ရန်ကုန်တိုင်းဒေသကြီး၊ တောင်ဥက္ကလာပမြို့နယ်ရှိ သောက်ရေသန့်လုပ်ငန်း (၃)ခု အား ရှောင်တခင်စစ်ဆေး၊ စက်ရုံ(၃)ရုံအား ပိတ်သိမ်းအရေးယူ

ရန်ကုန်၊ ဇွန် ၂၆ ရက် (ဆင်ဟွာ)

ရန်ကုန်တိုင်းဒေသကြီး၊ တောင်ဥက္ကလာပမြို့နယ်ရှိ အစားအသောက်ထုတ်လုပ်ခြင်း ထောက်ခံချက်မရှိသော သောက်ရေသန့်လုပ်ငန်း (၃)ခု အား ရှောင်တခင်စစ်ဆေး ကာ ကောင်းမွန်သောထုတ်လုပ်မှုကျင့်စဉ်(GMP) နှင့် ကိုက်ညီမှု မရှိပါသောကြောင့် စက်ရုံ(၃)ရုံအား ပိတ်သိမ်းအရေးယူခဲ့ကြောင်း အစားသောက်နှင့်ဆေးဝါးကွပ်ကဲရေးဦးစီးဌာနက ထုတ်ပြန်သည့်သတင်းအရ သိရသည်။

ဖြစ်စဉ်မှာ ဇွန် ၂၅ ရက်နေ့တွင် အစားအသောက်နှင့်ဆေးဝါးကွပ်ကဲရေးဦးစီးဌာနခွဲ-ရန်ကုန်သည် မြို့နယ်အစားအသောက်နှင့်ဆေးဝါးကြီးကြပ်ကွပ်ကဲရေးကော်မတီဝင်များနှင့်အတူ “တောင်ဥက္ကလာပမြို့နယ်ရှှိ အစားအသောက်ထုတ်လုပ်ခြင်းထောက်ခံချက်မရရှိထားသော သောက်ရေသန့်လုပ်ငန်း (၃)ခု” အား ရှောင်တခင် ကွင်းဆင်းစစ်ဆေးခဲ့ရာ” WYMT “အမှတ်တံဆိပ် နှင့် “RCD” အမှတ်တံဆိပ် သောက်ရေသန့်လုပ်ငန်း နှင့် ထောက်ခံချက်ရရှိပြီးသော အမှတ်တံဆိပ်မျိုးစုံကိုအသုံးပြု၍ ထုတ်လုပ်နေသော သောက်ရေသန့်လုပ်ငန်းတို့မှာ ကောင်းမွန်သောထုတ်လုပ်မှုကျင့်စဉ်(GMP) နှင့် ကိုက်ညီမှု မရှိပါသဖြင့် စက်ရုံ(၃)ရုံအား ပိတ်သိမ်းအရေးယူခဲ့ပြီး အဆိုပါလုပ်ငန်းများအား GMPနှင့်အညီ ပြန်လည်ပြု ပြင်ပြီး အစားအသောက်နှင့်ဆေးဝါးကွပ်ကဲရေးဦးစီးဌာနသို့လျှောက်ထားရန်၊ ထောက်ခံချက်ရရှိထားခြင်းမရှိဘဲ ထုတ်လုပ်ရောင်းချနေမှုကြောင့် (၃)လအတွင်း လျှောက်ထားခြင်း မပြုရန်နှင့် ဈေးကွက်အတွင်း ဖြန့်ဖြူးထုတ်လုပ်ရောင်းချခြင်းမပြုရန် ၊ လိုက်နာမှုမရှိပါက အမျိုးသားအစားအသောက်ဥပဒေအရ အရေးယူသွားမည် ဖြစ်ကြောင်း သတင်းထုတ်ပြန်ချက် တွင် ပါရှိသည်။ (Xinhua)