အီရတ်နိုင်ငံတွင် အမေရိကန် စစ်ရဟတ်ယာဉ် ပျက်ကျ

ဘဂ္ဂဒတ်၊ ဝါရှင်တန်၊ မတ် ၁၆ ရက် (ဆင်ဟွာ)

အမေရိကန်နိုင်ငံ စစ်ရဟတ်ယာဉ် တစ်စင်းသည် အီရတ်နိုင်ငံ အနောက်ပိုင်းတွင် ပျက်ကျခဲ့ပြီး လေယာဉ်ပေါ်ပါလာသူ ၇ ဦးလုံး သေဆုံးသွားခဲ့ကြောင်း အမေရိကန်နိုင်ငံ တာဝန်ရှိသူများက မတ်လ ၁၅ ရက်တွင် ပြောကြားလိုက်သည်။

လေယာဉ်ပျက်ကျရာ နေရာသို့ ကယ်ဆယ်ရေးအဖွဲ့များ သွားရောက်ကြောင်း အမေရိကန် ဗဟို လေတပ်စခန်းဌာနချုပ်က ကြေညာချက်၌ ပြောကြားထားသည်။

အဆိုပါ လေယာဉ်သည် HH-60 Pave Hawk ရဟတ်ယာဉ်အမျိုးအစားဖြစ်ပြီး ဆီးရီးယားနယ်စပ်အနီး Anbar ပြည်နယ်တွင် ပျက်ကျခဲ့ခြင်း ဖြစ်ကြောင်း ကနဦးသတင်းများ၌ အမေရိကန် အရာရှိက ပြောခဲ့သည်။

“လေယာဉ် ပျက်ကျရတဲ့ အကြောင်းရင်းကို သိဖို့ စုံစမ်းစစ်ဆေးမှု လုပ်သွားမှာဖြစ်တယ်” ဟု သတင်းထုတ်ပြန်ချက်တွင် အမေရိကန် ဗဟို လေတပ်စခန်းက ပြောကြားခဲ့သည်။ (Xinhua)