောက်ရှိလာခြင်းဖြစ်သည်။
အဖွဲ့ဝင် ၃၇ ဦး ပါဝင်သော ကယ်ဆယ်ရေးအဖွဲ့က အသက်ရှင်သူများအား ဘက်စုံရှာဖွေနိုင်စွမ်းရှိသည့် ကိရိယာများ၊ ငလျင်အန္တရာယ် ကြိုတင်သတိပေးစနစ်များ၊ ခရီးဆောင် ဂြိုဟ်တုဆက်သွယ်ရေးကိရိယာများ၊ ဒရုန်းများ စသည့် အရေးပေါ် ကယ်ဆယ်ရေးပစ္စည်းများကို သယ်ဆောင်လာခဲ့ပြီး မြန်မာနိုင်ငံ နေပြည်တော်ကောင်စီနယ်မြေရှိ ငလျင်ဒဏ်သင့် ဒေသများတွင် မြန်မာနိုင်ငံ မီးသတ်တပ်ဖွဲ့၊ ကယ်ဆယ်ရေးအဖွဲ့များနှင့် ပူးပေါင်း၍ သဘာဝဘေးအန္တရာယ် ကယ်ဆယ်ရေးလုပ်ငန်းစဉ်များကို ဆောင်ရွက်လျက်ရှိသည်။
တရုတ်နိုင်ငံ အရေးပေါ်အခြေအနေ စီမံခန့်ခွဲရေးဝန်ကြီးဌာနက စေလွှတ်ထားသည့် အဖွဲ့ဝင် ၈၂ ဦး ပါဝင်သော ကယ်ဆယ်ရေးအဖွဲ့တစ်ဖွဲ့မှာလည်း သဘာဝဘေးအန္တရာယ် ကယ်ဆယ်ရေး ဆောင်ရွက်မှုများကို အကူအညီပေးရန် ကယ်ဆယ်ရေး ပစ္စည်းကိရိယာများ၊ အထောက်အပံ့ပစ္စည်းများကို ယူဆောင်လျက် မတ် ၂၉ ရက် မွန်းလွဲပိုင်းက မြန်မာနိုင်ငံသို့ ရောက်ရှိလာခဲ့သည်။
တရုတ်နိုင်ငံ၏ နေရာဒေသအများအပြားမှ ကယ်ဆယ်ရေးအဖွဲ့များက မြန်မာနိုင်ငံအား အကူအညီပေးရန် အပူတပြင်း လုပ်ဆောင်လျက်ရှိသည်။
တရုတ်နိုင်ငံ တောင်ပိုင်း ကွမ်တုန်းပြည်နယ် ဆန်းကျန့်မြို့မှ အဖွဲ့ဝင် ၂၃ ဦး ပါဝင်သော စေတနာ့ဝန်ထမ်း ၂၃ ဦးမှာလည်း သဘာဝဘေးအန္တရာယ် လျော့ပါးသက်သာရေးနှင့် ကယ်ဆယ်ရေး ဆောင်ရွက်မှုများကို အကူအညီပေးရန်အတွက် မတ် ၂၉ ရက် မွန်းလွဲပိုင်းက မြန်မာနိုင်ငံသို့ ထွက်ခွာသွားခဲ့ကာ ၎င်းတို့နှင့်အတူ အပေါ့စား ကယ်ဆယ်ရေးကိရိယာများ၊ အရေးပေါ် ဆေးဘက်ဆိုင်ရာ ကိရိယာများ၊ အသက်ရှင်သူများအား ရှာဖွေနိုင်သည့် ကိရိယာများအပြင် ကယ်ဆယ်ရေး၌ အသုံးပြုသော ခွေးတစ်ကောင်ကိုလည်း ယူဆောင်လာခဲ့ကြောင်း သိရသည်။
ငလျင်ဗဟိုချက်နှင့် ကီလိုမီတာ ၃၀၀ ခန့် အကွာ၌ တည်ရှိသော ယူနန်ပြည်နယ် တက်ဟုန်း တိုင်လူမျိုး၊ ဂျိမ်းဖောလူမျိုး ကိုယ်ပိုင်အုပ်ချုပ်ခွင့်ရပြည်နယ်ခွဲကလည်း မြန်မာနိုင်ငံရှိ ငလျင်ဒဏ်ကယ်ဆယ်ရေး လုပ်ငန်းများကို အကူအညီပေးရန် စုစုပေါင်းတန်ဖိုး ယွမ် ၁.၁ သန်းခန့်ရှိသော ရွက်ဖျင်တဲ၊ ဆေးဝါး၊ ခေါက်ခုတင်၊ စောင်၊ ခေါက်ဆွဲခြောက်နှင့် အခြားကယ်ဆယ်ရေးပစ္စည်းများကို ချက်ချင်းပို့ဆောင်ပေးခဲ့သည်။
မြန်မာနိုင်ငံတွင် ငလျင်ဒဏ်ကယ်ဆယ်ရေး ကြိုးပမ်းမှုများကို အထောက်အကူပေးသည့်အနေဖြင့် တရုတ်နိုင်ငံက အရေးပေါ် လူသားချင်းစာနာမှု အကူအညီ ယွမ် သန်း ၁၀၀ ပေးအပ်မည်ဟု တရုတ်နိုင်ငံတကာဖွံ့ဖြိုးတိုးတက်မှု ပူးပေါင်းဆောင်ရွက်ရေးအေဂျင်စီ ပြောရေးဆိုခွင့်ရှိသူ လီမိန်က ပြောကြားခဲ့သည်။
မြန်မာနိုင်ငံ အစိုးရ၏ မေတ္တာရပ်ခံချက်အရ တရုတ်နိုင်ငံအနေဖြင့် ကယ်ဆယ်ရေးအဖွဲ့နှစ်ဖွဲ့ စေလွှတ်မည်ဖြစ်သလို ငလျင်ဒဏ်သင့် ဒေသများတွင် အရေးတကြီး လိုအပ်လျက်ရှိသော ရွက်ဖျင်တဲ၊ စောင်၊ ရှေးဦးသူနာပြုကိရိယာများ၊ အစားအစာ၊ ရေသန့် စသည့် ပစ္စည်းများကိုလည်း ပေးပို့သွားမည်ဟု ၎င်းက ပြောကြားခဲ့သည်။
ပထမအသုတ် အထောက်အပံ့ပစ္စည်းများကို မတ် ၃၁ ရက်၌ ပေးပို့ရန် စီစဉ်ထားကြောင်း၊ တရုတ်နိုင်ငံအနေဖြင့် မြန်မာနိုင်ငံ၏ လိုအပ်ချက်များအပေါ် အခြေခံ၍ အကူအညီများ ထပ်မံပေးအပ်သွားမည်ဖြစ်ကြောင်း ၎င်းက ဆက်လက်ပြောကြားခဲ့သည်။ (Xinhua)
သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ xhtxs.cn/2mB

………………….
(English Version)
China provides disaster relief assistance for earthquake-hit Myanmar
KUNMING, March 30 (Xinhua) — A medical team from southwest China’s Yunnan Province arrived at the Yangon International Airport in Myanmar on Saturday morning, marking the arrival of the first foreign rescue team in Myanmar since a massive earthquake struck the country on Friday.
The 37-member team carried emergency relief supplies such as full-feature life detectors, earthquake early-warning systems, portable satellite telecom devices and drones, and has joined forces with Myanmar’s fire and rescue services to undertake disaster relief work in the affected areas of Naypyidaw.
An 82-member Chinese rescue team dispatched by China’s Ministry of Emergency Management also arrived in Myanmar on Saturday afternoon to aid disaster relief efforts, carrying rescue equipment and supplies.
Rescue forces from many parts of China are rushing to aid Myanmar.
A 23-member volunteer team from Shenzhen in south China’s Guangdong Province departed for Myanmar on Saturday afternoon, carrying light rescue equipment, medical emergency equipment and life detectors, and accompanied by one rescue dog, to assist in disaster relief and rescue efforts.
The Dehong Dai and Jingpo Autonomous Prefecture in Yunnan, some 300 kilometers from the epicenter of the earthquake, has urgently dispatched tents, medicines, folding beds, cotton blankets, instant noodles and other relief materials worth an approximate total of 1.1 million yuan (around 153,300 U.S. dollars) to support earthquake relief work in Myanmar.
Li Ming, a spokesperson for the China International Development Cooperation Agency, said that China will provide 100 million yuan in emergency humanitarian aid to Myanmar to support local earthquake relief efforts.
At the request of the Myanmar government, China will also send two rescue teams and supply tents, blankets, first aid kits, food and drinking water — items that are urgently needed in impacted areas, Li said on Saturday.
The first batch of supplies is scheduled for delivery on Monday, and China will offer further assistance based on Myanmar’s needs, Li said.
English Caption
Members of a rescue team from China’s Hong Kong Special Administrative Region (HKSAR) government arrive in Yangon, Myanmar, March 29, 2025. (Photo by Wang Shen/Xinhua)