ရုရှားနိုင်ငံ သမ္မတ ပူတင် နှင့် တရုတ်နိုင်ငံ ဒုတိယ ဝန်ကြီးချုပ် ကျန်းကော်ချင်း တွေ့ဆုံ ဆွေးနွေး

ဗလာဒီဗော့စ်တော့ခ်၊ စက်တင်ဘာ ၁၃ ရက် (ဆင်ဟွာ)
ရုရှားနိုင်ငံ သမ္မတ ပူတင်သည် ၈ ကြိမ်မြောက် အရှေ့ဖျား စီးပွားရေဖိုရမ်သို့ ဖိတ်ကြားချက်အရ တက်ရောက်လာသည့် တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံတော်ကောင်စီ ဒုတိယ ဝန်ကြီးချုပ် ကျန်းကော်ချင်းနှင့် ဗလာဒီဗော့စ်တော့ခ်မြို့တွင် စက်တင်ဘာ ၁၂ ရက်က တွေ့ဆုံဆွေးနွေးခဲ့သည်။

သမ္မတ ပူတင်က တရုတ်နိုင်ငံ သမ္မတ ရှီကျင့်ဖိန်ထံသို့ ရင်းနှီးစွာ နှုတ်ခွန်းဆက်စကားအား ကျန်းကော်ချင်းမှတစ်ဆင့် ပြောကြားခဲ့ပြီး အရှေ့ဖျား စီးပွားရေးဖိုရမ်တက်ရောက်ရန် တရုတ်နိုင်ငံဘက်မှ အဆင့်မြင့် ကိုယ်စားလှယ်အဖွဲ့ကို ရုရှားသို့ စေလွှတ်ခဲ့သည့်အပေါ် ကျေးဇူးတင်ရှိကြောင်း ပြောကြားခဲ့သည်။

ရုရှား-တရုတ် အတူတကွ ကြိုးစားမှုအောက်တွင် နှစ်နိုင်ငံဆက်ဆံရေးသည် သမိုင်းတွင် အကောင်းဆုံးကာလသို့ ရောက်ရှိခဲ့ကြောင်း၊ ကုန်သွယ်စီးပွားစသည့် ကဏ္ဍစုံပူးပေါင်းဆောင်ရွက်မှုသည် အဆင်ပြေချောမွေ့စွာ တိုးတက်ခဲ့သလို နှစ်နိုင်ငံ ဒေသန္တရ ပူးပေါင်းဆောင်ရွက်မှုများသည် စဉ်ဆက်မပြတ် တိုးတက်လျက်ရှိကြောင်း၊ အရှေ့ဖျားဒေသ ဖွံ့ဖြိုးတိုးတက်ရေးသည် ရုရှား-တရုတ် နှစ်နိုင်ငံ ပူးပေါင်းဆောင်ရွက်မှု၏ တိုးတက်မှု စမှတ်သစ် ဖြစ်ကြောင်း၊ ရုရှားနိုင်ငံအနေဖြင့် နှစ်ဖက် ဆက်ဆံရေးနှင့် ကဏ္ဍစုံ ပူးပေါင်းဆောင်ရွက်မှုများ ဖွံ့ဖြိုးတိုးတက်မည့် အလားအလာအပေါ် အပြည့်အဝ ယုံကြည်မှု ရှိကြောင်း ပူတင်က ပြောကြားခဲ့သည်။
တရုတ်နိုင်ငံ ဒုတိယ ဝန်ကြီးချုပ် ကျန်းကော်ချင်းက သမ္မတ ပူတင်အပေါ် သမ္မတ ရှီကျင့်ဖိန်၏ ရင်းနှီးစွာ နှုတ်ခွန်းဆက်စကားနှင့် ၈ ကြိမ်မြောက် အရှေ့ဖျားစီးပွားရေးဖိုရမ် ကျင်းပသည့်အပေါ် ဂုဏ်ပြုစကားအား တစ်ဆင့် ပြောကြားခဲ့သည်။

ကျန်းကော်ချင်းက နှစ်နိုင်ငံ ခေါင်းဆောင်များသည် တရုတ်-ရုရှား ဆက်ဆံရေး ဖွံ့ဖြိုးတိုးတက်မှု ဦးတည်ချက်ကို လမ်းညွှန်ထိန်းကျောင်းခဲ့ပါကြောင်း၊ တရုတ်-ရုရှား ခေတ်သစ် ဘက်စုံ မဟာဗျူဟာ ညှိနှိုင်းမှု မိတ်ဖက်ဆက်ဆံရေးကို အဆင့်မြင့် လည်ပတ်နိုင်ခဲ့ရာ ကဏ္ဍစုံ ပူးပေါင်းဆောင်ရွက်မှု ဖွံ့ဖြိုးတိုးတက်ရေး အရှိန်အဟုန်ကောင်းမွန်လျက်ရှိကြောင်း၊ ယခုနှစ် မတ်လက သမ္မတ ရှီကျင့်ဖိန်၏ ရုရှားခရီးစဉ်သည် အောင်မြင်မှုရလဒ်များစွာ ရှိခဲ့ကြောင်း၊ တရုတ်နိုင်ငံအနေဖြင့် ရုရှားနိုင်ငံနှင့်အတူ နိုင်ငံခေါင်းဆောင်များ၏ အရေးကြီးသဘောတူညီချက်ကို ဖော်ဆောင်ပြီး ဖွံ့ဖြိုးတိုးတက်ရေးကို မျှဝေသွားလိုကြောင်း၊ အပြန်အလှန်အကျိုးဖြစ်ထွန်းသည့် ပူးပေါင်းဆောင်ရွက်မှုများကို ထဲထဲဝင်ဝင် ဆောင်ရွက်ခြင်း ၊ ဒေသတွင်း ဖွံ့ဖြိုးတိုးတက်ရေး မဟာဗျူဟာ ညှိနှိုင်းချိတ်ဆက်မှုများကို မြှင့်တင်ခြင်း၊ နှစ်နိုင်ငံ ဒေသန္တရပူးပေါင်းဆောင်ရွက်မှု ယန္တရား၏ အခန်းကဏ္ဍကို ဖော်ဆောင်ခြင်းဖြင့် တရုတ်-ရုရှား ပူးပေါင်းဆောင်ရွက်မှုများ ရှေ့သို့ ဆက်လက်တိုးတက်၍ ရလဒ်သစ်များ အဆက်မပြတ် ရရှိအောင် တွန်းအားပေးဆောင်ရွက်သွားလိုကြောင်း ပြောကြားခဲ့သည်။ (Xinhua)

……………………………..
(Chinese Version)
俄罗斯总统普京会见张国清
新华社符拉迪沃斯托克9月12日电俄罗斯总统普京12日在符拉迪沃斯托克会见应邀出席第八届东方经济论坛的中共中央政治局委员、国务院副总理张国清。
普京请张国清转达对习近平主席的诚挚问候，感谢中方派出高级别代表团来俄出席东方经济论坛。普京表示，在俄中双方的共同努力下，两国关系进入历史最好时期，经贸等各领域合作发展顺利，两国地方合作方兴未艾，远东开发成为俄中两国合作新的增长点，俄方对双边关系及各领域合作发展前景充满信心。
张国清首先转达习近平主席对普京总统的亲切问候，对第八届东方经济论坛召开表示祝贺。张国清表示，两国元首为中俄关系发展定向把舵，中俄新时代全面战略协作伙伴关系保持高水平运行，各领域合作发展势头良好。今年3月习近平主席访俄取得丰硕成果。中方愿同俄方一道，落实两国元首重要共识，共享发展机遇，深化互利合作，加强区域发展战略协调对接，发挥两国地方合作机制作用，推动中俄合作持续向前发展，不断取得新成果。