တိုးမြှင့် ပင်စင်ထုတ်ယူရန် လူ ၁၈၀,၀၀၀ကျော် ကျန်ရှိဟု ပင်စင်ဦးစီးဌာန ထုတ်ပြန်

ရန်ကုန်၊ ဖေဖော်ဝါရီ ၂၃ ရက် (ဆင်ဟွာ)

အစိုးရအနေဖြင့် အငြိမ်းစားဝန်ထမ်းများ၏ ပင်စင်လစာကို ၂၀၁၉ ခုနှစ် ဇန်နဝါရီလမှစတင်ကာ တိုးမြှင့်ခံစားခွင့်ပြုထားပြီး လက်ရှိတွင် တိုးမြှင့်ပင်စင်ထုတ်ယူရန် လူ ၂သိန်းခန့် ကျန်ရှိနေကြောင်း ပင်စင်ဦးစီးဌာနက ထုတ်ပြန်ချက်အရသိရသည်။

လက်ရှိ ချိန်တွင် မြို့ပြပင်စင်စား ၅၄,၄၉၂ ဦး၊ နိုင်ငံရေးပင်စင်စား ၄,၉၇၁ ဦး၊ စုစုပေါင်း ပင်စင်စား ၅,၄၆၃ ဦး ထုတ်ယူထားကာ ၁၈၂,၀၃၄ ဦး ထုတ်ယူရန် ကျန်ရှိနေပြီး သွားရောက်ထုတ်ယူကြရန် ပင်စင်ဦးစီးဌာနက တိုက်တွန်းကြောင်း ထုတ်ပြန်ချက်တွင် ဖော်ပြထားသည်။

တဦးချင်းစီတိုးမြှင့်ပင်စင်ငွေပေးမိန့်များကို စိစစ်တွက်ချက်ပြီး မြန်မာ့စီးပွားရေး ဘဏ်ခွဲအသီးသီးကို နေ့စဉ် ပေးပို့ထားကြောင်း၊ ဖေဖော်ဝါရီ ၁၅ ရက်အထိ မြို့ပြ ပင်စင်စား ၁၉၇,၀၈၂ ဦး၊ နိုင်ငံရေးပင်စင်စား ၄၄,၄၁၅ ဦး၊ စုစုပေါင်း ပင်စင်စား ၂၄၁,၄၉၇ ဦး၏ ငွေပေးမိန့်များထုတ်ပြန်ထားကြောင်း သိရသည်။

တိုးမြှင့်ပင်စင်လစာများကို မြန်မာ့စီးပွားရေးဘဏ်ခွဲများတွင် ထုတ်ယူနိုင်ပြီး အခက်အခဲ ဖြစ်ပေါ်ပါက နေပြည်တော်ပင်စင်ဦးစီးဌာန Hot Line ဖုန်း ၀၆၇၃၄၁၀၃၇၃နှင့်၀၉ ၄၄၂၁၄၅၉၁၃ တို့ကို ဆက်သွယ်မေးမြန်းနိုင်ကြောင်း ပင်စင်ဦးစီးဌာနက ဆိုသည်။(Xinhua)