မြောက်ကိုရီးယား-အမေရိကန် ထိပ်သီးဆွေးနွေးပွဲအတွက် မြောက်ကိုရီးယားခေါင်းဆောင် ဟနွိုင်းမြို့သို့ စတင်ထွက်ခွာ

ပြုံယမ်း၊ ဖေဖော်ဝါရီ ၂၄ ရက် (ဆင်ဟွာ)

မြောက်ကိုရီးယားနိုင်ငံ ခေါင်းဆောင် ကင်ဂျုံအန်း သည် ဒုတိယအကြိမ်မြောက် မြောက်ကိုရီးယား-အမေရိကန် ထိပ်သီးဆွေးနွေးပွဲတက်ရောက်ရန် ဗီယက်နမ်နိုင်ငံ မြို့တော် ဟနွိုင်းမြို့သို့ ဖေဖော်ဝါရီ ၂၃ ရက် နေ့လည်ပိုင်းတွင် ရထားဖြင့် ထွက်ခွာလာခဲ့ကြောင်း နိုင်ငံပိုင်း Korean Central News Agency (KCNA) က ဖေဖော်ဝါရီ ၂၄ ရက်တွင်ဖော်ပြခဲ့သည်။

ကင်သည် အမေရိကန်နိုင်ငံ သမ္မတ ဒေါ်နယ်ထရမ့် အား ဖေဖော်ဝါရီ ၂၇ ရက် နှင့် ၂၈ ရက်တွင် ဟနွိုင်းမြို့၌ တွေ့ဆုံသွားမည်ဖြစ်ကြောင်း သိရသည်။ ၎င်းတို့၏ ပထမဆုံးတွေ့ဆုံမှုကို စင်ကာပူနိုင်ငံ ၌ ၂၀၁၈ခုနှစ် ဇွန်လတွင် ပြုလုပ်ခဲ့ပြီး နှစ်နိုင်ငံ ဆက်ဆံရေး၌ ရလဒ်ကောင်းများ ထွက်ပေါ်လာခဲ့ကြောင်း သိရသည်။

ကင် နှင့်အတူ နိုင်ငံရေးဗျူရိုအဖွဲ့ဝင် နှင့် ကိုရီးယားနိုင်ငံ အလုပ်သမားပါတီ ဗဟိုကော်မတီ (WPK) ၏ ဒုတိယ ဥက္ကဋ္ဌများဖြစ်သော Kim Yong Chol၊ Ri Su Yong၊ Kim Phyong Hae နှင့် O Su Yong၊ WPK ဗဟိုကော်မတီ နိုင်ငံရေးဗျူရို အဖွဲ့ဝင် နှင့် နိုင်ငံခြားရေးဝန်ကြီး Ri Yong Ho၊ WPK ဗဟိုကော်မတီ နိုင်ငံရေးဗျူရို အလှည့်ကျအဖွဲ့ဝင် နှင့် ပြည်သူ့လက်နက်ကိုင်တပ်ဖွဲ့ ဝန်ကြီး No Kwang Chol နှင့် အခြားအရာရှိကြီးများ လိုက်ပါလာကြကြောင်း KCNA ကပြောကြားခဲ့သည်။ (Xinhua)