North America
အမေရိကန်သမ္မတ အိုဘားမား နှင့် အာဆီယံခေါင်းဆောင်များ ဆွေးနွေးပွဲ စတင်
ရန်ချို မီရာ့ချ်၊ ဖေဖော်ဝါရီ ၁၆ ရက် (ဆင်ဟွာ)
အမေရိကန်နိုင်ငံ သမ္မတ ဘားရတ် အိုဘားမား နှင့် အရှေ့တောင်အာရှနိုင်ငံ ခေါင်းဆောင်များသည် ရင်းနှီး ချစ်ကြည်မှု တာရှည်တည်တံ့ရန် ရှေးရှု၍ ဖေဖော်ဝါရီ ၁၅ ရက်နေ့က စတင်တွေ့ဆုံ ဆွေးနွေးခဲ့ကြ ကြောင်း သိရသည်။
အမေရိကန်နိုင်ငံ တွင် နှစ်ရက်ကြာပြုလုပ်မည့် အဆိုပါတွေ့ဆုံဆွေးနွေးပွဲ ၌ စီးပွားရေး နှင့် လုံခြုံရေးကိစ္စရပ်များ ကို အဓိကထားဆွေးနွေးသွားမည်ဖြစ်ကြောင်း သိရသည်။
အမေရိကန်-အာဆီယံ ထိပ်သီးအစည်းအဝေး သို့ တက်ရောက်လာသော ပြည်ထောင်စု ဝန်ကြီးများဖြစ်သည့် ဦးဝဏ္ဏမောင်လွင်၊ ဒေါက်တာကံဇော် နှင့် ဦးရဲထွဋ္ဋ်တို့ အားတွေ့ရစဉ် (ဓာတ်ပုံ- Ye Htut Facebook)
သမ္မတ အိုဘားမားက အဖွင့်အမှာစကားပြောကြားရာတွင် အမေရိကန်နိုင်ငံသည် အရှေ့တောင်အာရှနိုင်ငံများ အဖွဲ့အစည်း နှင့် ထိတွေ့ဆက်ဆံမှု များကို အရှိန်အဟုန်မြှင့် တည်ဆောက်သွားရန် ဆန္ဒရှိပါကြောင်း ပြောကြားခဲ့သည်။
နှစ်ဖက်စလုံးသည် ကွာလာလမ်ပူမြို့ တွင်၂၀၁၅ခုနှစ် နိုဝင်ဘာလ က စီးပွားရေး နှင့် လုံခြုံရေးကိစ္စရပ်များတွင် ပိုမို လေးနက်စွာ ဆောင်ရွက်နိုင်ရန် တွေ့ဆုံခဲ့ကြသေးကြောင်း သိရသည်။