Latin America
အီကွေဒေါနိုင်ငံတွင် ခရီးသည်တင်ယာဉ်တစ်စီး ချောက်ထဲပြုတ်ကျမှုကြောင့် လူ ၁၂ ဦး သေဆုံးပြီး ၂၇ ဦး ဒဏ်ရာရရှိ
ကွီတို ၊ စက်တင်ဘာ ၁၉ ရက်(ဆင်ဟွာ)
အီကွေဒေါနိုင်ငံ အနောက်တောင်ပိုင်း El Oroပြည်နယ် ရှိ တောင်တက်လမ်းတစ်ခုတွင် စက်တင်ဘာ ၁၈ ရက် နံနက်ပိုင်းက ခရီးသည်တင်ယာဉ်တစ်စီးချောက်ထဲပြုတ်ကျမှု ဖြစ်ပွားခဲ့ရာ အနည်းဆုံး လူ ၁၂ ဦး သေဆုံးပြီး ၂၇ ဦး ဒဏ်ရာရရှိခဲ့ကြောင်း သိရသည်။
အဆိုပါယာဉ်မတော်တဆမှုမှာ စက်တင်ဘာ ၁၈ ရက် နံနက်ပိုင်း ၄ နာရီခန့်က ဖြစ်ပွားခဲ့ခြင်းဖြစ် ကြောင်း ၊ အီကွေဒေါနိုင်ငံ တောင်ပိုင်းပြည်နယ်များအကြား ပြေးဆွဲ နေသည့် အဆိုပါ ခရီးသည်တင်ယာဉ်သည် တောင်ပတ်လမ်းတစ်ခုတွင် ရုတ်တရက် အရှိန်မထိန်းဘဲ မီတာ ၄၀၀ နက်သည့် ချောက်ထဲသို့ ထိုးကျသွားခဲ့ခြင်းဖြစ်ကြောင်း အီကွေဒေါနိုင်ငံ သယ်ယူပိုဆောင်ရေး ကော်မတီက ပြောကြားခဲ့သည်။
အချင်းဖြစ်ပွားပြီးနောက် ဒေသခံလုံခြုံရေးရဲဝန်ထမ်းများနှင့်ကယ်ဆယ်ရေးဝန်ထမ်းများက အချင်းဖြစ်နေရာသို့ ချက်ချင်းသွားရောက်ခဲ့ပြီး ဒဏ်ရာရသူများကို နီးစပ်ရာဆေးရုံသို့ ပို့ဆောင်ကုသပေးခဲ့ကြောင်း ၊ ကယ်ဆယ်ရေးလုပ်ငန်းများအဆင်ပြေလွယ်ကူစွာ လုပ်ဆောင် နိုင်ရန် ယာဉ်မတော်တဆဖြစ်ပွားသည့်လမ်းကြောတစ်လျှောက်ကို ပိတ်ဆို့ထားကြောင်း နှင့် အချင်းဖြစ်ပွား သည့် အကြောင်းရင်းကို စုံစမ်းစစ်ဆေးဆဲဖြစ်ကြောင်း သိရသည်။
အီကွေဒေါနိုင်ငံသည် လက်တင်အမေရိကတွင် ယာဉ်မတော်တဆဖြစ်ပွားမှု အများဆုံး နိုင်ငံ ဖြစ် သည်။ လမ်းကြောရှုပ်ထွေးခြင်း၊ မောင်းနှင်သောယာဉ် ကောင်းမွန်မှုမရှိခြင်းနှင့် ယာဉ်မောင်းများ၏ အရှိန်လွန်မောင်းနှင်ခြင်းများကြောင့် ယာဉ်မတော်တဆမှု မကြာခဏဖြစ်ပွားလေ့ရှိကြောင်း သိရသည်။
(Xinhua)