မြန်မာ-ဘင်္ဂလားဒေ့ရှ် နှစ်ဖက်ညှိနှိုင်း၍ လှည့်ကင်းများဆောင်ရွက်

ရန်ကုန်၊ မေ ၁၁ ရက် (ဆင်ဟွာ)

မြန်မာနိုင်ငံ နယ်ခြားစောင့်ရဲတပ်ဖွဲ့ဝင် ၁၅ ဦးနှင့် ဘင်္ဂလားဒေ့ရှ် နယ်ခြားစောင့် ရဲတပ်ကင်းစခန်းမှ လုံခြုံရေးတပ်ဖွဲ့ဝင် ၁၅ ဦးတို့သည် မိမိတို့နိုင်ငံအသီးသီးအတွင်းရှိ နယ်စပ်ခြံစည်းရိုးလမ်းအတိုင်း နှစ်နိုင်ငံနှစ်ဘက်ညှိနှိုင်း၍ မြေပြင်လှည့်ကင်းဆောင်ရွက်လျက်ရှိကြကြောင်း သတင်းထုတ်ပြန်ရေးကော်မတီက မေ ၁၀ရက်က ထုတ်ပြန်သော သတင်းအရ သိရသည်။

နှစ်နိုင်ငံ လုံခြုံရေးတပ်ဖွဲ့ဝင်များသည် မေလ ၃ ရက်နေ့ နံနက် ၉ နာရီ မိနစ် ၅၀ မှ နံနက် ၁၁ နာရီ မိနစ် ၅၀ ထိ နယ်ခြားမှတ်တိုင် ၃၁ မှ ၃၂ အထိလည်းကောင်း၊ မေလ ၆ ရက်နေ့ နံနက် ၁၀နာရီ ၁၀ မိနစ် မှ နံနက် ၁၁ နာရီ မိနစ် ၄၀ အထိ နယ်ခြားမှတ်တိုင် ၃၂ မှ ၃၄ အထိလည်းကောင်း၊ နံနက် ၁၀နာရီ မိနစ်၅၀ မှ မွန်းလွဲ ၁ နာရီ ၁၀ မိနစ် အထိ နယ်ခြားမှတ်တိုင် ၄၂ မှ ၄၃ အထိလည်းကောင်း ၊ မေလ ၈ ရက်နေ့ နံနက် ၉ နာရီ ခွဲမှ နံနက် ၁၁ နာရီ ၄၅ မိနစ် အထိ နယ်ခြားမှတ်တိုင် ၃၄ မှ ၃၅ အထိလည်းကောင်း၊ မေလ ၉ ရက်နေ့ နံနက် ၈ နာရီ မှ နံနက် ၁၁ နာရီ မိနစ် ၅၀ အထိ နယ်ခြားမှတ်တိုင် ၄၃ မှ ၄၄အထိလည်းကောင်း မြေပြင်လှည့်ကင်းဆောင်ရွက်ခဲ့ကြောင်း သိရသည်။

ကုန်းမြေနယ်နိမိတ်တွင် နှစ်ဖက်ညှိနှိုင်းချက်အရ Coordinated Patrol ကို ၂၀၁၈ ခုနှစ် ဖေဖော်ဝါရီ တွင် ၁၄ ကြိမ် ၊ မတ်လတွင် ၇ ကြိမ် ၊မေလတွင် ၅ ကြိမ် စုစုပေါင်း (၂၆ )ကြိမ် နှင့် ရေကြောင်းကင်းလှည့်ခြင်းကိုလည်း နတ်မြစ်ကြောင်းအတိုင်း စုစုပေါင်း (၄ )ကြိမ် နှစ်နိုင်ငံညှိနှိုင်း၍ ကင်းလှည့်ခြင်း Coordinated Patrol ကို ဆက်လက်ဆောင်ရွက်သွားမည် ဖြစ်ကြောင်း သိရသည်။(Xinhua)