တရုတ်နိုင်ငံ၏ စီးပွားရေးက ကြံ့ကြံ့ခံနိုင်စွမ်းရှိမှုကို ပြသနေပြီး နည်းပညာ၊ လူသားအရင်းအမြစ်ကဏ္ဍ ရင်းနှီးမြှုပ်နှံမှုကို ဦးစားပေးလုပ်ဆောင်ခြင်းဖြစ်ဟု WEF မန်နေးဂျင်းဒါရိုက်တာ ပြော

ပေကျင်း၊ ဇွန် ၂၃ ရက် (ဆင်ဟွာ)
တရုတ်နိုင်ငံ၏ စီးပွားရေး ဖွံ့ဖြိုးတိုးတက်မှုမှာ နည်းပညာနှင့် လူသားအရင်းအမြစ် ကဏ္ဍတို့၌ ရင်းနှီးမြှုပ်နှံခြင်းဖြင့် ရေရှည်မျှော်တွေး လုပ်ဆောင်ခြင်းကြောင့်ဖြစ်ကြောင်း၊ အစိမ်းရောင် စွမ်းအင်ကဏ္ဍတွင်ဖြစ်စေ၊ စက်မှုလုပ်ငန်း အသွင်ကူးပြောင်းမှုနှင့် အဆင့်မြင့် ကုန်ထုတ်လုပ်မှုကဏ္ဍတွင်ဖြစ်စေ စက်မှုလုပ်ငန်းသစ်များ အဆင့်ဆင့် တိုးတက်ပြောင်းလဲလာပုံကို ထောက်ရှုလျှင် ထိုအချက်မှာ မြင်သာထင်သာရှိကြောင်း ကမ္ဘာ့စီးပွားရေးဖိုရမ် (WEF) ၏ မန်နေးဂျင်းဒါရိုက်တာဖြစ်သူ ဂင်ဟွေး နီယိုက ပြောကြားခဲ့သည်။
ဖိုရမ်သို့ ဧည့်ပရိသတ် ၁,၈၀၀ ခန့် တက်ရောက်မည်ဟု မျှော်မှန်းထားပြီး ၎င်းတို့အနက် ထက်ဝက်ကျော်မှာ နိုင်ငံတကာ စီးပွားရေးလုပ်ငန်းများ ဖြစ်နေခြင်းက တရုတ်နိုင်ငံကိုသာမက အာရှဒေသတစ်ခုလုံးကိုပါ လေးလေးနက်နက် စိတ်ဝင်စားမှု ရှိလာသည်ကို ညွှန်ပြနေခြင်းဖြစ်ကြောင်း တရုတ်နိုင်ငံ မြောက်ပိုင်း ထျန်းကျင်းမြို့တွင် ဇွန် ၂၄ ရက်မှ ၂၆ ရက်အထိ ကျင်းပမည့် ၂၀၂၅ ခုနှစ် နွေရာသီ ဒါဗို့စ်ဖိုရမ်မတိုင်မီ ဆင်ဟွာသတင်းဌာနနှင့် သီးသန့်အင်တာဗျူးတစ်ခု၌ နီယိုက ပြောကြားခဲ့သည်။
ထျန်းကျင်းမြို့၌ ပြုလုပ်မည့် ထိုအခမ်းအနားသို့ တက်ရောက်လာသော စီးပွားရေးလုပ်ငန်းများနှင့် ရင်းနှီးမြှုပ်နှံသူများအနေဖြင့် အဆင့်မြင့်ကုန်ထုတ်လုပ်မှု၊ နည်းပညာ၊ ကျန်းမာရေးစောင့်ရှောက်မှုနှင့် အခြား နယ်ပယ်များတွင် မိတ်ဖက်ပူးပေါင်းဆောင်ရွက်မှုများ ခိုင်မာအောင်လုပ်ဆောင်ရန် ရည်မှန်းထားမည်ဖြစ်ကြောင်း ၎င်းက ဆိုသည်။
တရုတ်နိုင်ငံနှင့် အာရှဒေသ ရင်းနှီးမြှုပ်နှံမှုပတ်ဝန်းကျင်နှင့် စပ်လျဉ်း၍ မှတ်ချက်ပြုရာတွင် မူဝါဒပိုင်း ချိတ်ဆက်ဆောင်ရွက်မှုနှင့် တစ်သမတ်တည်းဖြစ်မှု၊ လူသားအရင်းအမြစ် ရရှိနိုင်မှု၊ နည်းပညာ အဆင်သင့်ရှိမှု၊ ပိုမိုကျယ်ပြန့်သော ဈေးကွက်အထောက်အကူပြုမှုဆိုင်ရာ အင်္ဂါရပ်များမှာလည်း “အလွန်ခိုင်ခိုင်မာမာရှိ” သည်ဟု နီယိုက ပြောသည်။
“အဲဒီအင်္ဂါရပ် အသီးသီးဟာ ရင်းနှီးမြှုပ်နှံသူတွေအတွက်ရော စီးပွားရေး မိတ်ဖက်ဆက်ဆံမှုတွေအတွက်ပါ သင့်လျော်တဲ့ ပတ်ဝန်းကျင်တစ်ခုကို ဖန်တီးပေးတယ်လို့ ယူဆပါတယ်” ဟု ၎င်းက ရှင်းပြခဲ့သည်။
အထူးသဖြင့် ကမ္ဘာလုံးဆိုင်ရာ စီးပွားရေး မရေမရာရှိနေချိန်တွင် တရုတ်နိုင်ငံ၏ စီးပွားရေးမှာ ပိုမိုကြံ့ကြံ့ခံနိုင်စွမ်းရှိလာသည်ဟု နီယိုက ထောက်ပြပြောဆိုခဲ့သည်။ အာရှဒေသမှာ ယခုနှစ် ကမ္ဘာလုံးဆိုင်ရာ ဂျီဒီပီတိုးတက်မှု၏ ၆၀ ရာခိုင်နှုန်းခန့်ကို အားဖြည့်ပေးနိုင်မည်ဟု မျှော်လင့်ရသလို တရုတ်နိုင်ငံမှာလည်း ယင်း၏ ၃၀ ရာခိုင်နှုန်းခန့်ကို အားဖြည့်ပေးနိုင်မည်ဟု ခန့်မှန်းချက်များကို ကိုးကား၍ ၎င်းက ပြောကြားခဲ့သည်။
ကမ္ဘာ့စီးပွားရေးဖိုရမ် ချန်ပီယံသစ်များ၏ ၁၆ ကြိမ်မြောက် နှစ်ပတ်လည် အစည်းအဝေးဟုလည်း လူသိများသော ယခုနှစ် နွေရာသီ ဒါဗို့စ်ဖိုရမ်၏ ခေါင်းစဉ်မှာ “ခေတ်သစ် စီးပွားရေးစွန့်ဦးတီထွင်မှု” ဟူ၍ဖြစ်ကာ ကမ္ဘာ့စီးပွားရေးအား အဓိပ္ပာယ်ဖော်ခြင်း၊ တရုတ်နိုင်ငံအပေါ် သဘောထားအမြင်၊ ဖရိုဖရဲဖြစ်နေသော လုပ်ငန်းများ၊ ကမ္ဘာကြီးနှင့် လူသားများအပေါ် ရင်းနှီးမြှုပ်နှံခြင်း၊ စွမ်းအင်သစ်နှင့် ကုန်ကြမ်းပစ္စည်း စသော အဓိက အကြောင်းအရာငါးခုအား အလေးထားဆွေးနွေးသွားမည်ဖြစ်ကြောင်း သိရသည်။ (Xinhua)
………………….
(English Version)
Chinese economy shows resilience, prioritizes tech, talent investment — WEF MD
BEIJING, June 22 (Xinhua) — China’s economic development is taking a long-term view by investing in technology and human capability, which is evident in the way new industries have evolved, whether in green energy sectors or industrial transformation and advanced manufacturing, said Gim Huay Neo, managing director of the World Economic Forum (WEF).
In an exclusive interview with Xinhua ahead of the upcoming 2025 Summer Davos Forum, scheduled to run from June 24 to 26 in north China’s Tianjin Municipality, Neo said that the expected attendance of 1,800 participants at the forum, more than half of which being global businesses, signifies a strong interest in China as well as Asia as a whole.‌
Businesses and investors attending the Tianjin event will be looking to secure partnerships in advanced manufacturing, the technology sector, healthcare and other areas, she said.
Commenting on the investment environment in China and Asia, Neo said the “ingredients” in terms of policy coherence and consistency, availability of human capital, technology readiness and broader market support, are “pretty strong.”
“I think these various elements create an ecosystem that is favorable for investors as well as business partnerships,” she explained.
Notably, Neo also stated that the Chinese economy has been more resilient during a time of global economic uncertainty. She said Asia is expected to contribute about 60 percent of global GDP growth this year, with China to contribute around 30 percent, citing projections.
This year’s Summer Davos Forum, also known as the 16th Annual Meeting of New Champions of the World Economic Forum, is themed “Entrepreneurship in the New Era” and will focus on five key areas — deciphering the world economy, outlook on China, industries disrupted, investing in people and the planet, and new energy and materials.
English Caption
A press conference of the 2025 Summer Davos is held in Beijing, capital of China, June 17, 2025. (Xinhua/Xin Mengchen)