အီရန်နိုင်ငံအနေဖြင့် ၎င်း၏ အချုပ်အခြာအာဏာနှင့် ဂုဏ်သိက္ခာကို ကာကွယ်စောင့်ရှောက်ရာတွင် တရုတ်နိုင်ငံက ဆက်လက်အားပေးထောက်ခံသွားမည်ဟု တရုတ်နိုင်ငံခြားရေးဝန်ကြီး ပြောကြား

ထျန်းကျင်း၊ ဇူလိုင် ၁၇ ရက် (ဆင်ဟွာ)
အီရန်နိုင်ငံအနေဖြင့် ၎င်း၏ အချုပ်အခြာအာဏာနှင့် ဂုဏ်သိက္ခာကို ကာကွယ်စောင့်ရှောက်ရာတွင်လည်းကောင်း၊ အင်အားသုံး၍ နိုင်ထက်စီးနင်းပြုမူသော နိုင်ငံရေးစနစ်နှင့် ဗိုလ်ကျအနိုင်ကျင့်မှုကို တွန်းလှန်ရာတွင်လည်းကောင်း၊ အီရန်၏ တရားဝင် အခွင့်အရေးနှင့် အကျိုးစီးပွားများကို နိုင်ငံရေးအရ စေ့စပ်ညှိနှိုင်းခြင်းဖြင့် ကာကွယ်ရာတွင်လည်းကောင်း၊ ၎င်း၏ အိမ်နီးချင်းနိုင်ငံများနှင့် စဉ်ဆက်မပြတ် ဆက်ဆံရေး တိုးတက်ကောင်းမွန်စေရေးအတွက် အိမ်နီးချင်းကောင်းပီသမှုနှင့် ချစ်ကြည်ရင်းနှီးမှုရှိရေး မူဝါဒအား လက်ကိုင်ပြုကျင့်သုံးရာတွင်လည်းကောင်း တရုတ်နိုင်ငံက ဆက်လက်အားပေးထောက်ခံသွားမည်ဟု တရုတ်နိုင်ငံခြားရေးဝန်ကြီး ဝမ်ရိက ဇူလိုင် ၁၆ ရက်၌ ပြောကြားခဲ့သည်။
တရုတ်နိုင်ငံ မြောက်ပိုင်း ထျန်းကျင်းမြို့၌ အီရန်နိုင်ငံခြားရေးဝန်ကြီး ဆေယက် အာဘတ်စ် အာရက်ဂ်ချီနှင့် တွေ့ဆုံစဉ် တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်လည်းဖြစ်သူ ဝမ်က အထက်ပါအတိုင်း ပြောကြားခဲ့ခြင်းဖြစ်သည်။ အာရက်ဂ်ချီမှာ ရှန်ဟိုင်းပူးပေါင်းဆောင်ရွက်မှုအဖွဲ့ (SCO) အဖွဲ့ဝင်နိုင်ငံများ၏ နိုင်ငံခြားရေးဝန်ကြီးများကောင်စီ အစည်းအဝေး တက်ရောက်ရန် တရုတ်နိုင်ငံသို့ ရောက်ရှိနေခြင်းဖြစ်သည်။
တရုတ်နိုင်ငံအနေဖြင့် ဘက်ပေါင်းစုံ မဟာဗျူဟာမြောက် မိတ်ဖက်နိုင်ငံ ဖြစ်သည့်အလျောက် အပြန်အလှန်ယုံကြည်မှု နက်နက်ရှိုင်းရှိုင်းရှိရေး၊ ပူးပေါင်းဆောင်ရွက်မှု ခိုင်မာစေရေး၊ ကူးလူးဆက်ဆံမှုများ တိုးမြှင့်ရေး၊ တရုတ်-အီရန် ဆက်ဆံရေး တည်တည်ငြိမ်ငြိမ်ဖြင့် ရေရှည် တိုးတက်မှုကို အားပေးမြှင့်တင်ရေးအတွက် အီရန်နိုင်ငံနှင့် အတူလက်တွဲလုပ်ဆောင်ရန် ဆန္ဒရှိကြောင်း ဝမ်က ပြောကြားခဲ့သည်။
အာရက်ဂ်ချီကလည်း အီရန်နိုင်ငံအပေါ် တန်ဖိုးမဖြတ်နိုင်သော အားပေးပံ့ပိုးမှုများအတွက် တရုတ်နိုင်ငံအား ကျေးဇူးတင်ရှိကြောင်း၊ SCO အလှည့်ကျဥက္ကဋ္ဌဖြစ်သော တရုတ်နိုင်ငံ၏ အခန်းကဏ္ဍနှင့် ထျန်းကျင်း ထိပ်သီးအစည်းအဝေးအတွက် ပြင်ဆင်ဆောင်ရွက်မှုများကိုလည်း ထောက်ခံအားပေးကြောင်း ပြောကြားခဲ့သည်။
အီရန်နိုင်ငံအနေဖြင့် နှစ်နိုင်ငံအကြား အဆင့်မြင့် ကူးလူးဆက်ဆံမှုများကို မြှင့်တင်ကာ အပြန်အလှန် အကျိုးဖြစ်ထွန်းစေသော ပူးပေါင်းဆောင်ရွက်မှုများကို နက်နက်ရှိုင်းရှိုင်းရှိစေပြီး အပြန်အလှန် ပံ့ပိုးကူညီမှုများကို ခိုင်ခိုင်မာမာ ဆက်လက်လုပ်ဆောင်ရန် ဆန္ဒရှိသည်ဟု ၎င်းက ဆိုသည်။ နှစ်ဖက်အနေဖြင့် အီရန်နျူကလီးယားအရေးနှင့် စပ်လျဉ်း၍လည်း အမြင်ချင်းဖလှယ် ဆွေးနွေးခဲ့ကြောင်း သိရသည်။
အာရက်ဂ်ချီက အီရန်အနေဖြင့် နျူကလီးယားလက်နက်များ တီထွင်ရန် လုံးဝရည်ရွယ်ခြင်းမရှိကြောင်း ထပ်လောင်းအတည်ပြုခဲ့သော်လည်း နျူကလီးယားစွမ်းအင်ကို ငြိမ်းချမ်းစွာ အသုံးပြုသော တရားဝင် အခွင့်အရေးကိုမူ စွန့်လွှတ်မည်မဟုတ်ဟု ပြောကြားခဲ့သည်။ အီရန်နျူကလီးယားအရေးကို နိုင်ငံရေးနည်းလမ်းဖြင့် ဖြေရှင်းရန် ကြိုးပမ်းသည့်အနေဖြင့် တန်းတူညီမျှမှု၊ လေးစားမှုအပေါ် အခြေခံ၍ သက်ဆိုင်သူအားလုံးနှင့် ဆွေးနွေးညှိနှိုင်းမှုများကို အမြန်ဆုံး ပြန်လည်စတင်နိုင်ရန်လည်း အီရန်နိုင်ငံက ဆန္ဒရှိနေသည်။
ဝမ်က တရုတ်နိုင်ငံအနေဖြင့် အင်အားသုံးခြင်း သို့မဟုတ် အင်အားသုံး၍ ခြိမ်းခြောက်ခြင်းကို အစဉ်အမြဲ ဆန့်ကျင်ကာ မတူကွဲပြားမှုများကို တွေ့ဆုံဆွေးနွေးခြင်း၊ ဆွေးနွေးတိုင်ပင်ခြင်းဖြင့် ဖြေရှင်းရေးကို ထောက်ခံကြောင်း ပြောကြားခဲ့သည်။
တရုတ်နိုင်ငံအနေဖြင့် နျူကလီးယားလက်နက် တီထွင်ခြင်းမပြုရန် အီရန်၏ ကတိကဝတ်ပြုမှုအပေါ် များစွာတန်ဖိုးထားသကဲ့သို့ နျူကလီးယားစွမ်းအင်ကို ငြိမ်းချမ်းစွာအသုံးပြုသော အီရန်၏ အခွင့်အရေးကိုလည်း လေးစားမှုရှိကာ သံတမန်နည်းလမ်းများမှတစ်ဆင့် ငြိမ်းချမ်းမှုအား ရှာဖွေခြင်းကိုလည်း အသိအမှတ်ပြုလျက်ရှိသည်။ တရုတ်နိုင်ငံအနေဖြင့် သက်ဆိုင်သူအားလုံးနှင့် အပြန်အလှန်ဆွေးနွေးမှု အရှိန်အဟုန်ကို ထိန်းသိမ်းလျက်ရှိသော အီရန်နိုင်ငံအား ထောက်ခံအားပေးကြောင်း၊ အီရန် နျူကလီးယားအရေးအတွက် အဖြေရှာရေးနှင့် အရှေ့အလယ်ပိုင်းဒေသ တည်ငြိမ်ရေးကို အထောက်အကူပေးရာတွင် အပြုသဘောဆောင်သော အခန်းကဏ္ဍမှ ဆက်လက်ပါဝင်ရန် ဆန္ဒရှိကြောင်း ဝမ်က ပြောကြားခဲ့သည်။ (Xinhua)
………………………………………………………………………………..
(English Version)
China to continue to support Iran in safeguarding sovereignty, dignity: FM
TIANJIN, July 16 (Xinhua) — China will continue to support Iran in safeguarding its national sovereignty and dignity, resisting power politics and bullying, defending its legitimate rights and interests through political negotiation, and adhering to the principle of good-neighborliness and friendship to continuously improve and develop relations with its neighboring countries, Chinese Foreign Minister Wang Yi said on Wednesday.
Wang, also a member of the Political Bureau of the Communist Party of China Central Committee, made the remarks in north China’s Tianjin during a meeting with Iranian Foreign Minister Seyed Abbas Araghchi, who is in China for the meeting of the council of the ministers of foreign affairs of the Shanghai Cooperation Organization (SCO) member states.
As a comprehensive strategic partner, China is willing to work with Iran to deepen mutual trust, strengthen cooperation, expand exchanges, and promote the steady and long-term development of China-Iran relations, Wang said.
Araghchi thanked China for its invaluable support for Iran while also expressing support for China’s role as the rotating president of the SCO and its preparations for the Tianjin Summit.
Iran is willing to enhance high-level exchanges between the two countries, deepen mutually beneficial cooperation, and continue to firmly support each other, he said.
The two sides also exchanged their views on the Iranian nuclear issue.
Araghchi reaffirmed that Iran has absolutely no intention to develop nuclear weapons but will not give up its legitimate right to the peaceful use of nuclear energy. It is willing to resume negotiations and consultations with all parties as soon as possible on the premise of equality and respect, to seek a political solution to the Iranian nuclear issue.
Wang said that China has always opposed the use of force or the threat of force and advocates resolving differences through dialogue and consultation.
China highly values Iran’s commitment not to developing nuclear weapons, respects Iran’s right to the peaceful use of nuclear energy, and appreciates Iran’s pursuit of peace through diplomatic means. China supports Iran in maintaining the momentum of dialogue with all parties, and is willing to continue to play a constructive role in promoting the settlement of the Iranian nuclear issue and stability in the Middle East region, he noted.
English Caption
Chinese Foreign Minister Wang Yi, also a member of the Political Bureau of the Communist Party of China Central Committee, meets with Iranian Foreign Minister Seyed Abbas Araghchi in Tianjin, north China, July 16, 2025. (Xinhua)