တရုတ်-အမေရိကန် ဆက်ဆံရေး မူလဆန္ဒ နှင့်ပတ်သက်၍ အမေရိကန်နိုင်ငံဆိုင်ရာ တရုတ်နိုင်ငံ သံအမတ်ကြီး ချင်ကန်း မေးခွန်းထုတ်

ဟူစတန်၊ ဇွန် ၄ ရက် (ဆင်ဟွာ)

အမေရိကန်နိုင်ငံဆိုင်ရာ တရုတ်နိုင်ငံ သံအမတ်ကြီး ချင်ကန်းက ဇွန် ၂ ရက်တွင် ဟူစတန်ရှိ အမေရိကန် အာရှအသင်း၏ တက္ကဆက်စ်ပြည်နယ် အသင်းခွဲတွင် မိန့်ခွန်းပြောကြားရာတွင် တရုတ်-အမေရိကန် ဆက်ဆံရေးသည် လက်ရှိကမ္ဘာ၏ အရေးကြီးဆုံးသော နှစ်နိုင်ငံဆက်ဆံရေးတစ်ရပ်ဖြစ်ကြောင်းနှင့် ယင်းဆက်ဆံရေးက မကြုံစဖူးသော ရှုပ်ထွေးပြင်းထန်သည့် စိန်ခေါ်မှုများနှင့် ရင်ဆိုင်နေရခြင်းဖြစ်ကြောင်း၊ အပြန်အလှန်လေးစားခြင်း၊ ငြိမ်းချမ်းစွာ အတူယှဉ်တွဲနေထိုင်ခြင်း၊ ပူးပေါင်းဆောင်ရွက်ကာ ဘုံအကျိုးဖြစ်ထွန်းခြင်းသာလျှင် တရုတ်-အမေရိကန် ဆက်ဆံရေး၏ မှန်ကန်သော နည်းလမ်းဖြစ်ကြောင်း ၎င်းကပြောကြားခဲ့သည်။

အမေရိကန်နိုင်ငံခြားရေးဝန်ကြီး ဘလင်ကန်၏ ပြီးခဲ့သည့် သီတင်းပတ်က မိန့်ခွန်းတွင် အမေရိကန်၏ ခေတ်ကာလနှင့် တရုတ်အပေါ် ကြီးမားသော နားလည်မှု လွဲမှားခြင်းရှိနေကြောင်း ပေါ်လွင်စေခဲ့ပြီး တရုတ်-အမေရိကန် နှစ်နိုင်ငံက အဓိကကိစ္စရပ်အချို့တွင် ကွဲလွဲမှုများရှိနေကြောင်း ထင်ရှားစေခဲ့ကြောင်း ချင်ကန်းက ပြောသည်။ ယင်းအပေါ် တုံ့ပြန်သည့် အနေဖြင့် ၎င်းက တရုတ်-အမေရိကန် ဆက်ဆံရေး၏ “မူလဆန္ဒ” နှင့် ပတ်သက်၍ မေးခွန်း ၃ ခု ထုတ်ခဲ့သည်။ မိမိတို့ လက်ရှိတွင် ဘယ်လိုကမ္ဘာမျိုးမှာ နေထိုင်နေကြသလဲ။ တရုတ်-အမေရိကန်က အဓိကနိုင်ငံကြီးနှစ်ခု အနေဖြင့် ကမ္ဘာ့ငြိမ်းချမ်းရေးနှင့် သာယာဝပြောမှုအတွက် အကျိုးဆောင်ရန် မိမိတို့၏ နိုင်ငံကို ဘယ်လို တည်ဆောက်သင့်သလဲ။ တရုတ်-အမေရိကန် ဆက်ဆံရေး၏ မှန်ကန်တဲ့ နည်းလမ်းက ဘာလဲ။

ကမ္ဘာလုံးဆိုင်ရာ စိန်ခေါ်မှု အမျိုးမျိုးရင်ဆိုင်ရာတွင် မည်သည့်နိုင်ငံမှ တစ်ကိုယ်တည်း ရပ်တည်ခြင်း သို့မဟုတ် ကမ္ဘာကို လွှမ်းမိုးခြင်း လုပ်နိုင်မည်မဟုတ်ကြောင်း ချင်ကန်းက ‌ထောက်ပြခဲ့သည်။ နိုင်ငံအနည်းငယ်နှင့် မဟာမိတ်ဖွဲ့ခြင်း၊ အခြားနိုင်ငံအချို့အပေါ် ဖိနှိပ်ချုပ်ကိုင်ခြင်း၊ စိတ်သဘောထား အမြင်အရ စည်းတား၍ “အာဏာရှင်ဆန့်ကျင်ရေးဒီမိုကရေစီ” ကို ချဲ့ကားခြင်း၊ မိမိတန်ဖိုးယူဆချက်နှင့် သဘောထားကို အခြားသူအား အတင်းအကျပ် ပုံသွင်းခြင်းလုပ်ရပ်များက ကမ္ဘာကို ပြင်းထန်စွာ ဆုတ်ယုတ်စေမည့်အပြင် အဆုံးမရှိသည့် ဘေးထွက်ဆိုးကျိုးများ ထွက်ပေါ်လာမည်ဖြစ်ကြောင်း ၎င်းကဆိုသည်။

တရုတ်နှင့် အမေရိကန်တို့က မိမိ၏ကိစ္စရပ်များကို ကောင်းစွာဖြေရှင်းနိုင်ရန် ဦးစွာ အာရုံစိုက်သင့်ပြီး ပိုမိုကောင်းမွန်အောင် လုပ်ဆောင်ရမည်ဖြစ်ကြောင်း ချင်ကန်းက ဆိုသည်။ မိမိတို့အနေဖြင့် ဖွံ့ဖြိုးတိုးတက်မှု လုပ်ဆောင်ရာတွင် မည်သူ့ကို ကျော်တက်ရန်၊ အစားထိုးရန်၊ အနိုင်ရရန် ရည်မှန်းချက်ထားခြင်းမဟုတ်ဘဲ မိမိအတွက်သာမက အခြားသူအတွက်ပါ အကျိုးဖြစ်ထွန်းစေရန် ရည်မှန်းချက်ထားရမည်ဖြစ်သည်။ တရုတ်-အမေရိကန်က အချို့ကဏ္ဍများတွင် ပြိုင်ဆိုင်မှု ရှိနိုင်သော်လည်း တရားမျှတ၍ ကောင်းမွန်စွာ ယှဉ်ပြိုင်သင့်ကြောင်း ၎င်းကပြောကြားခဲ့သည်။

အကျိုးစီးပွား ပေါင်းစည်းခြင်း၊ အပြန်အလှန် အကျိုးဖြစ်ထွန်းခြင်းနှင့် ပူးပေါင်းခြင်းသာလျှင် တရုတ်-အမေရိကန် နှစ်နိုင်ငံ ဆက်ဆံရေးအတွက် မှန်ကန်သည့် တစ်ခုတည်းသော ရွေးချယ်မှုဖြစ်ကြောင်း ၎င်းကယူဆသည်။ တရုတ်-အမေရိကန်ကြား ကွဲပြားမှုများက နာမည်ဖျက်ခြင်းနှင့် ကဲ့ရဲ့ပြစ်တင်ခြင်း၏ အကြောင်းပြချက် မဖြစ်သင့်သလို နှစ်နိုင်ငံ ကွဲလွဲမှုများကလည်း ရန်လိုခြင်းနှင့် ထိပ်တိုက်ရင်ဆိုင်ခြင်း၏ အကြောင်းပြချက် မဖြစ်သင့်ကြောင်း ၎င်းက ဆိုသည်။ မိမိတို့အနေဖြင့် သဘောထားကွဲလွဲမှုကို တည့်တည့်မတ်မတ်ရှုမြင်ကာ၊ ကွဲလွဲမှုများကို ထိန်းချုပ်ခြင်း သာမက ကွဲလွဲမှုများကို ဖြေရှင်းခြင်း၊ ကျော်လွှားခြင်း လုပ်ဆောင်ကာ နှစ်နိုင်ငံအကြား အကြီးမားဆုံးသော မျှခြေကို ချဲ့ထွင်ရမည်ဖြစ်သည်။ မိမိတို့အနေဖြင့် အကျပ်အတည်းကို ရင်ဆိုင်ရုံမက အကျပ်အတည်းကို ကြိုတင်ကာကွယ်ရမည်ဖြစ်သည်။

ထိုင်ဝမ်အရေးက တရုတ်-အမေရိကန် ဆက်ဆံရေးတွင် အရေးကြီးဆုံး၊ အကဲဆတ်ဆုံး၊ အခြေခံအကျဆုံး ပြဿနာဖြစ်ကြောင်း ချင်ကန်းက ထောက်ပြခဲ့သည်။ အမေရိကန်က တရုတ်နိုင်ငံနှင့် “စစ်အေးတိုက်ပွဲသစ်” တိုက်ရန် ကြိုးစားခြင်းမရှိသလို၊ တရုတ်နိုင်ငံ စနစ်ကို ပြောင်းလဲရန်၊ မဟာမိတ်ဆက်ဆံရေး အားဖြည့်ခြင်းဖြင့် တရုတ်နိုင်ငံကို ဆန့်ကျင်ခြင်း မပြုလိုကြောင်း၊ “ထိုင်ဝမ် လွတ်လပ်ရေး” ကို ထောက်ခံခြင်းမရှိကြောင်း၊ တရုတ်နိုင်ငံနှင့် ပဋိပက္ခ ဖြစ်ပွားရန် ဆန္ဒမရှိကြောင်း ဘိုင်ဒန်အစိုးရက အတိအလင်း ထုတ်ဖော်ပြောကြားခဲ့သည်။ ယင်းကတိကဝတ်များကို လက်တွေ့ကျကျ စောင့်ထိန်းသင့်ကြောင်း၊ ၎င်းက လက်ရှိ တရုတ်-အမေရိကန် ဆက်ဆံရေး အကျပ်အတည်းကို ကျော်လွှားရန် အဓိကဖြစ်ကြောင်း ၎င်းကဆိုသည်။

တရုတ်-အမေရိကန်ဆက်ဆံရေးသည် အဓိက အလှည့်အပြောင်း နေရာသို့ ရောက်ရှိနေကြောင်း မည်သို့ ဆက်လက်လျှောက်လှမ်းရမည်မှာ နှစ်နိုင်ငံ အတူတကွ မှန်ကန်စွာ ရွေးချယ်ရမည်ဖြစ်သည်။ နိဂုံးချုပ်အနေဖြင့် ချင်ကန်းက တရုတ်-အမေရိကန်ဆက်ဆံရေး၏ သင်္ဘောသည် လက်ရှိလှိုင်းဒဏ်လေဒဏ်၊ မြူခိုးများနှင့် အန္တရာယ်ရှိသော ရေစီးကြောင်းများကို ကျော်ဖြတ်ကာ ကျန်းမာပြီး တည်ငြိမ်သော ဖွံ့ဖြိုးတိုးတက်မှု လမ်းကြောင်းသို့ အမြန်ဆုံး ရောက်ရှိရန် လိုလားကြောင်း ပြောကြားခဲ့သည်။ (Xinhua)

…………………………………………………….
(Chinese Version)
中国驻美大使就中美关系“初心”连发三问
新华社休斯敦6月2日电（记者徐剑梅）中国驻美国大使秦刚2日在休斯敦美国亚洲协会得克萨斯州分会上发表讲话说，中美关系是当今世界最重要的双边关系之一，正面临空前复杂严峻的挑战，相互尊重、和平共处、合作共赢才是中美正确的相处之道。
秦刚说，美国国务卿布林肯上周发表了对华政策演讲，暴露了美国对时代、对中国的严重误解误判，凸显了中美双方在一些重大问题上的分歧。对此，他就中美关系的“初心”连发三问：我们今天所处的是什么样的世界？中美作为两个大国应该如何建设好自己的国家，并且为世界的和平与繁荣作出贡献？什么才是中美正确的相处之道？
秦刚指出，面对各种全球性挑战，任何国家都不能独善其身或独霸天下。那种与少数一些国家联盟、遏制打压另一些国家的做法，那种以意识形态划线、渲染“民主与威权对决”的做法，那种把自己的价值观和意志强加于人的做法，只会严重撕裂这个世界，制造无穷无尽的祸端。
秦刚表示，中美首先都应聚精会神办好自己的事，做更好的自己。我们发展的目的就是既立己、又达人，而不是以超越谁、取代谁、竞赢谁为目标。中美在某些领域的确会有竞争，但应是公平、健康的竞争。
他认为，中美关系的主流是利益交融、互利共赢，合作是双方唯一正确的选择。中美间的差异不应成为妖魔化、污名化的借口，两国间的分歧也不应成为敌意和对抗的理由。我们不仅要正视分歧、管控分歧，更要化解分歧、超越分歧，扩大两国之间的最大公约数。我们不仅要应对危机，更要预防危机，防患未然。
秦刚指出，台湾问题是中美关系中最重要、最敏感、最根本的问题。一个中国原则是中美关系的基石。拜登总统明确表示，美方不寻求同中国打“新冷战”、不寻求改变中国体制、不寻求通过强化同盟关系反对中国、不支持“台独”、无意同中国发生冲突。其上述承诺应该切实得到遵守，这是中美关系走出当前困境的关键所在。
秦刚最后说，中美关系正处于关键关口，何去何从需要双方共同作出正确选择，希望中美关系的航船穿过当前的风暴迷雾和激流险滩，早日回到健康稳定发展的正确轨道。（完）

图说- 3月4日，中国驻美国大使秦刚（中）走访旧金山唐人街。新华社记者 吴晓凌 摄