Latin America
အမေရိကန် ဗဟိုဘဏ် ဆုံးဖြတ်ချက်ကြောင့် ဒေါ်လာဈေးတက်
နယူးယောက်၊ နိုဝင်ဘာ ၂ ရက် (ဆင်ဟွာ)
အမေရိကန်နိုင်ငံ ဗဟိုဘဏ်က ငွေစက္ကူ အတိုးနှုန်းများ မပြောင်းလဲကြောင်း ဆုံးဖြတ်ချက်ချပြီးနောက် နိုဝင်ဘာလ ၁ ရက်တွင် အခြား ငွေကြေးများနှင့် လဲလှယ်ရာတွင် ဒေါ်လာဈေးများ မြင့်တက်လာခဲ့ကြောင်း သိရသည်။
အမေရိကန်တွင် ဟာရီကိန်း မုန်တိုင်းတိုက်ခတ်ခဲ့သော်လည်း အလုပ်သမား ဈေးကွက်မှာ “ဆက်လက် အားကောင်းနေကြောင်း” ၊ စီးပွားရေး လုပ်ဆောင်ချက်အနေဖြင့် “ခိုင်မာသော တိုးတက်မှုနှုန်းရှိကြောင်း” ဗဟိုဘဏ်၏ မူဝါဒပြုရေး ကော်မတီက နှစ်ရက်ကြာ အစည်းအဝေးပြီးနောက် ထုတ်ပြန်သည့် ကြေညာချက် တစ်စောင်၌ ပြောကြားခဲ့သည်။
စီးပွားရေးအရ ကြည့်မည်ဆိုပါက အမေရိကန် ပုဂ္ဂလိက အလုပ်အကိုင်ကဏ္ဍသည် စက်တင်ဘာလမှ အောက်တိုဘာလအထိ အလုပ်အကိုင်၂၃၅,၀၀၀ တိုးတက်လာခဲ့ကြောင်း နိုဝင်ဘာလ ၁ ရက်တွင် ထုတ်ပြန်သော October ADP အမျိုးသား အလုပ်အကိုင် အစီရင်ခံစာက ပြောကြားခဲ့သည်။
အခြား အဓိက နိုင်ငံတကာငွေများနှင့် လဲလှယ်ရာတွင် ဝ.၂၃ ရာခိုင်နှုန်း မြင့်တက်လာခဲ့ကြောင်း သိရသည်။
နယူးယောက် ရောင်းဝယ်ရေးတွင် ယူရို၊ စတာလင်ပေါင် ဈေးနှုန်းများ ကျဆင်းသွားခဲ့ပြီး သြစတြေးလျဒေါ်လာမှာမူ ဈေးတက်ခဲ့ကြောင်း သိရသည်။ (Xinhua)