မလေးရှား ရဟတ်ယာဉ် ပျက်ကျ ခြင်းကြောင့် လူ ၆ ဦးသေဆုံး

ကွာလာလမ်ပူ ၊ ဧပြီ ၄ ရက်

မလေးရှား အစိုးရ အရာရှိ ၂ ဦး အပါအဝင် လူ ၆ ဦး ပါဝင်သည့် ရဟတ်ယာဉ် တစ်စီး ဧပြီလ (၄) ရက်၌ ကွာလာလမ်ပူ အရှေ့တောင်ဘက် ဆင်ခြေဖုံးတွင် ပျက်ကျ ခဲ့ကြောင်း မလေးရှား ပြည်ထဲရေးဝန်ကြီး ဒေါက်တာ Ahmad Zahid Hamidi အတည်ပြု ပြောကြား ခဲ့သည်။

၎င်း ရဟတ်ယာဉ် ပေါ်တွင် လွှတ်တော် ကိုယ်စားလှယ် တစ်ဦးနှင့် အမေရိကန် နိုင်ငံဆိုင်ရာ အထူး သံတမန်ဟောင်း Jamaluddin Jarjis တို့ အပါအဝင် လူ ၆ ဦး စီးနင်းလိုက်ပါ လာကြောင်း ၎င်းက ပြောကြား ခဲ့သည်။

ရဟတ်ယာဉ်သည် ကွာလာလမ်ပူမြို့၏ အရှေ့တောင်ဘက် ကီလိုမီတာ ၄၀ တွင် ရှိသည့် Semenyih တွင် ပျက်ကျ ခဲ့သည်။ တခြား သေဆုံးသူများမှာ စီးပွားရေး လုပ်ငန်းရှင် Robert Tan ၊ ဝန်ကြီးချုပ်ရုံးမှ အထွေထွေ အတွင်းရေးမှူး Azlin Alias၊ လေယာဉ်မှူး၊ လက်ထောက် လေယာဉ်မှူးနှင့် ကိုယ်ရံတော်တို့ ဖြစ်ကြောင်း ဆိုသည်။ (Xinhua)