Social
ရန်ကုန် မြို့နယ် ၁၉ မြို့နယ်တွင် ရေပြတ်တောက်မှု နှင့် ရေအားလျော့နည်းမှုများ ခေတ္တ ဖြစ်ပေါ်မည်
ရန်ကုန် ၊ စက်တင်ဘာ ၄ ရက်(ဆင်ဟွာ)
ရန်ကုန် မြို့တွင်းသို့ရေပေးေ၀ လျှက် ရှိသည့် လှော်ကား ပိုက်လိုင်း အစားထိုး လဲလှယ် ဆက်သွယ်မှု လုပ်ငန်းများ ဆောင်ရွက်မည် ဖြစ်သဖြင့် မြို့နယ် ၁၉ မြို့နယ်တွင် စက်တင်ဘာ ၁၃ ရက် ၊ နံနက် ၁၀ နာရီမှ စက်တင်ဘာ ၁၄ ရက် ၊ ည ၁၀ နာရီ အတွင်း ရေပြတ်တောက်မှု နှင့် ရေအားလျော့နည်းမှုများ ဖြစ်ပေါ်မည် ဖြစ်ကြောင်း ရန်ကုန် မြို့တော် စည်ပင် သာယာရေး ကော်မတီ ၊ အင်ဂျင်နီယာ ဌာန (ရေ နှင့် သန့်ရှင်းမှု)မှ အသိပေး ကြေညာခဲ့သည်။
ရေပြတ်တောက်မှု နှင့် ရေအားလျော့နည်းမှုများ ဖြစ်ပေါ်မည့် မြို့နယ် ၁၉ မြို့နယ်မှာ ရွှေပြည်သာ ၊ အင်းစိန် ၊ မင်္ဂလာဒုံ ၊ မရမ်းကုန်း ၊ လှိုင်သာယာ ၊ လှိုင် ၊ ကမာရွတ် ၊ ရန်ကင်း ၊ ဗဟန်း ၊ တာမွေ ၊ သာကေတ ၊ ဒေါပုံ ၊ မင်္ဂလာတောင်ညွှန့်၊ ပုဇွန်တောင် ၊ ဗိုလ်တထောင် ၊ ကျောက်တံတား ၊ ပန်းဘဲတန်း ၊ လသာ ၊ လမ်းမတော် မြို့နယ်များ ဖြစ်ကြောင်း ကြေညာချက်တွင် ဖော်ပြထားသည်။
ထိုကြောင့် ရေကြိုတင် စုဆောင်း ထားနိုင်ပါရန် နှင့် ထိုကာလ အတွင်း ရေလိုအပ်ချက် ရှိပါက အရှေ့ပိုင်း ခရိုင်မှူး – ၀၉၂၅၀၂၈၃၈၂၃ ၊ အနောက်ပိုင်း ခရိုင်မှူး – ၀၉၂၅၀၂၈၃၈၁၂ ၊ တောင်ပိုင်း ခရိုင်မှူး – ၀၉၅၀၅၄၅၆၅ ၊ မြောက်ပိုင်း ခရိုင်မှူး – ၀၉၅၀၈၁၂၂၉ ဖုန်းနံပါတ်များသို့ဆက်သွယ်ပြီး ရေသယ်ယာဉ်များ တောင်းခံ၍ ရေရယူနိုင်ပါကြောင်း ကြေညာခဲ့သည်။
ရန်ကုန် မြို့တွင်းသို့ရေပေးေ၀ လျှက် ရှိသည့် လှော်ကား ကွန်ကရိ ပိုက်လိုင်းကြီး အစားထိုး လဲလှယ် ဆက်သွယ်မှု လုပ်ငန်းများကို မရမ်းကုန်း မြို့နယ် ကျောက်တော်ကြီး ဘုရား အနီးတွင် ခေတ္တ ရေဖြတ်တောက်၍ ဆောင်ရွက်မည် ဖြစ်ကြောင်း သိရသည်။(Xinhua)