Environment, Disasters & Accidents
ရေတာရှည်မြို့နယ် အမြန်လမ်းမကြီး၌ ယာဉ်တိမ်းမှောက်မှုကြောင့် ၁၄ ဦး ဒဏ်ရာရရှိ
ရန်ကုန်၊ ဇွန် ၂၆ ရက် (ဆင်ဟွာ)
ပဲခူးတိုင်းဒေသကြီး ရေတာရှည်မြို့နယ် အမြန်လမ်းမကြီး၌ ယာဉ်တိမ်းမှောက်မှုကြောင့် ၁၄ ဦး ဒဏ်ရာရရှိခဲ့ကြောင်း ပြည်ထဲရေးဝန်ကြီးဌာန မှ ယနေ့သတင်းထုတ်ပြန်သည်။
ဖြစ်စဉ်မှာ ၂၀၁၈ ခုနှစ်၊ ဇွန်လ ၂၅ ရက်နေ့ ၀၅း၂၀ နာရီ အချိန်တွင် ရေတာရှည်မြို့နယ် အမြန်လမ်း မိုင်တိုင် (၁၆၇/၃-၄) ကြား၌ ဇော်ထွန်းအောင်(၄၀)နှစ် မောင်းနှင်ပြီး ဦးအောင်ဇော်မြင့်(၄၃)နှစ်ပါ ၁၈ ဦး လိုက်ပါလာသည့်8E/ ××××Light Truck ဘုရားဖူးယာဉ်သည် ယာဉ်မောင်းအိပ်ငိုက်၍ လမ်းလယ် ကျွန်းပေါ်သို့ ရောက်ရှိတိမ်းမှောက်ခဲ့ရာ ဦးအောင်ဇော်မြင့်ပါ ၁၄ ဦး(ကျား ၄၊မ ၁၀)တို့တွင် ဖူးရောင် ပေါက်ပြဲဒဏ်ရာများ(မစိုးရိမ်ရ)ရရှိခဲ့သဖြင့် နေပြည်တော် ခုတင် ၁၀၀၀ ဆေးရုံကြီးသို့ ပို့ဆောင်ခဲ့ ကြောင်းနှင့် ၀၆း၄၀နာရီ အချိန်တွင် ဇော်ထွန်းအောင် အား သာဂရအမြန်လမ်းမကြီးရဲစခန်း ယာဉ်(ပ)၁၈/၂၀၁၈၊ ရာဇသတ်ကြီးပုဒ်မ ၃၃၈/၃၃၇(ပေါ့လျော့ မှုကြောင့်ပြင်းထန်/ သာမန်နာကျင် စေမှု)ဖြင့် အမှုဖွင့် စစ်ဆေးလျက်ရှိကြောင်း သတင်းထုတ်ပြန်ချက်ထဲတွင် ပါရှိသည်။ (Xinhua)