မက္ကစီကိုသမ္မတ အမေရိကန်နိုင်ငံသို့ ချစ်ကြည်ရေး ခရီးစဉ် လာရောက်

မက္ကစီကို စီးတီး၊ ဇူလိုင် ၂၂ ရက် (ဆင်ဟွာ)

မက္ကစီကို သမ္မတ Enrique Pena Nieto သည် အမေရိကန်သမ္မတ ဘားရတ် အိုဘားမား နှင့် ကဏ္ဍအသီးသီးမှ အရေးကိစ္စများနှင့်ပတ်သက်၍ တွေ့ဆုံဆွေးနွေးရန် ဇူလိုင်လ ၂၁ ရက်က လာရောက်ခဲ့ကြောင်း တာဝန်ရှိသူများ က ပြောကြားခဲ့သည်။

နှစ်နိုင်ငံ ခေါင်းဆောင်များ၏ တွေ့ဆုံပွဲသည် အမေရိကန်နိုင်ငံ၏ အုပ်ချုပ်ရေးပိုင်းတွင် ပြောင်းလဲမှုများ ဖြစ်ပေါ်လာမည့် အချိန်မတိုင်ခင် နှစ်နိုင်ငံ ဆက်ဆံရေး အစီအစဉ်များကို ပြန်လည် သုံးသပ်ရန် ထူးခြားသည့် အခွင့်အလမ်းကောင်းများကို ကိုယ်စားပြုကြောင်း မက္ကစီကို နိုင်ငံခြားရေးဝန်ကြီး Claudia Ruiz Massieu က သတင်းစာ ရှင်းလင်းပွဲတစ်ခုတွင် ပြောကြားခဲ့သည်။
နိုင်ငံခြားရေးဝန်ကြီးက “ယခု ခရီးစဉ်ကနေ ရရှိလာမယ့် ရလဒ်ဟာ အမေရိကန်နိုင်ငံနဲ့ တွေ့ဆုံ ဆွေးနွေးပွဲများ ပိုမို ကျယ်ပြန့် နက်ရှိုင်းလာစေဖို့ အတွက် အရေးကြီးတဲ့ အဆင့် တစ်ခုကို ကိုယ်စားပြုပါတယ်” ပြောကြား ခဲ့သည်။
သမ္မတရုံး ပြောရေးဆိုခွင့်ရှိသူ Eduardo Sanchez က Pena Nieto နှင့် အိုဘားမား တို့သည် ရာသီဥတု ပြောင်းလဲလာမှု၊ စွမ်းအင်၊ ဒေသတွင်း ပူးပေါင်းဆောင်ရွက်မှု နှင့် နယ်စပ် အရေး ကိစ္စများကို အဓိကထား ဆွေးနွေးသွားမည် ဖြစ်ကြောင်း ပြောကြားခဲ့သည်။ (Xinhua)