ပါကစ္စတန်တွင် မီးရထားတစ်စီးတိုက်ခိုက်ခံရမှု ဖြစ်ပွား ၊ လူ ၃ ဦးသေဆုံး ၆ ဦး ဒဏ်ရာရ

အစ္စလာမ်မာဘတ်၊ မတ် ၁၈ ရက်(ဆင်ဟွာ)

ပါကစ္စတန်နိုင်ငံ အနောက်တောင်ပိုင်း Balochistanပြည်နယ်တွင် ခရီးသည်တင်ရထားတစ်စီး ဗုံးခွဲ တိုက်ခိုက်ခံရမှုကြောင့် အနည်းဆုံး လူ ၃ ဦးသေဆုံးပြီး ၆ ဦး ဒဏ်ရာရရှိခဲ့ကြောင်း ပါကစ္စတန်မီဒီယာ များ၏ သတင်းများအရ သိရသည်။

အမည်မသိလက်နက်ကိုင်တစ်စုသည် Balochistanပြည်နယ် Dera Murad Jamali ဒေသ ရှိ ရထားသံလမ်းပေါ်တွင် အဝေးထိန်းဖောက်ခွဲရေးဗုံး တပ်ဆင်ထားပြီး ရထားဖြတ်သန်းချိန်တွင် ဖောက်ခွဲတိုက်ခိုက်ခဲ့ကြောင်းနှင့် ယင်းတိုက်ခိုက်မှုကြောင့် ရထားတွဲ ၅ တွဲ လမ်းချော်တိမ်းမှောက် ခဲ့ကြောင်း ဒေသခံ ရဲအရာရှိတစ်ဦး၏ပြောကြားချက်ကို ကိုးကား၍ မီဒီယာများက ဖော်ပြထားသည်။

ဗုံးခွဲတိုက်ခိုက်ခံရသည့် ခရီးသည်တင်ရထားအား တွေ့ရစဉ် (ဆင်ဟွာ)

ဗုံးခွဲတိုက်ခိုက်ခံရသည့် ခရီးသည်တင်ရထားအား တွေ့ရစဉ် (ဆင်ဟွာ)

ဗုံးခွဲတိုက်ခိုက်ခံရသည့် ခရီးသည်တင်ရထားအား တွေ့ရစဉ် (ဆင်ဟွာ)

ဗုံးခွဲတိုက်ခိုက်ခံရသည့် ခရီးသည်တင်ရထားအား တွေ့ရစဉ် (ဆင်ဟွာ)

အချင်းဖြစ်ကိစ္စနှင့်စပ်လျဉ်း၍ ရဲတပ်ဖွဲ့က စုံစမ်းစစ်ဆေးမှုများပြုလုပ်နေပြီဖြစ်ကြောင်း ၊ သေဆုံးသူများ ၏ရုပ်အလောင်းနှင့် ဒဏ်ရာရသူများကို နီးစပ်ရာဆေးရုံသို့ ပို့ဆောင်ထားပြီဖြစ်ကြောင်း သိရသည်။ အချင်းဖြစ်ပွားသည့် နေရာတွင် ရထားသံလမ်းပျက်စီးမှုကြောင့် ရထားသယ်ယူပို့ဆောင်ရေး ခရီးစဉ်များ ယာယီရပ်တန့်ထားရကြောင်း သိရသည်။

အဆိုပါခရီးသည်တင်ရထားမှာ ပါကစ္စတန်နိုင်ငံ အရှေ့ပိုင်း Punjab ပြည်နယ် Rawalpindiမြို့မှ Balochistanပြည်နယ် Quetta မြို့ သို့ ပြေးဆွဲသည့် ရထားဖြစ်ကြောင်း သိရသည်။

ဗုံးခွဲတိုက်ခိုက်မှုနှင့်စပ်လျဉ်း၍ မည်သည့်အဖွဲ့အစည်းနှင့်ပုဂ္ဂိုလ်ကမျှ ကြေညာချက်ထုတ်ပြန်ချင်း မရှိသေးကြောင်းသိရသည်။(Xinhua)