တရုတ်နိုင်ငံ၏ ကျေးရွာစူပါလိဂ် ဘောလုံးပြိုင်ပွဲ ပြန်လည်စတင်ချိန် ဂန္ထဝင် ကစားသမားများဖြစ်သည့် ဘက်ဂီယိုနှင့် ရောဘတ်တို ကားလို့စ်တို့ လာရောက်အားပေးခဲ့သဖြင့် ပရိသတ် စိတ်ဝင်စားမှုများပြား

ကွေ့ယန်၊ ဇူလိုင် ၂၈ ရက် (ဆင်ဟွာ)
ဇူလိုင် ၂၆ ရက် ညနေခင်းက ကျင်းပခဲ့သည့် ချွမ်းချောင်းဟုလည်း လူသိများသော တရုတ်နိုင်ငံ၏ ကျေးရွာစူပါလိဂ် ဘောလုံးပြိုင်ပွဲသို့ ကမ္ဘာကျော် ဂန္ထဝင် ကစားသမားများဖြစ်သည့် ရောဘတ်တို ဘက်ဂီယိုနှင့် ရောဘတ်တို ကားလို့စ်တို့ လာရောက်အားပေးခဲ့ရာ ပရိသတ်များ၏ စိတ်ဝင်စားမှုကို အခိုင်အမာ ရရှိခဲ့ကြောင်း သိရသည်။
“တရုတ်နိုင်ငံဟာ ဥရောပတိုက်နဲ့ ကမ္ဘာတစ်ခြမ်းစာလောက် ဝေးကွာနေပေမဲ့ ဒီနိုင်ငံမှာလည်း ဘောလုံးအ‌ပေါ် မှာ တူညီတဲ့ စိတ်အားထက်သန်မှု ရှိတယ်လို့ ကျွန်တော်ထင်ပါတယ်” ဟု ထိုပြိုင်ပွဲအတွင်း ဘက်ဂီယိုက ပြောကြားခဲ့သည်။ ၎င်းနှင့် ကားလို့စ်တို့မှာ ပထမပိုင်းအပြီး ခေတ္တရပ်နားချိန်တွင် ရောက်ရှိလာခဲ့ခြင်းဖြစ်သည်။
တရုတ်နိုင်ငံ အနောက်တောင်ပိုင်း ကွေ့ကျိုးပြည်နယ် ရုံကျန်းခရိုင်တွင် ချွမ်းချောင်း ပြန်လည်စတင်သည့် ကျေးဇူးတုံ့ပြန်ပွဲ အခမ်းအနား ကျင်းပခဲ့ရာ ယခုနွေရာသီ အစောပိုင်းက ယင်းခရိုင်ရှိ ဘောလုံးအားကစားကွင်းနှင့် နေရာအများအပြားတွင် အကြီးအကျယ် ရေကြီးရေလျှံမှုများ ဖြစ်ပွားပြီးနောက် ဘောလုံးပြိုင်ပွဲ ပြန်လည်ကျင်းပသည့် အမှတ်သင်္ကေတလည်းဖြစ်သည်။
အဆိုပါ အခမ်းအနား၌ ချစ်ကြည်ရေးခြေစမ်းပွဲ သုံးပွဲ ယှဉ်ပြိုင်ကစားခဲ့ပြီး စားဖိုမှူးများ၊ ရဲအရာရှိများနှင့် ရေဘေးကယ်ဆယ်ရေး ကြိုးပမ်းမှုများတွင် ပါဝင်ခဲ့သည့် အခြားသူများ အပါအဝင် ဒေသခံများ ပါဝင်ခဲ့ကြောင်း သိရသည်။ ရပ်ရွာလူထု၏ ကျယ်ကျယ်ပြန့်ပြန့် ဝိုင်းဝန်းကူညီမှုကြောင့် ရုံကျန်းခရိုင်တွင် လည်ပတ်လှုပ်ရှားမှုများကို တစ်လအတွင်း ပြန်လည်စတင်နိုင်ခဲ့သလို ချွမ်းချောင်း‌ ဘောလုံးပြိုင်ပွဲကိုလည်း ပြန်လည်စတင်နိုင်ခဲ့ခြင်းဖြစ်သည်။
အဆိုပါ ဘောလုံးပြိုင်ပွဲအား ပြန်လည်ဖွင့်လှစ်သည့် အထိမ်းအမှတ်အဖြစ် “ချွမ်းချောင်း၊ ကမ္ဘာ့ဘောလုံးကြယ်ပွင့်များ၏ ကွေ့ကျိုးခရီးစဉ်” ဟူသော အခမ်းအနားကိုလည်း ယင်းနေ့တွင်ပင် ဖွင့်လှစ်ကျင်းပခဲ့ပြီး ပထမဆုံးကျင်းပသည့် အခမ်းအနားသို့ ဘက်ဂီယိုနှင့် ကားလို့စ်တို့လည်း တက်ရောက်ခဲ့ကြောင်း သိရသည်။
ကားလို့စ်အနေဖြင့် မက်ဒရစ်မြို့မှ ကွေ့ကျိုးပြည်နယ်၏မြို့တော် ကွေ့ယန်သို့ ဇူလိုင် ၂၅ ရက်က ရောက်ရှိလာခဲ့ခြင်းဖြစ်ကာ ကွေ့ယန်မြို့ရှိ Colorful Guizhou Cultural Plaza ၌ ၎င်းအား ဝါးညှပ်အက၊ တုန့်လူမျိုးတို့၏ ရိုးရာတေးသီချင်းများဖြင့် ကြိုဆိုဧည့်ခံခဲ့သည်။ ၎င်းရောက်ရှိလာချိန်တွင် ပရိသတ်များ စုဝေးကာ ကြိုဆိုနှုတ်ခွန်းဆက်ခဲ့ကြောင်း သိရသည်။
ကားလို့စ်က တရုတ်ဘောလုံးပရိသတ်များအကြား လူကြိုက်များနေဆဲဖြစ်သည့် လွန်ခဲ့သော ၂၈ နှစ်က ၎င်း၏ နာမည်ကျော် ဖရီးကစ်ကန်ချက်နှင့် ပတ်သက်၍လည်း မှတ်ချက်ပြုပြောကြားခဲ့သည်။ “အားလုံးက လေ့လာကြည့်ချင်တယ်ဆိုရင် ကျွန်တော် ဝမ်းမြောက်ဝမ်းသာနဲ့ အဲဒီလိုမျိုး ထပ်လုပ်ပြပါ့မယ်” ဟု ၎င်းက ဆိုသည်။
“အပျော်တမ်းဖြစ်စေ ပရော်ဖက်ရှင်နယ် ကစားသမားဖြစ်စေ အရေးအကြီးဆုံး အရာကတော့ ဘောလုံးက ယူဆောင်လာတဲ့ ပျော်ရွှင်မှုတွေကို မွေ့လျော်ခံစားတတ်ဖို့ပါပဲ” ဟု ဆင်ဟွာသတင်းဌာနနှင့် အင်တာဗျူးတွင် ဘက်ဂီယိုက ပြောကြားခဲ့သည်။ “ဘောလုံးဆိုတာဟာ အရူးအမူးဖြစ်စရာ အားကစားနည်းတစ်ခုပါပဲ။ တခြားသူတွေလိုပဲ ကျွန်တော်တို့လည်း အပျော်တမ်းဘဝကနေ အစပြုခဲ့ရတယ်။ ပိုပြီးတိုးတက်လာဖို့ဆိုရင် ကိုယ့်ကိုယ့်ကိုယ် အဆက်မပြတ် တွန်းအားပေးပြီး ကန့်သတ်မှုတွေကို တစ်ဆင့်ချင်းစီ ကျော်လွှားနိုင်ရပါမယ်” ဟု ၎င်းက ဆိုသည်။
လူငယ်ကစားသမားများအတွက် မည်သို့အကြံပေးလိုသနည်းဟု မေးမြန်းရာတွင် ဘက်ဂီယိုက “ဘောလုံးကွင်းထဲမှာ အောင်မြင်မှုတွေ ရယူချင်တယ်ဆိုရင် လေ့ကျင့်ရေးလုပ်တဲ့အခါမှာ အပြင်းအထန် ကြိုးစားရမယ်။ အရေးအကြီးဆုံးကတော့ လူငယ်တွေအနေနဲ့ ဘောလုံးကနေ ပျော်ရွှင်မှုကို ရှာဖွေနိုင်မယ်လို့ ကျွန်တော် မျှော်လင့်ပါတယ်။ ဘာကြောင့်လို့လဲဆိုတော့ ပျော်ရွှင်မှုဆိုတာဟာ ဘဝမှာရှေ့ဆက်နိုင်ဖို့ မောင်းနှင်အားဖြစ်နေလို့ပါပဲ” ဟု ပြောကြားခဲ့သည်။ (Xinhua)

တရုတ်နိုင်ငံ အနောက်တောင်ပိုင်း ကွေ့ကျိုးပြည်နယ် ကွေ့ယန်မြို့ ရုံကျန်းခရိုင်တွင် ချွမ်းချောင်းဟုလည်း လူသိများသော “ကျေးရွာစူပါလိဂ်” ဘောလုံးပြိုင်ပွဲ ပြန်လည်စတင်သည့် အခမ်းအနားအား ၂၀၂၅ ခုနှစ် ဇူလိုင် ၂၆ ရက်က တွေ့ရစဉ် (ဆင်ဟွာ)

……………….
(English Version)
Football legends Baggio, Carlos ignite fervor as China’s Village Super League resumes
GUIYANG, July 28 (Xinhua) — International football legends Roberto Baggio and Roberto Carlos appeared at China’s Village Super League, also known as Cun Chao, last Saturday evening, drawing strong interest from spectators.
“Although China is half a world away from Europe, I can feel the same passion for football here,” Baggio said during the event, where he and Carlos made an appearance at halftime.
Cun Chao held a gratitude-themed restart ceremony in Rongjiang County, southwest China’s Guizhou Province, marking its return after devastating floods submerged the stadium and much of the county earlier this summer. The event attracted tens of thousands of attendees.
Three friendly matches were played featuring local participants, including chefs, police officers and others who had taken part in flood relief efforts. With broad community support, Rongjiang resumed activity within a month, and Cun Chao resumed its matches.
To mark the reopening, the “Cun Chao – World Football Stars Guizhou Tour” was launched the same day, with Baggio and Carlos attending the first event.
Carlos traveled from Madrid to Guiyang, capital of Guizhou Province, last Friday. He was welcomed with bamboo dance performances and Dong ethnic songs at the city’s Colorful Guizhou Cultural Plaza. Fans gathered to greet him as he arrived.
Carlos also commented on his iconic free-kick he scored 28 years ago that remains popular among Chinese fans. “If everyone wants to learn, I’d be happy to do it again,” he said.
“The most important thing is whether you’re an amateur or a professional, you must enjoy the happiness that football brings,” Baggio said in an interview with Xinhua. “Football is a sport of passion. Just like everyone else, we started as amateurs. To improve, you must constantly challenge yourself and push your limits, step by step.”
When asked for advice to young players, Baggio added, “If you want rewards on the field, you must put in the effort during training. Most importantly, I hope children find joy in football because happiness is the driving force that keeps you moving forward.”
English Caption 1
Roberto Baggio (R) and Roberto Carlos (L) attend the “Village Super League,” also known as Cun Chao, staged in Rongjiang County, Guizhou Province in southwest China, July 26, 2025. (Photo by Long Jianrui/Xinhua)
English Caption 2
An aerial drone photo taken on July 26, 2025 shows the restart ceremony of the “Village Super League,” also known as Cun Chao, staged in Rongjiang County, Guizhou Province in southwest China. (Xinhua/Liu Xu)