အီဂျစ်သမ္မတ က ဝန်ထမ်းများ၏ လုပ်ခလစာအား တိုးမြှင့်ပေး

ကိုင်ရို၊ မတ် ၃၁ ရက် (ဆင်ဟွာ)

အီဂျစ်နိုင်ငံ သမ္မတ အဗ္ဗဒယ်လ်-ဖက်တာ အယ်လ်-စီစီ (Abdel-Fattah al-Sisi) သည် ဝန်ထမ်းများ၏ အနည်းဆုံးလုပ်ခလစာအား တစ်လလျှင် အီဂျစ်ငွေ ၁,၂၀၀ ပေါင် မှ ၂,၀၀၀ပေါင် (အမေရိကန်ဒေါ်လာ ၁၁၅.၇၄ ဒေါ်လာ) အထိ မတ် ၃၀ ရက်တွင် တိုးမြှင့်ပေးခဲ့ကြောင်း နိုင်ငံပိုင် Nile TV က ဖော်ပြခဲ့သည်။

သမ္မတ က ယခုကဲ့သို့ လစာတိုးမြှင့်မှုသည် အီဂျစ်နိုင်ငံသား အလုပ်သမားအားလုံး အတွက် အကျုံးဝင်ကြောင်း အီဂျစ်နိုင်ငံသား အမျိုးသမီးများ နှင့် မိခင်များအား ဂုဏ်ပြုသည့်အခမ်းအနားတစ်ခု ၌ ပြောကြားခဲ့သည်။

သမ္မတ က ယခုလုပ်ဆောင်ချက်သည် အီဂျစ်နိုင်ငံသားများအပေါ် သက်ရောက်မှုရှိနေသည့် ခြိုးခြံခြွေတာမှုအတိုင်းအတာများကို ပယ်ဖျယ်ပေးရန်ဖြစ်ကြောင်း ပြောကြားခဲ့သည်။

၎င်းက ခက်ခဲသည့် ကာလများ မပြီးဆုံးသေးသော်လည်း အီဂျစ်နိုင်ငံ၏ အခြေအနေများ တိုးတက်လာပြီဖြစ်ကြောင်း ပြောကြားခဲ့သည်။

အီဂျစ်နိုင်ငံ၏ စီးပွားရေး ပြုပြင်ပြောင်းလဲမှု အစီအစဉ်အတွက် နိုင်ငံတကာငွေကြေးရန်ပုံငွေအဖွဲ့က အမေရိကန်ဒေါ်လာ ၁၂ဘီလီယံ ချေးငွေထုတ်ပေးခဲ့ကြောင်း နှင့် ၎င်းထောက်ပံ့ငွေများအနက် သုံးပုံ၂ပုံအား ပေးအပ်ပြီးဖြစ်ကြောင်း သိရသည်။ (Xinhua)