Sport
၂၀၂၁ ခုနှစ်တွင် ကျင်းပမည့် အာရှလူငယ် အမျိုးသမီးဘောလုံးခြေစစ်ပွဲနှစ်ခုကို အိမ်ရှင်အဖြစ် လက်ခံကျင်းပခွင့်ရရန် ကြိုးပမ်း လျက်ရှိ
ရန်ကုန်၊ ဇွန် ၂၆ ရက် (ဆင်ဟွာ)
၂၀၂၁ ခုနှစ်တွင် ကျင်းပမည့် အာရှလူငယ် အမျိုးသမီးဘောလုံးခြေစစ်ပွဲနှစ်ခုကို အိမ်ရှင်အဖြစ် လက်ခံကျင်းပခွင့်ရရန် ကြိုးပမ်း လျက်ရှိကြောင်း မြန်မာနိုင်ငံဘောလုံးအဖွဲ့ချုပ်မှ အထွေထွေအတွင်းရေးမှူး ဦးကိုကိုသိန်းက ဆင်ဟွာကို ဇွန် ၂၆ ရက်တွင်ပြောသည်။
အာရှဘောလုံးအဖွဲ့ချုပ်သည် ၂၀၂၂ အာရှ ယူ-၂၀ အမျိုးသမီးပြိုင်ပွဲနှင့် အာရှ ယူ-၁၇ အမျိုးသမီးပြိုင်ပွဲ၏ ခြေစစ်ပွဲများကို ၂၀၂၁ ခုနှစ်တွင် စတင်ကျင်းပ မည်ဖြစ်ပြီး အိမ်ရှင်နိုင်ငံရွေးချယ်မှုနှင့်အတူ ခြေစစ်ပွဲကျင်းပမည့်ကာလများကို အတည်ပြုထုတ်ပြန်သွားမည်ဖြစ်ကြောင်း သိရသည်။
ဦးကိုကိုသိန်းက “မြန်မာနိုင်ငံဘောလုံးအဖွဲ့ချုပ်အနေနဲ့ ပြိုင်ပွဲနှစ်ခုလုံးရဲ့ ပထမအဆင့် ခြေစစ်ပွဲကို အိမ်ရှင်အဖြစ် လက်ခံကျင်းပခွင့်ရဖို့ စတင်လျှောက်ထား တာဖြစ်တယ်။ မြန်မာအသင်းတွေ တက်ရောက်တဲ့ အဆင့်အပေါ် မူတည်ပြီး အိမ်ရှင်အဖြစ်ကျင်းပခွင့်ရဖို့ ထပ်ပြီးလျှောက်ထားသွားမှာပါ’’ ဟုပြောသည်။
မြန်မာနိုင်ငံအနေဖြင့် ပြီးခဲ့သည့် ၂၀၁၉ အာရှ ယူ-၁၉/ယူ-၂၀ အမျိုးသမီး ခြေစစ်ပွဲနှင့် ၂၀၁၉ အာရှ ယူ-၁၆/ယူ-၁၇ အမျိုးသမီးခြေစစ်ပွဲများကို အိမ်ရှင် အဖြစ် လက်ခံကျင်းပခဲ့ကြောင်းသိရသည်။ (Xinhua)
