BRICS နိုင်ငံခေါင်းဆောင်များ ၁၄ ကြိမ်မြောက် အစည်းအဝေးကျင်းပ၊ တရုတ်နိုင်ငံသမ္မတရှီကျင့်ဖိန် ဆွေးနွေးပွဲသဘာပတိအဖြစ်ဆောင်ရွက်၍ အရေးကြီးမိန့်ခွန်းပြောကြား

ပေကျင်း၊ ဇွန် ၂၄ ရက်(ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် BRICS နိုင်ငံခေါင်းဆောင်များ ၁၄ ကြိမ်မြောက် အစည်းအဝေးသို့ ဇွန် ၂၃ ရက် ညပိုင်း ပေကျင်းမြို့မှ ဗီဒီယိုလင့်ခ်ဖြင့် တက်ရောက်ခဲ့သည်။ အဆိုပါဆွေးနွေးပွဲသို့ တောင်အာဖရိကနိုင်ငံ သမ္မတ ရာမာဖိုဆာ၊ ဘရာဇီးနိုင်ငံ သမ္မတ ဘိုဆိုနာရို ၊ ရုရှားနိုင်ငံသမ္မတ ပူတင်၊ အိန္ဒိယနိုင်ငံ ဝန်ကြီးချုပ် မိုဒီတို့ တက်ရောက်ခဲ့ကြသည်။

ပေကျင်းမြို့ ပြည်သူ့ခန်းမဆောင် အရှေ့ဆောင်၌ ပန်းများစီရီထားပြီး BRICS အဖွဲ့ဝင် ၅ နိုင်ငံ၏ နိုင်ငံတော်အလံများကို တန်းစီထားရာ BRICS အမှတ်အသားနှင့်အတူ ထွန်းလင်းတောက်ပလျက်သည်။

ညပိုင်း ၈ နာရီခန့်တွင် BRICS ၅ နိုင်ငံ ခေါင်းဆောင်များ အွန်လိုင်းစုပေါင်း အမှတ်တရဓါတ်ပုံရိုက်ကူးပြီးနောက် အစည်းအဝေးစတင်ခဲ့သည်။

ပထမဦးစွာ သမ္မတရှီကျင့်ဖိန်က ကြိုဆိုနှုတ်ခွန်းဆက်စကား ပြောကြားခဲ့သည်။ သမ္မတရှီက ပြီးခဲ့သည့် တစ်နှစ်ကို ပြန်ပြောင်းကြည့်မည်ဆိုလျှင် ဆိုးဝါးရှုပ်ထွေးလှသည့်အခြေအနေကို ရင်ဆိုင်ရာတွင် BRICS နိုင်ငံများက ပွင့်လင်းမှုဖြင့်ပါဝင်လက်ခံခြင်း၊ ပူးပေါင်းဆောင်ရွက်မှုဖြင့် ဘုံအကျိုးဖော်ဆောင်ခြင်း ဟူသော BRICS စိတ်ဓါတ်ကို အစဉ်အမြဲလက်ကိုင်ထား ကျင့်သုံးပြီး စည်းလုံးညီညွတ်စွာ ညှိနှိုင်းပူးပေါင်းမှုကိုမြှင့်တင်၍ အခက်အခဲအကျပ်အတည်းများကို လက်တွဲကာ အတူတကွတိုက်ဖျက်ခဲ့ကြကြောင်း ၊ BRICS ယန္တရား၏ ခံနိုင်ရည်နှင့် သက်ဝင်အားကို ပြသနိုင်ခဲ့သလို BRICS ပူးပေါင်းဆောင်ရွက်မှု၏ အပြုသဘောတိုးတက်မှုရလဒ်များကို ခူးဆွတ်နိုင်ခဲ့ကြောင်း ပြောကြားခဲ့သည်။

ယခုအကြိမ်ဆွေးနွေးပွဲသည် လူသားမျိုးနွယ်လူမှုအသိုက်အဝန်း မည်သည့်လားရာကို မည်သို့ လျှောက်လှမ်းကြမည့် အချက်အချာနှင့်တိုက်ဆိုင်ကြောင်း သမ္မတရှီကျင့်ဖိန်က ဆိုသည်။ BRICS နိုင်ငံများသည် အရေးပါသော ထွန်းသစ်စဈေးကွက်နိုင်ငံနှင့် ဖွံ့ဖြိုးဆဲနိုင်ငံကြီးများ ဖြစ်သည့်အားလျော်စွာ တာဝန်ယူ၊ အကျိုးဆောင်ဝံ့စွာဖြင့် တရားမျှတရေးအသံကို ထုတ်ဖော်ရမည် ဖြစ်ပါကြောင်း ၊ ကပ်ရောဂါကို အနိုင်တိုက်ဖျက်မည့် ခိုင်မာသော ယုံကြည်ချက် ၊ စီးပွားရေးပြန်လည်ရှင်သန်ရေး ပူးပေါင်းမှုအင်အား စုစည်းချက်များဖြင့် စဉ်ဆက်မပြတ်ဖွံ့ဖြိုးတိုးတက်ရေးကို တွန်းအားပေးကြရမည် ဖြစ်ပါကြောင်း၊ BRICS ပူးပေါင်းဆောင်ရွက်မှု အရည်အသွေးမြင့်ဖွံ့ဖြိုးတိုးတက်ရေးအကျိုးဆောင်ဉာဏ်ပညာကို တူစုံလက်ညီ တွန်းအားပေး၍ ကမ္ဘာကို ထက်သန်မှု၊ တည်ငြိမ်မှု၊ အပြုသဘောဆောင်မှု အင်အားကို ဖြည့်တင်းရမည် ဖြစ်ပါကြောင်း ပြောကြားခဲ့သည်။

ဆွေးနွေးပွဲတွင် သမ္မတ ရှီကျင့်ဖိန်က “အရည်အသွေးမြှင့်မိတ်ဖက်ဆက်ဆံရေး တည်ဆောက်ခြင်းဖြင့် BRICS ပူးပေါင်းဆောင်ရွက်မှု ခရီးစဉ်ကဏ္ဍသစ်ကို ဖွင့်လှစ်စို့” ဟူသော ခေါင်းစဉ်ဖြင့် အရေးကြီးမိန့်ခွန်း ပြောကြားခဲ့သည်။

သမ္မတရှီကျင့်ဖိန်က လက်ရှိ ကမ္ဘာသည် နှစ်တစ်ရာတွင်မကြုံရဖူးသော အပြောင်းအလဲကြီးများ အရှိန်အဟုန်မြင့် ဖြစ်ပွားနေသလို ကိုဗစ်-၁၉ ကပ်ရောဂါကူးစက်မှုများ ရှိနေဆဲဖြစ်ရာ လူသားမျိုးနွယ်လူမှုအသိုက်အဝန်းသည် ယခင်ကမကြုံခဲ့ရဖူးသော စိန်ခေါ်မှုများနှင့် ရင်ဆိုင်နေရကြောင်း ထောက်ပြ ပြောကြားခဲ့သည်။ ၁၆ နှစ်ကြာကာလ ကြောက်မက်ဖွယ်လှိုင်းကြမ်းများ၊ မိုးဒဏ်လေဒဏ်များကို ရင်ဆိုင်ရာတွင် BRICS သင်္ဘောကြီးသည် လေပြင်းကိုဖြတ်ကျော်လှိုင်းကြမ်းကို ဖြိုခွင်း၍ ရဲဝံ့စွာရှေ့သို့ လျှောက်လှမ်းခဲ့ရာ အပြန်အလှန်အားပေးမှု၊ ပူးပေါင်းဆောင်ရွက်မှုဖြင့် ဘုံအကျိုးဖော်ဆောင်ခြင်း၏လမ်းကြောင်းမှန်ကို လျှောက်လှမ်းနိုင်ခဲ့ကြောင်း၊ သမိုင်းကြောင်း၏လမ်းဆုံတွင် မိမိတို့အနေဖြင့် အတိတ်၏လမ်းကြောင်းကို ပြန်ပြောင်းကြည့်၍ BRICS နိုင်ငံများ အဘယ်ကြောင့် တာထွက်ခဲ့သလဲဟူသည်ကို စွဲမြဲစွာမှတ်သားရမည် ဖြစ်သလို အနာဂတ်အတွက် ပို၍ ဘက်စုံ၊နီးကပ်၊ လက်တွေ့ကျ၊ အားလုံးပါဝင်လက်ခံမှုရှိသော အရည်အသွေးမြင့်မိတ်ဖက်ဆက်ဆံရေးကို အတူလက်ချင်းချိတ်ဆက် တည်ဆောက်ကာ BRICS ပူးပေါင်းဆောင်ရွက်မှု ခရီးစဉ်ကဏ္ဍသစ်ကို အတူတကွ ဖွင့်လှစ်ကြရမည် ဖြစ်ပါကြောင်း ပြောကြားခဲ့သည်။ ထိုသို့ဆောင်ရွက်ရာတွင်-

ပထမအနေဖြင့် မိမိတို့သည် စိတ်တူကိုယ်တူ ကမ္ဘာ့ ငြိမ်းချမ်းရေးနှင့်တည်ငြိမ်ရေးကို ထိန်းသိမ်းကြရမည် ဖြစ်ကြောင်း ပြောကြားခဲ့သည်။
အချို့နိုင်ငံများသည် စစ်ရေးမဟာမိတ် တိုးချဲ့မှုဖြင့် လုံးဝလုံခြုံရေးကို ကြိုးပမ်းခြင်း၊ အုပ်စုခွဲထိပ်တိုက်ရင်ဆိုင်မှုဖြစ်အောင် အခြားနိုင်ငံများအား ဘက်ရွေးရပ်တည်စေရေး ဖိအားပေးခြင်း၊ အခြားနိုင်ငံ၏အခွင့်အာဏာအကျိုးစီးပွားကို လျစ်လျူရှု၍ တစ်ဦးတည်း တစ်ကိုယ်တော်ကောင်းကျိုး ရှိစေရန် ဆောင်ရွက်ခြင်းများ ကြိုးပမ်းလျက်ရှိကြောင်း ၊ ဤကဲ့သို့သော အန္တရာယ်များသည့်အခြေအနေဆက်လက်ဖြစ်ပွားမည်ဆိုပါက ကမ္ဘာကြီးသည် ပို၍ တည်ငြိမ်မှုမရှိသော ဂယက်လှိုင်း၏ရိုက်ခတ်ဒဏ်ကိုခံရမည် ဖြစ်ကြောင်း၊ BRICS အဖွဲ့ဝင်နိုင်ငံများသည် အဓိကအကျိုးစီးပွားရေးတွင် အပြန်အလှန်အားဖြင့် ထောက်ခံအားပေးပြီး စစ်မှန်သော နိုင်ငံပေါင်းစုံဘက်ပေါင်းစုံဝါဒကို ဖော်ဆောင်ကြရမည်ဖြစ်ကြောင်း၊ တရားမျှတမှုအား ကာကွယ်ထိန်းသိမ်း၍ ဗိုလ်ကျစိုးမိုးအနိုင်ကျင့်မှုအား ဆန့်ကျင်ကြရမည်ဖြစ်သလို စည်းလုံးညီညွတ်မှုအား ကာကွယ်ထိန်းသိမ်း၍ ခွဲထွက်မှုများအား ဆန့်ကျင်ကြရမည်ဖြစ်ကြောင်း ပြောကြားခဲ့သည်။
တရုတ်နိုင်ငံအနေဖြင့် BRICS မိတ်ဖက်များနှင့်အတူ ကမ္ဘာလုံးဆိုင်ရာလုံခြုံရေးအဆိုပြုချက် အကောင်အထည်ဖော်ရာတွင် ထိရောက်မှုရှိစေရန် တွန်းအားပေးဆောင်ရွက်သွားလိုကြောင်း၊ အတူတကွ ဘက်စုံ ပူးပေါင်းဆောင်ရွက်မှုနှင့် စဉ်ဆက်မပြတ်ရှိသော လုံခြုံရေးအမြင်ကို ခိုင်မာစွာ လက်ကိုင်ထား၍ ထိပ်တိုက်ရင်ဆိုင်မှုမဟုတ်သော တွေ့ဆုံဆွေးနွေးခြင်း၊ မဟာမိတ်ဖွဲ့ခြင်းမဟုတ်သော မိတ်ဖက်ဆက်ဆံခြင်း၊
သူနိုင်ကိုယ်နိုင်မဟုတ်သော ဘုံအကျိုးဖော်ဆောင်ခြင်း လုံခြုံရေးလမ်းစဉ်သစ်ကို လျှောက်လှမ်း၍ ကမ္ဘာ့အတွက် တည်ငြိမ်မှုနှင့် အပေါင်းလက္ခဏာအင်အား ဖြည့်တင်းသွားမည် ဖြစ်ကြောင်း သမ္မတရှီကျင့်ဖိန်က ပြောကြားခဲ့သည်။

ဒုတိယအနေဖြင့် မိမိတို့သည် ပူးပေါင်းဆောင်ရွက်မှုဖြင့် ဖွံ့ဖြိုးတိုးတက်ရေးကို ခိုင်မာစွာ ဆောင်ရွက်ပြီး အန္တရာယ်စိန်ခေါ်မှုများကို အတူရင်ဆိုင်ကြရမည်ဖြစ်ကြောင်း ဆိုသည်။ ကိုဗစ်-၁၉ ကပ်ရောဂါနှင့် ယူကရိန်းအကျပ်အတည်း သက်ရောက်မှုရောထွေးနေခြင်းသည် နိုင်ငံအသီးသီးဖွံ့ဖြိုးရေးအတွက် အရိပ်မည်းကျစေရာ ထွန်းသစ်ဈေးကွက်နိုင်ငံများနှင့်ဖွံ့ဖြိုးဆဲနိုင်ငံများက ယင်းဒဏ်ကိုထိပ်ဆုံးမှ ခံရသူများ ဖြစ်ကြောင်း၊ အကျပ်အတည်းက အစီအစဉ်များကို ရှုပ်ထွေးစေပြီး ပြုပြုပြောင်းလဲရန် တွန်းအားဖြစ်စေရာ အရေးကြီးသည်မှာ မည်သို့ရင်ဆိုင်ကြမည်သာ ဖြစ်ကြောင်း သမ္မတရှီကျင့်ဖိန်က ပြောကြားခဲ့သည်။
BRICS အဖွဲ့ဝင်နိုင်ငံများအနေဖြင့် ကုန်ထုတ်လုပ်ငန်းကွင်းဆက်၊ ထောက်ပို့ရေးကွင်းဆက် အပြန်အလှန်ချိတ်ဆက်မှုများကို မြှင့်တင်၍ ဆင်းရဲနွမ်းပါးမှု၊ စိုက်ပျိုးရေး၊ စွမ်းအင်၊ ကုန်စည်စီးဆင်းမှုစသည့် ကဏ္ဍများ၏ စိန်ခေါ်မှုများကို အတူ ရင်ဆိုင်သင့်ပါကြောင်း ၊ New Development Bank (NDB) ကို ပို၍အားကောင်းကြီးမားလာစေရန် ပံ့ပိုး၍ အရေးပေါ် အရန်စီစဉ်မှုယန္တရားကို ပိုမိုပြည့်စုံအောင် ဘဏ္ဍာရေးလုံခြုံမှုကွန်ရက်နှင့် မီးကာတံတိုင်းကို ခိုင်မာစွာ တည်ဆောက်ကြရမည် ဖြစ်ကြောင်း ၊ ကုန်သွယ်ရေးရင်းနှီးမြှုပ်နှံမှုဘဏ္ဍာငွေ အဆင်ပြေလွယ်ကူရေးအဆင့်ကို မြှင့်တင်ရန်အတွက် BRICS အဖွဲ့ဝင်နိုင်ငံများကြား နိုင်ငံဖြတ်ကျော် ငွေပေးချေခြင်း၊ ခရက်ဒစ်အဆင့်သတ်မှတ်ရေးပူးပေါင်းဆောင်ရွက်ခြင်းများကို တိုးချဲ့ဆောင်ရွက်သွားကြရမည်ဖြစ်ကြောင်း ပြောကြားခဲ့သည်။ တရုတ်နိုင်ငံအနေဖြင့် BRICS မိတ်ဖက်များနှင့်အတူ ကမ္ဘာလုံးဆိုင်ရာဖွံ့ဖြိုးတိုးတက်ရေးအဆိုပြုချက်ကို ပိုမိုနက်ရှိုင်းစွာ တွန်းအားပေး ဖော်ဆောင်သွားလိုရာ ကုလသမဂ္ဂ ၂၀၃၀ ပြည့်နှစ် စဉ်ဆက်မပြတ် ဖွံ့ဖြိုးတိုးတက်ရေးအစီအစဉ် ရှေ့ဆက်ရေး တွန်းအားပေးသွားမည်ဖြစ်ပါကြောင်း၊ ကမ္ဘာလုံးဆိုင်ရာဖွံ့ဖြိုးတိုးတက်ရေး အကျိုးတူအသိုက်အဝန်း တည်ဆောက်၍ ပိုမို အားကောင်းသော၊ စိမ်းလန်းစိုပြေသော၊ ကောင်းမွန်သော ကမ္ဘာဖွံ့ဖြိုးရေးကို ဖော်ဆောင်ရာ၌ အားဖြည့်သွားမည် ဖြစ်ကြောင်း ပြောကြားခဲ့သည်။

တတိယအနေဖြင့် မိမိတို့သည် ဆန်းသစ်ဖန်တီးမှုကို ချဲ့ထွင်၍ ပူးပေါင်းဆောင်ရွက်မှုအလားအလာ ၊သက်ဝင်အားကို နှိုးဆွပေးရမည် ဖြစ်ကြောင်း ထည့်သွင်းပြောကြားခဲ့သည်။
မိမိ၏ ဗိုလ်ကျစိုးမိုးမှုအာဏာ ရပ်တည်ရေးကို ကာကွယ်ရန်အတွက် သိပ္ပံနည်းပညာ လက်ဝါးကြီးအုပ်၊ ပိတ်ဆို့၍ တားဆီးထားလျက်
အခြားနိုင်ငံ၏ ဆန်းသစ်တီထွင်တိုးတက်မှုအား နှောင့်ယှက်ခြင်းသည် ဖြစ်မြောက်သည့်လမ်းစဉ်မဟုတ်ကြောင်း ၊ သိပ္ပံနည်းပညာရလဒ်ကို ပိုမိုများပြားသောသူများ လက်လှမ်းမီနိုင်အောင် ကမ္ဘာလုံးဆိုင်ရာ သိပ္ပံနည်းပညာကဏ္ဍစီမံခန့်ခွဲမှုကို ပြည့်စုံကောင်းမွန်အောင် တွန်းအားပေးကြရမည် ဖြစ်ပါကြောင်း၊ BRICS အဖွဲ့နိုင်ငံများ စက်မှုတော်လှန်ရေးသစ် မိတ်ဖက်ဆက်ဆံမှုကို အရှိန်အဟုန်မြှင့်တည်ဆောက်ခဲ့ရာ၌ ဒစ်ဂျစ်တယ်စီးပွားရေးမိတ်ဖက်ဆက်ဆံရေးမူဘောင်ရရှိပြီး ထုတ်လုပ်မှုလုပ်ငန်း ဒစ်ဂျစ်တယ်အသွင်ပြောင်း ပူးပေါင်းဆောင်ရွက်ရေးအဆိုပြုချက်ကို ထုတ်ပြန်နိုင်ခဲ့ရာ ၅ နိုင်ငံ ကုန်ထုတ်လုပ်ငန်းမူဝါဒချိတ်ဆက်ရေး အားကောင်းစေရေးမောင်းနှင်ရေးအတွက် လမ်းကြောင်းသစ် ဖွင့်လှစ်နိုင်ခဲ့ကြောင်း ၊ ဒစ်ဂျစ်တယ်ခေတ် လူ့စွမ်းအားလိုအပ်ချက်များအတွက် အသက်မွေးဝမ်းကျောင်းပညာရေးမဟာမိတ်တည်ဆောက်၍ စွန့်ဦးတီထွင်လုပ်ငန်းပူးပေါင်းဆောင်ရွက်ရေး လူရည်ချွန်များကို အားကောင်းစေရန် ဆောင်ရွက်ခဲ့ကြောင်း ပြောကြားခဲ့သည်။

စတုတ္ထအနေဖြင့် မိမိတို့သည် ပွင့်လင်းမြင်သာမှုနှင့် အများပါဝင်နိုင်မှုကို လက်ကိုင်ထားကာ စုပေါင်းဉာဏ်ပညာနှင့်အင်အားကို စုစည်းရမည် ဖြစ်ကြောင်း သမ္မတ ရှီကျင့်ဖိန်က ဆိုသည်။
BRICS နိုင်ငံများသည် တံခါးပိတ်ထားသော ကလပ်တစ်ခု မဟုတ်သလို အခြားသူအားဖယ်ကြဉ်သော “အသိုက်အဝန်းငယ်”မဟုတ်ဘဲ အပြန်အလှန်ဖေးမကူညီသည့် မိသားစုကြီးနှင့် ပူးပေါင်းဆောင်ရွက်မှုဖြင့် ဘုံအကျိုးစီးပွားကိုဖော်ဆောင်သော မိတ်ဖက်များ ဖြစ်ကြကြောင်း ၊ ပြီးခဲ့သည် ၅ နှစ်တာကာလတွင် မိမိတို့အနေဖြင့် ကာကွယ်ဆေးသုတေသနပြုနှင့် ထုတ်လုပ်ရေး၊ သိပ္ပံနည်းပညာဆန်းသစ်တီထွင်ရေး၊ လူမှုယဉ်ကျေးမှုဖလှယ်ရေး၊ စဉ်ဆက်မပြတ်ဖွံ့ဖြိုးတိုးတက်ရေးစသည့်ကဏ္ဍများတွင် “BRICS Plus” လှုပ်ရှားမှုများဆောင်ရွက်ခဲ့ပြီး ကျယ်ပြန့်လှသော ထွန်းသစ်စဈေးကွက်နိုင်ငံနှင့် ဖွံ့ဖြိုးဆဲနိုင်ငံများအတွက် ပူးပေါင်းဆောင်ရွက်မှုပလက်ဖောင်းသစ် တည်ဆောက်နိုင်ခဲ့ရာ ထွန်းသစ်စဈေးကွက်နိုင်ငံနှင့်ဖွံ့ဖြိုးဆဲနိုင်ငံများအကြား ကမ္ဘာ့တောင်ခြမ်းပူးပေါင်းဆောင်ရွက်မှု၏ စံနမူနာဖြစ်ခဲ့ကြောင်း ၊ အခြေအနေအသစ်တွင် BRICS အဖွဲ့ဝင်နိုင်ငံများက ပိုမိုပွင့်လင်းစွာ တံခါးဖွင့်လက်ခံ၍ ဖွံ့ဖြိုးရေးဖော်ဆောင်ကြရမည် ဖြစ်ပါကြောင်း၊ ရည်မှန်းချက်တူ မိတ်ဖက်များက BRICS မိသားစုကြီးတွင် ပါဝင်လာပြီး BRICS ပူးပေါင်းဆောင်ရွက်မှုကို အားသစ်လောင်းရေးအတွက် BRICS အဖွဲ့ဝင်တိုးချဲ့ရေး တွန်းအားပေးဆောင်ရွက်ရမည်ဖြစ်သလို BRICS နိုင်ငံများ၏ ကိုယ်စားပြုမှုနှင့် သက်ရောက်မှုကို မြှင့်တင်ကြရမည် ဖြစ်ပါကြောင်း ပြောကြားခဲ့သည်။

သမ္မတရှီကျင့်ဖိန်က ထွန်းသစ်စဈေးကွက်သစ်နိုင်ငံနှင့် ဖွံ့ဖြိုးဆဲနိုင်ငံ၏ကိုယ်စားပြုအနေဖြင့် မိမိတို့သည့် သမိုင်းတိုးတက်ရေးလမ်းဆုံ အချက်အချာတွင် ရွေးချယ်မှုမှန်ကန်ပြီး တာဝန်မှုရှိစွာ ဆောင်ရွက်ရန်မှာ ကမ္ဘာအတွက်အထူးပင်အရေးကြီးလှကြောင်း ၊ မိမိတို့သည် စည်းလုံးညီညွတ်စွာ တစ်စိတ်တစ်ဝမ်းတည်း အားအင်များကို စုစည်း၍ ရဲဝံ့စွာ ရှေ့သို့လှမ်းချီကာ လူသားမျိုးနွယ်အတွက် ကံကြမ္မာ အကျိုးတူအသိုက်အဝန်းတည်ဆောက်ရေးကို တွန်းအားပေး၍ လူသားတို့၏သာယာလှပသောအနာဂတ်ကို အတူဖန်တီးကြပါစို့ဟူ၍ အလေးထားတိုက်တွန်းပြောကြားခဲ့သည်။

ဆွေးနွေးပွဲသို့ ပါဝင်တက်ရောက်သော နိုင်ငံ့ခေါင်းဆောင်များက တရုတ်နိုင်ငံ၏ ယခုအကြိမ်ဆွေးနွေးပွဲကို ကြီးမှူးကျင်းပခြင်းနှင့် BRICS ပူးပေါင်းဆောင်ရွက်မှု တွန်းအားပေးရေး ကြိုးပမ်းမှုကို ကျေးဇူးတင်ရှိကြောင်း ပြောကြားခဲ့ပြီး မရေရာမှုများ ပြည့်နှက်နေသည့် လက်ရှိနိုင်ငံတကာအခြေအနေတွင် BRICS အဖွဲ့ဝင်နိုင်ငံများက စည်းလုံးညီညွတ်မှုကို အားဖြည့်ခြင်း၊ BRICS စိတ်ဓါတ် ကျယ်ပြန့်မှုရှိစေခြင်း၊ မဟာဗျူဟာမိတ်ဖက်ဆက်ဆံရေး ခိုင်မာခြင်းတို့ဖြင့် စိန်ခေါ်မှုအမျိုးမျိုးကို ရင်ဆိုင်ကာ BRICS ပူးပေါင်းဆောင်ရွက်မှုအဆင့်သစ်ကို တိုးမြှင့်၍ နိုင်ငံတကာရေးရာတွင် ပို၍ကြီးမားသော အခန်းကဏ္ဍမှ အကျိုးဆောင်သွားသင့်သည်ဟု ယူဆကြောင်း ပြောကြားခဲ့ကြသည်။

BRICS အဖွဲ့ဝင် ၅ နိုင်ငံ ခေါင်းဆောင်များက “အရည်အသွေးမြင့် မိတ်ဖက်ဆက်ဆံရေးကို တည်ဆောက်၍ ကမ္ဘာ့လုံးဆိုင်ရာ ဖွံ့ဖြိုးတိုးတက်ရေးခေတ်သစ်ကို ဖန်တီးခြင်း” ဟူသော ခေါင်းစဉ်ဖြင့် BRICS နိုင်ငံများ ကဏ္ဍအသီးသီး၌ ပူးပေါင်းဆောင်ရွက်မှုနှင့်အတူဂရုပြုသည့် အရေးကြီးကိစ္စရပ်များကို နက်ရှိုင်းစွာ အမြင်သဘောထားချင်းဖလှယ်ခဲ့ကြရာ အဓိကကျသည့် သဘောတူညီချက်များ ရရှိခဲ့ကြောင်း သိရသည်။

ထိုသို့ ဆွေးနွေးကြရာတွင် နိုင်ငံပေါင်းစုံဘက်ပေါင်းစုံဝါဒကို ခိုင်မာစွာ လက်ကိုင်ထားပြီး ကမ္ဘာလုံးဆိုင်ရာ စီမံခန့်ခွဲမှု ဒီမိုကရေစီအသွင်သို့ တွန်းအားပေး၍ တရားမျှတမှုကို ကာကွယ်ထိန်းသိမ်းကာ တည်ငြိမ်မှုမရှိသော နိုင်ငံတကာအခြေအနေအတွက် တည်ငြိမ်မှုနှင့် အပြုသဘောစွမ်းအားကို အားဖြည့်လောင်းပေးရန်၊ ကပ်ရောဂါကာကွယ်ထိန်းချုပ်မှုကို အတူတကွ လုပ်ဆောင်ပြီး BRICSနိုင်ငံများ ကာကွယ်ဆေးသုတေသနစင်တာ စသည့်ယန္တရာများ၏ ပါဝင်မှုအခန်းကဏ္ဍကို ကောင်းမွန်စွာဖော်ဆောင်၍ ကာကွယ်ဆေး မျှတစွာ ဝေငှရေး၊ ပြည်သူ့ကျန်းမာရေးကဏ္ဍအကျပ်အတည်းစွမ်းရည်ကို အတူမြှင့်တင်ရေး ဆောင်ရွက်ရန်၊ စီးပွားရေး ပူးပေါင်းဆောင်ရွက်မှုများကို နက်ရှိုင်းစွာ ဆောင်ရွက်ပြီး ဘက်ပေါင်းစုံကုန်သွယ်ရေးစနစ်ကို ခိုင်မာစွာ ကာကွယ်ထိန်းသိမ်း၍ တံခါးဖွင့်ပွင့်လင်းသော ကမ္ဘာ့စီးပွားရေးတည်ဆောက်မှုကို တွန်းအားပေးရန်၊ တစ်ဖက်သတ် ပိတ်ဆို့မှုနှင့်အတူ “လက်တံရှည်လှမ်း စီမံခြင်း”ကို ဆန့်ကျင်၍ ဒစ်ဂျစ်တယ် စီးပွားရေး၊ သိပ္ပံနည်းပညာ ဆန်းသစ်တီထွင်မှု၊ ကုန်ထုတ်လုပ်ငန်းကွင်းဆက် ထောက်ပို့ရေးကွင်းဆက်၊ စားနပ်ရိက္ခာနှင့်စွမ်းအင်ဖူလုံရေးစသည့်ကဏ္ဍများ၏ ပူးပေါင်းဆောင်ရွက်မှုအင်အားဖြင့် ကမ္ဘာ့စီးပွားရေးကို ပြန်လည်နိုးထစေရန် တွန်းအားပေးဆောင်ရွက်ရန်၊ ကမ္ဘာလုံးဆိုင်ရာ ဖွံ့ဖြိုးတိုးတက်ရေးကို အတူတကွမြှင့်တင်ပြီး ဖွံ့ဖြိုးဆဲနိုင်ငံများ၏ အရေးပေါ်လိုအပ်ချက်များကို ဂရုပြုကာ ဆင်းရဲနွမ်းပါးမှုနှင့်ငတ်မွတ်ခေါင်းပါးမှုပပျောက်ရေး၊ ဥတုရာသီပြောင်းလဲခြင်း စိန်ခေါ်မှုများကို လက်တွဲရင်ဆိုင်ရေး၊ အာကာသ၊ big data စသည့် နည်းပညာများ၏ ဖွံ့ဖြိုးရေးကဏ္ဍ၌ အသုံးပြုမှုကို အားဖြည့်ရေး ၊ ကုလသမဂ္ဂ၏ ၂၀၃၀ ပြည့်နှစ် စဉ်ဆက်မပြတ်ဖွံ့ဖြိုးတိုးတက်ရေးအစီအစဉ်ကို အရှိန်အဟုန်မြှင့်အကောင်အထည်ဖော်ရေးဖြင့် ကမ္ဘာလုံးဆိုင်ရာ ဖွံ့ဖြိုးရေးခေတ်သစ်အတူဖန်တီးရာတွင် BRICS အကျိုးဆောင်ရွက်ရန်၊ လူမှုယဉ်ကျေးမှု အပြန်အလှန် ဖလှယ်လေ့လာသင်ယူမှုများကို တိုးမြှင့်ပြီး ပညာရှင်အဖွဲ့၊ နိုင်ငံရေးပါတီ၊ မီဒီယာ၊ အားကစား စသည့်ကဏ္ဍများအတွက် ပို၍များပြားသော စီမံကိန်းများ ဆောင်ရွက်ရန် သဘောတူညီခဲ့ကြကြောင်း သိရသည်။

“BRICS Plus” ပူးပေါင်းဆောင်ရွက်မှုများကို အလွှာအသီးသီး ၊ကဏ္ဍအသီးသီး၌ ကျယ်ပြန့်စွာ ဆောင်ရွက်ရန် ၊ BRICS အဖွဲ့ဝင် တိုးချဲ့ရေး ၊ ခေတ်အခါနှင့်လျော်ညီသော BRICS ယန္တရားကို တွန်းအားပေး၍ အရည်အသွေးမြင့်ထိရောက်စွာ၊ နက်ရှိုင်း၍ လက်တွေ့ကျစွာ ရေရှည်ဆောင်ရွက်ရန် အဖွဲ့ဝင် ၅ နိုင်ငံ ခေါင်းဆောင်များက သဘောတူညီခဲ့ကြကြောင်း သိရသည်။

ဆွေးနွေးပွဲတွင် “BRICSနိုင်ငံခေါင်းဆောင်များ ၁၄ ကြိမ်မြောက်အစည်းအဝေး ပေကျင်း ကြေညာချက်”ကိုလည်း အတည်ပြုထုတ်ပြန်ခဲ့သည်။

BRICS အဖွဲ့ဝင် ၅ နိုင်ငံ ခေါင်းဆောင်များက BRICSဆိုင်ရာ ပူးပေါင်းဆောင်ရွက်မှုယန္တရား ကိုယ်စားလှယ်များ၏ လုပ်ငန်းအစီရင်ခံမှုများအား ကြားနာခဲ့ကြကြောင်း သိရသည်။

အဆိုပါဆွေးနွေးပွဲကို တင်းရွှဲရှန်၊ ယန်ကျဲ့ချီနှင့် ဝမ်ရိတို့ ပါဝင်တက်ရောက်ခဲ့ကြောင်း သိရသည်။ (Xinhua)

………………………..
(Chinese Version)
金砖国家领导人第十四次会晤举行　　习近平主持会晤并发表重要讲话　　强调构建更加全面、紧密、务实、包容的高质量伙伴关系　　开启金砖合作新征程
2022-06-24 00:22:15
新华社北京6月23日电（记者杨依军）国家主席习近平23日晚在北京以视频方式主持金砖国家领导人第十四次会晤。南非总统拉马福萨、巴西总统博索纳罗、俄罗斯总统普京、印度总理莫迪出席。
人民大会堂东大厅花团锦簇，金砖五国国旗整齐排列，与金砖标识交相辉映。
晚8时许，金砖五国领导人集体“云合影”，会晤开始。
习近平首先致欢迎辞。习近平指出，回首过去一年，面对严峻复杂的形势，金砖国家始终秉持开放包容、合作共赢的金砖精神，加强团结协作，携手攻坚克难。金砖机制展现了韧性和活力，金砖合作取得了积极进展和成果。本次会晤正值人类社会何去何从的关键节点。金砖国家作为重要的新兴市场国家和发展中大国，要勇于担当、勇于作为，发出公平正义的声音，坚定战胜疫情的信念，汇聚经济复苏的合力，推动可持续发展，共同为推动金砖合作高质量发展贡献智慧，为世界注入积极、稳定、建设性力量。
习近平发表题为《构建高质量伙伴关系　开启金砖合作新征程》的重要讲话。
习近平指出，当前，世界百年未有之大变局正在加速演进，新冠肺炎疫情仍在蔓延，人类社会面临前所未有的挑战。16年来，面对惊涛骇浪、风吹雨打，金砖这艘大船乘风破浪、勇毅前行，走出了一条相互砥砺、合作共赢的人间正道。站在历史的十字路口，我们既要回望来时路，牢记金砖国家为什么出发；又要一起向未来，携手构建更加全面、紧密、务实、包容的高质量伙伴关系，共同开启金砖合作新征程。
第一，我们要坚持和衷共济，维护世界和平与安宁。一些国家力图扩大军事同盟谋求绝对安全，胁迫别国选边站队制造阵营对抗，漠视别国权益大搞唯我独尊。如果任由这种危险势头发展下去，世界会更加动荡不安。金砖国家要在涉及彼此核心利益问题上相互支持，践行真正的多边主义，维护公道、反对霸道，维护公平、反对霸凌，维护团结、反对分裂。中方愿同金砖伙伴一道，推动全球安全倡议落地见效，坚持共同、综合、合作、可持续的安全观，走出一条对话而不对抗、结伴而不结盟、共赢而非零和的新型安全之路，为世界注入稳定性和正能量。
第二，我们要坚持合作发展，共同应对风险和挑战。新冠肺炎疫情和乌克兰危机影响交织叠加，为各国发展蒙上阴影，新兴市场国家和发展中国家首当其冲。危机会带来失序，也会催生变革，关键取决于如何应对。金砖国家应该促进产业链供应链互联互通，共同应对减贫、农业、能源、物流等领域挑战。要支持新开发银行做大做强，推动完善应急储备安排机制，筑牢金融安全网和防火墙。要拓展金砖国家跨境支付、信用评级合作，提升贸易、投融资便利化水平。中方愿同金砖伙伴一道，推动全球发展倡议走深走实，推动联合国2030年可持续发展议程再出发，构建全球发展共同体，助力实现更加强劲、绿色、健康的全球发展。
第三，我们要坚持开拓创新，激发合作潜能和活力。企图通过搞科技垄断、封锁、壁垒，干扰别国创新发展，维护自身霸权地位，注定行不通。要推动完善全球科技治理，让科技成果为更多人所及所享。加快金砖国家新工业革命伙伴关系建设，达成数字经济伙伴关系框架，发布制造业数字化转型合作倡议，为五国加强产业政策对接开辟新航路。着眼数字时代人才需要，建立职业教育联盟，为加强创新创业合作打造人才库。
第四，我们要坚持开放包容，凝聚集体智慧和力量。金砖国家不是封闭的俱乐部，也不是排外的“小圈子”，而是守望相助的大家庭、合作共赢的好伙伴。5年来，我们在疫苗研发、科技创新、人文交流、可持续发展等领域开展了丰富多彩的“金砖+”活动，为广大新兴市场国家和发展中国家搭建了新的合作平台，成为新兴市场国家和发展中国家开展南南合作、实现联合自强的典范。新形势下，金砖国家更要敞开大门谋发展、张开怀抱促合作。应该推进金砖扩员进程，让志同道合的伙伴们早日加入金砖大家庭，为金砖合作带来新活力，提升金砖国家代表性和影响力。
习近平强调，作为新兴市场国家和发展中国家代表，我们在历史发展关键当口作出正确选择，采取负责任行动，对世界至关重要。让我们团结一心，凝聚力量，勇毅前行，推动构建人类命运共同体，共同开创人类美好未来！（讲话全文另发）
与会领导人感谢中方主办此次领导人会晤以及为推进金砖合作所作努力，认为在当前充满不确定性的国际形势下，金砖国家应该加强团结，发扬金砖精神，巩固战略伙伴关系，共同应对各种挑战，把金砖合作提升至新水平，在国际事务中发挥更大作用。
五国领导人围绕“构建高质量伙伴关系，共创全球发展新时代”的主题，就金砖国家各领域合作和共同关心的重大问题深入交换意见，达成许多重要共识。一致认为，要坚持多边主义，推动全球治理民主化，维护公平正义，为动荡不安的国际局势注入稳定性和正能量。要共同防控疫情，发挥好金砖国家疫苗研发中心等机制作用，促进疫苗公平合理分配，共同提升应对公共卫生危机的能力。要深化经济务实合作，坚定维护多边贸易体制，推动构建开放型世界经济，反对单边制裁和“长臂管辖”，加强数字经济、科技创新、产业链供应链、粮食和能源安全等领域合作，合力推动世界经济复苏。要促进全球共同发展，着眼发展中国家最紧迫的需求，消除贫困与饥饿，携手应对气候变化挑战，加强航天、大数据等技术在发展领域的应用，加快落实联合国2030年可持续发展议程，为共创全球发展新时代作出金砖贡献。要加强人文交流互鉴，在智库、政党、媒体、体育等领域打造更多品牌项目。五国领导人同意，在更多层级、更广领域、更大范围开展“金砖+”合作，积极推进金砖扩员进程，推动金砖机制与时俱进、提质增效，不断走深走实走远。
会晤通过并发表《金砖国家领导人第十四次会晤北京宣言》。（宣言全文另发）
会上，五国领导人听取了金砖有关合作机制代表工作汇报。
丁薛祥、王毅、何立峰等参加会晤。（完）
图说：6月23日晚，国家主席习近平在北京以视频方式主持金砖国家领导人第十四次会晤并发表题为《构建高质量伙伴关系 开启金砖合作新征程》的重要讲话。