၂ဝ၁၈ ခုနှစ်တွင် ပထမဆုံးအကြိမ်အဖြစ် ဂါဇာနယ်စပ် ဝင်ပေါက်ကို အီဂျစ်ဖွင့်လှစ်ပေး

ဂါဇာ ၊ ဖေဖော်ဝါရီ ၈ ရက်(ဆင်ဟွာ)

အီဂျစ်နိုင်ငံ အာဏာပိုင်များက ဂါဇာကမ်းမြောင်ရှိ Rafah ဝင်ပေါက်ထွက်ပေါက် နှစ်ခုစလုံးကို သုံးရက်တာ ဖွင့်လှစ်ပေးသွားမည်ဖြစ်ကြောင်း ဖေဖော်ဝါရီ ၇ ရက်တွင် ထုတ်ဖော်ကြေညာခဲ့ကြောင်း ကိုင်ရိုမြို့ရှိ ပါလက်စတိုင်းသံရုံး၏ ပြောကြားချက်အရ သိရသည်။

ဂါဇာဒေသတွင် နေထိုင်သူများအတွက် ဝင်ပေါက်ထွက်ပေါက် နှစ်ခုစလုံးကို ဖေဖော်ဝါရီ ၉ ရက်ထိ ဆက်လက်ဖွင့်လှစ်ပေးထားမည်ဖြစ်ကြောင်း သံရုံး၏ ထုတ်ပြန်ချက်တွင်ဖော်ပြထားသည်။ယင်းမှာ ၂ဝ၁၈ ခုနှစ်အတွင်း ပထမဆုံးအကြိမ်ဖြစ် နယ်စပ်ဝင်ပေါက်ကို ဖွင့်လှစ်ပေးခြင်းဖြစ်သည်။အီဂျစ်နိုင်ငံသည် နယ်စပ်ဝင်ပေါက်ကို တစ်လ လျှင် သုံးကြိမ် (သို့မဟုတ်) နယ်စပ်ဖြတ်ကျော် ပညာသင်ကြားနေရသော ကျောင်းသားကျောင်းသူများ ၊ အလုပ်လုပ်ခွင့် ပါမစ်ဖြင့်သွားလာသူများ (သို့မဟုတ်) အခြားနိုင်ငံများတွင် နေထိုင်နေကြသူများအပါအဝင် ပုံမှန်သွားလာနေရသူများအတွက် နှစ်ကြိမ် ဖွင့်လှစ်ပေးသွားမည်ဖြစ်ကြောင်း သိရသည်။

အီဂျစ်နိုင်ငံသို့ဝင်ရောက်ခွင့်ရရန် နယ်စပ်ဂိတ်၌ စောင့်ဆိုင်းနေကြသော ပါလက်စတိုင်းများအားတွေ့ရစဉ်(ဆင်ဟွာ)

အီဂျစ်နိုင်ငံသို့ဝင်ရောက်ခွင့်ရရန် နယ်စပ်ဂိတ်၌ စောင့်ဆိုင်းနေကြသော ပါလက်စတိုင်းများအားတွေ့ရစဉ်(ဆင်ဟွာ)

အီဂျစ်နိုင်ငံသို့ဝင်ရောက်ခွင့်ရရန် နယ်စပ်ဂိတ်၌ စောင့်ဆိုင်းနေကြသော ပါလက်စတိုင်းများအားတွေ့ရစဉ်(ဆင်ဟွာ)

အီဂျစ်နိုင်ငံသို့ဝင်ရောက်ခွင့်ရရန် နယ်စပ်ဂိတ်၌ စောင့်ဆိုင်းနေကြသော ပါလက်စတိုင်းများအားတွေ့ရစဉ်(ဆင်ဟွာ)

အီဂျစ်နိုင်ငံသို့ဝင်ရောက်ခွင့်ရရန် နယ်စပ်ဂိတ်၌ စောင့်ဆိုင်းနေကြသော ပါလက်စတိုင်းများအားတွေ့ရစဉ်(ဆင်ဟွာ)

ဂါဇာကမ်းမြောင်သည် ကမ္ဘာကြီးနှင့်ဆက်သွယ်သွားလာရန် ဝင်ပေါက် ၇ ခု ဖွင့်လှစ်ထားသည်။သို့သော် အီဂျစ်နိုင်ငံနှင့်ဆက်သွယ်ထားသော Rafah ဝင်ပေါက်တစ်ခုမှ လွဲ၍ ကျန်ဝင်ပေါက် ၆ ခုကို ၂ဝဝ၇ ခုနှစ်ကတည်းက အစ္စရေးတို့၏ ပိတ်ဆို့ခြင်း ခံထားရကြောင်းသိရသည်။(Xinhua)