Environment, Disasters & Accidents
ရန်ကုန်-မန္တလေးအမြန်လမ်းမကြီး၌ ယာဉ်တိုက်မှုဖြစ်ပြီး တစ်ဦးသေ ၇ဦး ဒဏ်ရာရရှိ
ရန်ကုန်၊ ဧပြီ ၁၀ ရက် (ဆင်ဟွာ)
ရန်ကုန်-မန္တလေးအမြန်လမ်းမကြီး၌ ယနေ့ နံနက် ၃နာရီကျော်တွင် ယာဉ်တိုက်မှုဖြစ်ပြီး တစ်ဦးသေ ၇ဦး ဒဏ်ရာရရှိခဲ့ကြောင်း အမြန်လမ်းမကြီးရဲတပ်ဖွဲ့ရုံးက ထုတ်ပြန်သော သတင်းအရ သိရသည်။
နေပြည်တော်-ရန်ကုန်လမ်း မိုင်တိုင် ၁၀၀/၂တွင် မန္တလေးမှ မော်လမြိုင်သို့ မောင်းနှင်လာသည့်
Alphardယာဉ်သည် အရှိန်လွန်၍ လမ်းလယ်ကျွန်းကို တိုက်မီခဲ့ကြောင်း၊ အဆိုပါ ယာဉ်တိုက်မှုကြောင့် ယာဉ်ပေါ်ပါ ၉ ဦးအနက် တစ်ဦးနေရာတွင် ပွဲချင်းပြီးသေဆုံးခဲ့ပြီး ၇ ဦးဒဏ်ရာရရှိခဲ့ကြောင်း သိရသည်။
အဆိုပါ ထိခိုက်ဒဏ်ရာရရှိသူများကို အမြန်လမ်းမကြီးရဲတပ်ဖွဲ့၊ဖြူး စခန်း တပ်ဖွဲ့ဝင်များနှင့် အထောက်အကူပြု အဖွဲ့များမှ ကူညီဆောင်ရွက်လျက်ရှိကြောင်း သိရသည်။(Xinhua)
Continue Reading