တရုတ်နိုင်ငံနှင့် ရုရှားနိုင်ငံတို့က အဓိကအကျိုးစီးပွား ပံ့ပိုးခြင်းနှင့် ပြည်တွင်းရေးရာများတွင် ကြားဝင်နှောင့်ယှက်ခြင်းကို ကန့်ကွက်ခြင်းအပေါ် ထပ်လောင်းပြောကြား

ပေကျင်း၊ ဖေဖော်ဝါရီ ၅ ရက် (ဆင်ဟွာ)

တရုတ်နိုင်ငံနှင့် ရုရှားနိုင်ငံတို့သည် တစ်နိုင်ငံချင်းစီ၏ အဓိကအကျိုးစီးပွား၊ နိုင်ငံ၏ အချုပ်အခြာအာဏာနှင့် နယ်မြေတည်တံ့ခိုင်မြဲမှုအတွက် အခိုင်အမာထောက်ခံကြောင်း ထပ်လောင်းပြောကြားခဲ့ပြီး ပြည်တွင်းရေးရာများ၌ ပြင်ပမှဝင်ရောက်စွက်ဖက်မှုကိုလည်း ကန့်ကွက်ကြောင်း နှစ်နိုင်ငံ သမ္မတများ တွေ့ဆုံပြီးနောက် ဖေဖော်ဝါရီ ၄ ရက်၌ ထုတ်ပြန်သည့် ပူးတွဲကြေညာချက်အရ သိရသည်။

တရုတ်နိုင်ငံ သမ္မတ ရှီကျင့်ဖိန်၏ ဖိတ်ကြားချက်ဖြင့် ရုရှားနိုင်ငံ သမ္မတ ဗလာဒီမာပူတင်သည် တရုတ်နိုင်ငံသို့ ချစ်ကြည်ရေးခရီးလာရောက်လျက်ရှိသည်။ နှစ်နိုင်ငံ ခေါင်းဆောင်များသည် ပေကျင်းမြို့၌ တွေ့ဆုံဆွေးနွေးခဲ့ပြီး ၂၄ ကြိမ်မြောက် အိုလံပစ် ဆောင်းရာသီအားကစားပွဲ ဖွင့်ပွဲအခမ်းအနားသို့ တက်ရောက်ခဲ့သည်။

တရုတ်နှင့် ရုရှား နှစ်နိုင်ငံတို့သည် မြောက်အတ္တလန္တိတ်စာချုပ်ဝင်နိုင်ငံများအဖွဲ့ (NATO) ထပ်မံချဲ့ထွင်မှုကို ကန့်ကွက်လျက်ရှိပြီး စစ်အေးခေတ်သဘောထားကို စွန့်လွှတ်ရန်၊ အခြားသောနိုင်ငံများ၏ အချုပ်အခြာအာဏာ၊ လုံခြုံရေးနှင့် အကျိုးစီးပွားများကို လေးစားရန်နှင့် အခြားသောနိုင်ငံများ၏ ငြိမ်းချမ်းစွာ ဖွံ့ဖြိုးတိုးတက်မှုဆီဦးတည်သော မျှတ၍ ဓမ္မဓိဌာန်ကျကျ သဘောထားကို ကိုင်ဆွဲထားရန် NATO အား တိုက်တွန်းပြောကြားခဲ့သည်။

တရုတ်နိုင်ငံနှင့် ရုရှားနိုင်ငံတို့သည် သီးသန့်အုပ်စုဖွဲ့ရေး ရှေ့ဆက်တိုးရန်နှင့် အာရှ-ပစိဖိတ်ဒေသတွင်း အဖွဲ့ဝင်နိုင်ငံများကြား ထိပ်တိုက်ရင်ဆိုင်ရေး လှုံ့ဆော်ရန် မည်သို့သောအားထုတ်မှုမျိုးကိုမဆို ဆန့်ကျင်ကြောင်း၊ ဒေသတွင်း ငြိမ်းချမ်းရေးနှင့် တည်ငြိမ်ရေးအတွက် အမေရိကန်၏ အင်ဒို-ပစိဖိတ်မဟာဗျူဟာ၏ မကောင်းသောသက်ရောက်မှုနှင့်ပတ်သက်၍ နိုးနိုးကြားကြားရှိကြောင်း ထုတ်ပြန်ချက်အရ သိရသည်။

နှစ်နိုင်ငံအနေဖြင့် အာရှ-ပစိတ်ဒေသတွင် သာတူညီမျှရှိသော၊ ပွင့်လင်းပြီး အားလုံးပါဝင်မှုရှိသော လုံခြုံရေးစနစ်တစ်ခု တည်ဆောက်ရန် ကတိပြုထားခဲ့ကြောင်း၊ ယင်းမှာ မည်သည့်တတိယနိုင်ငံကိုမျှ တိုက်ရိုက်ရည်ရွယ်ခြင်းမရှိကြောင်းနှင့် ငြိမ်းချမ်းရေး၊ တည်ငြိမ်ရေးနှင့် ကြွယ်ဝချမ်းသာရေးအတွက် အပြောင်းအလဲမရှိ ကြိုးပမ်းအားထုတ်မှုများ ဆောင်ရွက်လျက်ရှိကြောင်း ထုတ်ပြန်ချက်၌ ဖြည့်စွက်ဖော်ပြထားသည်။

ထို့ပြင် နှစ်နိုင်ငံတို့သည် အမေရိကန်၊ ဗြိတိန်နှင့် ဩစတြေးလျ သုံးနိုင်ငံ လုံခြုံရေးမိတ်ဖက်ဆက်ဆံရေး အောကပ်စ် (AUKUS) အပေါ် လွန်စွာစိုးရိမ်ပူပန်မိကြောင်း ထုတ်ပြန်ချက်အရ သိရသည်။

အဆိုပါ သဘောတူညီချက်သည် အာရှ-ပစိဖိတ်ဒေသ၏ လုံခြုံရေးနှင့် ရေရှည်တည်တံ့သော ဖွံ့ဖြိုးတိုးတက်မှု ရည်မှန်းချက်များအား ပြောင်းပြန်ဖြစ်သွားစေကြောင်း၊ ဒေသတွင်းရှိ လက်နက်ပြိုင်ပွဲ အန္တရာယ်ကို မြင့်တက်စေကြောင်းနှင့် နျူကလီးယား တိုးပွားလာခြင်း၏ ပြင်းထန်သောအန္တရယ်ကို ဖြစ်ပေါ်စေကြောင်း သိရသည်။

တရုတ်နိုင်ငံနှင့် ရုရှားနိုင်ငံတို့သည် ယင်းကဲ့သို့ အပြောင်းအလဲ လှုပ်ရှားမှုများကို အပြင်းအထန်ရှုတ်ချကြောင်းနှင့် အောကပ်စ်တွင် ပါဝင်သူများကိုလည်း ၎င်းတို့၏ နျူကလီးယားနှင့် ဒုံးကျည် မပြန့်ပွားရေးကတိကဝတ်များကို တင်းတင်းကြပ်ကြပ်လိုက်နာကြရန်နှင့် ဒေသတွင်း ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးတိုးတက်မှုကို ထိန်းသိမ်းရန် တိုက်တွန်းပြောကြားခဲ့သည်။

ထို့ပြင် နှစ်နိုင်ငံတို့သည် နျူလက်နက်များမပြန့်ပွားရေး သဘောတူစာချုပ်က နိုင်ငံတကာ လက်နက်ဖျက်သိမ်းရေးနှင့် နျူကလီးယားမပြန့်ပွားရေးစနစ်၏ အုတ်မြစ်ဖြစ်သလို ကမ္ဘာ့ငြိမ်းချမ်းရေးနှင့် ဖွံ့ဖြိုးတိုးတက်မှုတွင် မရှိမဖြစ်အခန်းကဏ္ဍတွင် ပါဝင်လျက်ရှိသော စစ်ပွဲအလွန် နိုင်ငံတကာလုံခြုံရေးစနစ်၏ အရေးပါသည့် အစိတ်အပိုင်းလည်းဖြစ်ကြောင်း ထပ်လောင်းအတည်ပြုခဲ့ကြသည်။

နိုင်ငံတကာအသိုင်းအဝိုင်းသည် သဘောတူစာချုပ်၏ ညီမျှသောနည်းလမ်း၌ မဏ္ဍိုင်သုံးခု မြှင့်တင်သွားမည်ဖြစ်ကြောင်းနှင့် အများယုံကြည်လက်ခံမှု၊ ထိရောက်မှုနှင့် သဘောတူစာချုပ်၏ ကမ္ဘာ့အခြေခံသဘောသဘာဝကို ကာကွယ်ရေး အတူတကွဆောင်ရွက်သွားမည်ဖြစ်ကြောင်း ထုတ်ပြန်ချက်၌ ဖြည့်စွက်ဖော်ပြထားသည်။ (Xinhua)

…………………………………………

China, Russia reaffirm support on core interest, oppose interference in internal affairs: joint statement
Source: Xinhua
Editor: huaxia
2022-02-05 00:26:00
BEIJING, Feb. 4 (Xinhua) — China and Russia reaffirmed strong support for each other’s core interest, state sovereignty and territorial integrity, and voiced opposition to external interference in their domestic affairs, according to a joint statement issued Friday after a meeting between the two countries’ presidents.
At the invitation of Chinese President Xi Jinping, Russian President Vladimir Putin is paying a visit to China. The two heads of state held talks in Beijing, and attended the opening ceremony of the 24th Olympic Winter Games.
The two countries oppose further enlargement of the North Atlantic Treaty Organization (NATO), and urged NATO to abandon its Cold-War mentality, respect the sovereignty, security and interests of other countries, and hold a fair and objective attitude towards the peaceful development of other countries.
China and Russia stand against any attempts to forge exclusive blocs and to stoke confrontation between blocs in the Asia-Pacific region, and they are highly vigilant about the negative impact of the U.S. Indo-Pacific strategy on peace and stability in the region, said the statement.
The two sides are committed to building an equitable, open and inclusive security system in the Asia-Pacific region that is not directed against any third country, and have made consistent efforts in promoting peace, stability and prosperity, it added.
According to the statement, the two countries are seriously concerned about AUKUS, the trilateral security partnership between the United States, Britain, and Australia.
The deal runs contrary to the security and sustainable development objectives of the Asia-Pacific region, increase the risk of an arms race in the region, and pose serious risks of nuclear proliferation.
China and Russia strongly condemn such moves and call on AUKUS participants to strictly fulfil their nuclear and missile non-proliferation commitments and to safeguard regional peace, stability and development.
The two sides reaffirmed that the Treaty on the Non-Proliferation of Nuclear Weapons is the cornerstone of the international disarmament and nuclear non-proliferation system, and also an important part of the post-war international security system, which plays an indispensable role in global peace and development.
The international community should promote the the treaty’s three pillars in a balanced way, and work together to protect the credibility, effectiveness and the universal nature of the treaty, the statement added. ■
Photo : Chinese President Xi Jinping holds talks with Russian President Vladimir Putin at the Diaoyutai State Guesthouse in Beijing, capital of China, Feb. 4, 2022. (Xinhua/Li Tao)