Politics, Law & Military
အမျိုးသား လွှတ်တော် ရေးရာ ကော်မတီ သုံးခု ၏ အဖွဲ့ဝင် အချို့အား ပြောင်းလဲ ဖွဲ့စည်း
နေပြည်တော်၊ ဒီဇင်ဘာ ၆ ရက် (ဆင်ဟွာ)
အမျိုးသား လွှတ်တော်၏ လွှတ်တော် ရေးရာ ကော်မတီ သုံးခုတွင် ဥက္ကဋ္ဌ၊ အတွင်းရေးမှူးနှင့် အဖွဲ့ဝင် နေရာ အချို့တို့အတွက် အစားထိုး ပြင်ဆင် ဖွဲ့စည်းမှုများကို ယနေ့ ကျင်းပသည့် ဒုတိယ အကြိမ် အမျိုးသား လွှတ်တော် တတိယ ပုံမှန် အစည်းအဝေး ၁၂ ရက်မြောက်နေ့ (၆ – ၁၂ – ၁၆) အမျိုးသား လွှတ်တော် အစည်းအဝေးက အတည်ပြုခဲ့သည်။
အမျိုးသား လွှတ်တော် နိုင်ငံတကာ ဆက်ဆံရေး၊ လွှတ်တော်ချင်း ပူးပေါင်း ဆောင်ရွက်ရေး ကော်မတီ ဥက္ကဋ္ဌအဖြစ် မန္တလေး တိုင်းဒေသကြီး မဲဆန္ဒနယ် အမှတ်( ၁ ) အမျိုးသား လွှတ်တော် ကိုယ်စားလှယ် ဒေါက်တာ သန်းဝင်းအား လည်းကောင်း၊ ကျန်းမာရေး၊ အားကစားနှင့် ယဉ်ကျေးမှုဆိုင်ရာ ကော်မတီတွင် ဥက္ကဋ္ဌ အဖြစ် မွန်ပြည်နယ် မဲဆန္ဒနယ် အမှတ်( ၉ ) အမျိုးသား လွှတ်တော် ကိုယ်စားလှယ် ဒေါက်တာ ဇော်လင်းထွဋ်အား လည်းကောင်း၊ အတွင်းရေးမှူး အဖြစ် ပဲခူးတိုင်း ဒေသကြီး မဲဆန္ဒနယ် အမှတ်( ၁ ) အမျိုးသား လွှတ်တော် ကိုယ်စားလှယ် ဒေါက်တာ စန်းမောင်မောင် အားလည်းကောင်း၊ စိုက်ပျိုးရေး၊ မွေး မြူရေးနှင့် ရေလုပ်ငန်း ဖွံ့ဖြိုး တိုးတက်ရေး ကော်မတီတွင် မကွေးတိုင်းဒေသကြီး မဲဆန္ဒနယ် အမှတ်( ၄ ) အမျိုးသား လွှတ်တော် ကိုယ်စား လှယ် ဦးအောင်ကြည်ညွန့်အား ဥက္ကဋ္ဌအဖြစ်လည်းကောင်း၊ တပ်မတော်သား အမျိုးသား လွှတ်တော် ကိုယ်စား လှယ် ဗိုလ်မှူးချုပ် ချစ်ဦး အား အဖွဲ့ဝင် အဖြစ်လည်းကောင်း အစားထိုး ပြင်ဆင် ဖွဲ့စည်းခြင်းကို အမျိုးသား လွှတ်တော်က ယနေ့ အစည်းအဝေးတွင် အတည်ပြုခဲ့သည်။ (Xinhua)