ပဲခူးတိုင်းဒေသကြီး၊ ပန်းတောင်းမြို့နယ်၌ ကျပ်သိန်းပေါင်း ၆၃,၀၀၀ တန်ဖိုးရှိ စိတ်ကြွရူးသွပ်ဆေးပြား ၁,၈ဝဝ,ဝဝဝ ဖမ်းဆီးရမိ

ရန်ကုန်၊ နိုဝင်ဘာ ၁၅ ရက် (ဆင်ဟွာ)

ပဲခူးတိုင်းဒေသကြီး ပြည်ခရိုင် ပန်းတောင်းမြို့နယ် တွင် ငွေကျပ် ၆၃,ဝဝဝ သိန်းတန်ဖိုးရှိ စိတ်ကြွရူးသွပ်ဆေးပြား ၁,၈ဝဝ,ဝဝဝ ဖမ်းဆီးရမိခဲ့ကြောင်း ပြန်ကြားရေးဝန်ကြီးဌာန မှ ယနေ့ သတင်းသတင်းထုတ်ပြန်သည်။

ဖြစ်စဉ်မှာ ပဲခူးတိုင်းဒေသကြီး ပြည်ခရိုင် ပန်းတောင်းမြို့နယ် တွင် ပြည်-တောင်ကုတ် ကားလမ်းမိုင်တိုင် (၃၇/၃-၄) ကြား ညောင်ကျိုးစစ်ဆေးရေးဂိတ်၌ နိုဝင်ဘာ ၁၃ ရက် ည ၈ နာရီတွင် ပူးပေါင်းစစ်ဆေး ရေးအဖွဲ့က တောင်ကုတ်မြို့သို့ ယာဉ် မောင်း ဝင်းမောင်(ခ)အရှည်ကြီး(၃၃နှစ်) မြဝတီမြို့နေသူ မောင်းနှင်၍ ဝင်းမြင့် (၄ဝနှစ်) မြဝတီမြို့နယ်နေသူ လိုက်ပါလာသည့် MDY 4J/——– မစ်ဆူဘီရှီယာဉ်အား ရပ်တန့်စစ်ဆေးရာ ယာဉ်နောက်ခန်း ကြမ်းခင်းများကို အံဝှက်ပြုလုပ်၍ ပီနံ အိတ်ခြောက်အိတ်ဖြင့် ထည့်ထားသည့် WY/R စာတန်းပါ စိတ်ကြွရူးသွပ် ဆေးပြား ၁၈ဝဝဝဝဝ (တစ်ပြားလျှင် ၃၅ဝဝ ကျပ်နှုန်းဖြင့် တန်ဖိုးငွေကျပ် ၆၃,ဝဝဝ သိန်း)တို့ကို ဖမ်းဆီးရမိခဲ့ သဖြင့် ဥသျှစ်ပင်နယ်မြေရဲစခန်း၌ အမှုဖွင့်အရေးယူ ဆောင်ရွက်လျက် ရှိကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)