တရုတ်နိုင်ငံ သမ္မတ ရှီကျင့်ဖိန်နှင့် အမေရိကန်နိုင်ငံခြားရေးဝန်ကြီး ဘလင်ကန်တို့ တွေ့ဆုံစဉ် ပြောကြားခဲ့သည့် အရေးကြီး အချက်များ

ပေကျင်း၊ ဧပြီ ၂၇ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် အမေရိကန်နိုင်ငံ နိုင်ငံခြားရေးဝန်ကြီး ဘလင်ကန်နှင့် ဧပြီ ၂၆ ရက် ညနေပိုင်းက ပေကျင်းမြို့ ပြည်သူ့ခန်းမဆောင်တွင် တွေ့ဆုံဆွေးနွေးခဲ့သည်။

သမ္မတ ရှီကျင့်ဖိန် ထောက်ပြပြောကြားခဲ့သည့် အချက်များမှာ –
– ယခုနှစ်သည် တရုတ်-အမေရိကန် သံတမန် ဆက်ဆံရေး ထူထောင်သည့် ၄၅ နှစ်မြောက် နှစ်ပတ်လည် ဖြစ်သည်။ ၄၅ နှစ်ကြာကာလ တရုတ်-အမေရိကန် ဆက်ဆံရေးသည် လှိုင်းဒဏ်လေဒဏ်ကို ဖြတ်သန်းခဲ့ရခြင်းကြောင့် နှစ်နိုင်ငံသည် ပြိုင်ဘက်မဟုတ်ဘဲ မိတ်ဖက်ဖြစ်သင့်သလို အပြန်အလှန် ထိခိုက်အောင် ဆောင်ရွက်ခြင်းမဟုတ်ဘဲ အပြန်အလှန်အောင်မြင်အောင် ပံ့ပိုးသင့်ကြောင်း၊ အပျက်သဘောယှဉ်ပြိုင်ခြင်းမဟုတ်ဘဲ ကွဲလွဲမှုများကို ဘေးဖယ်ထား၍ တူညီမှုများကို စုစည်းသင့်ကြောင်း၊ အပြောတစ်မျိုး အလုပ်တစ်မျိုးမဟုတ်ဘဲ ပြတ်ပြတ်သားသား ကတိတည်တည် ဆောင်ရွက်သင့်ကြောင်း ဟူသော အရေးကြီးသည့် အသိရလာစေသည်။
– မိမိ အဆိုပြုသည့် အပြန်အလှန်လေးစားမှု၊ ငြိမ်းချမ်းစွာ အတူယှဉ်တွဲနေထိုင်မှု၊ ပူးပေါင်းဆောင်ရွက်ခြင်းဖြင့် ဘုံအကျိုးစီးပွား ဖော်ဆောင်မှု ဟူသော အခြေခံမူကြီး ၃ ချက်မှာ အတိတ်အတွေ့အကြုံ၏ သင်ခန်းစာဖြစ်သလို အနာဂတ်ကို လျှောက်လှမ်းရာ လမ်းညွှန်ဖြစ်ပါသည်။

သမ္မတ ရှီကျင့်ဖိန် အလေးထားပြောကြားခဲ့သော အချက်များမှာ –
– လွန်ခဲ့သော ရက်သတ္တပတ် ၃ ပတ်က မိမိနှင့် သမ္မတ ဘိုင်ဒန် ဖုန်းဖြင့်ဆက်သွယ်ပြီး ယခုနှစ် တရုတ်-အမေရိကန် ဆက်ဆံရေး တည်ငြိမ်စွာ တိုးတက်ရန်အတွက် စဉ်းစား ဆွေးနွေးရာတွင် နှစ်ဖက်အနေဖြင့် သင့်မြတ်ရေးကို အလေးထား၊ တည်ငြိမ်ရေးကို အလေးထား၊ ယုံကြည်မှုကို အခြေခံထားသင့်ကြောင်း အဆိုပြုခဲ့သည်။ “အမြော်အမြင်ကြီးမှ လက်ရှိကိစ္စရပ်များကို ဖြေရှင်းနိုင်မည်” ဖြစ်သည်ဟု မိမိအနေဖြင့် အလေးထားပြောကြားခဲ့ဖူးပါသည်။
– လက်ရှိကမ္ဘာသည် နှစ် ၁၀၀ တွင် မကြုံခဲ့ရဖူးသော အပြောင်းအလဲများနှင့် ရင်ဆိုင်နေရပြီး ဤအပြောင်းအလဲကို မည်သို့ ရင်ဆိုင်မည်နည်းဟူသည်မှာ ခေတ်ကာလ၏အမေးပုစ္ဆာ၊ ကမ္ဘာ၏ အမေးပုစ္ဆာ ဖြစ်သည်။ ယင်းပုစ္ဆာကို ဖြေရှင်းရန် မိမိ၏အဖြေမှာ လူသားမျိုးနွယ် အေးအတူ ပူအမျှ အသိုက်အဝန်း တည်ဆောက်ရေးကို တွန်းအားပေးခြင်း ဖြစ်သည်။ ၎င်းမှာ တရုတ်နိုင်ငံ သံတမန်ဆက်ဆံရေး၏လက်ကိုင်အလံဖြစ်ပြီး ကမ္ဘာ့နိုင်ငံ အများအပြား၏ ကြိုဆိုမှုကို ရရှိခဲ့ပါသည်။
– ကမ္ဘာကြီးသည် ဤသို့ဤမျှ ကျယ်ဝန်းလှသလို လူသားမျိုးနွယ် ရင်ဆိုင်နေရသည့် ဘုံစိန်ခေါ်မှုများသည်လည်း အလွန်များပြားပေသည်။ တရုတ်ရှေးလူကြီးများက “တစ်လှေတည်းစီး၊ တစ်ခရီးတည်းသွား”ဟု ဆိုကြ၏။ ယခုအခါ “တစ်ကမ္ဘာလုံး၊ တစ်ခရီးတည်း တက်ညီလက်ညီသွားရန်” လိုအပ်သည်ဟု မိမိ ယူဆသည်။ လူသားမျိုးနွယ် လူမှုအသိုက်အဝန်းသည် ဆက်နွယ်မှု၊ ကောင်းအတူ၊ဆိုးအတူ ရှိကြပေရာ နိုင်ငံတိုင်းသည် နှီးနွယ်နေမှုရှိကြခြင်းကြောင့် အားလုံးအနေဖြင့် အတူတကွအကျိုးဖြစ်ထွန်းရေး၊ ဘက်စုံအကျိုးဖြစ်ထွန်းရေးကို အကြီးဆုံးသဘောတူညီချက်အဖြစ် ထားရှိသင့်ပေသည်။ ၎င်းမှာ တရုတ်နိုင်ငံက ကမ္ဘာနှင့် တရုတ်-အမေရိကန် ဆက်ဆံရေးအပေါ် ရှုမြင်သည့် အခြေခံဖြစ်သည်။
– နိုင်ငံကြီးသည် နိုင်ငံကြီးပုံစံရှိရမည် ဖြစ်သလို နိုင်ငံကြီး၏ သဘောထားကြီးမှုနှင့်တာဝန်ယူလိုမှုရှိရမည် ဖြစ်သည်ဟု မိမိအနေဖြင့် အစဉ်အမြဲ ယူဆသည်။ တရုတ်-အမေရိကန် နှစ်နိုင်ငံသည် ရှေ့ဆောင်စံပြဖြစ်သင့်ပြီး ကမ္ဘာ့ငြိမ်းချမ်းရေးအတွက် တာဝန်ယူမှု၊ နိုင်ငံစုံ ဖွံ့ဖြိုးတိုးတက်ရေးအတွက် အခွင့်အလမ်းဖန်တီးမှု၊ တစ်ကမ္ဘာလုံးအတွက် ပြည်သူ့ထုတ်ကုန်ပံ့ပိုးမှု၊ ကမ္ဘာ့စည်းလုံးညီညွတ်ရေးအတွက် အပြုသဘောဆောင်မှု ရှိသင့်ပေသည်။
– မိမိနှင့် သမ္မတ ဘိုင်ဒန် ဆန်ဖရန်စစ္စကိုတွင် တွေ့ဆုံဆွေးနွေးစဉ် မှန်ကန်သည့်အမြင် အတူတကွ တည်ဆောက်ရန်၊ ကွဲလွဲမှုများကို အတူတကွ ထိရောက်စွာ ထိန်းချုပ်စီမံရန်၊ အပြန်အလှန်အကျိုးဖြစ်ထွန်းသည့် ပူးပေါင်းဆောင်ရွက်မှုများကို အတူတကွ တွန်းအားပေးရန်၊ နိုင်ငံကြီးတာဝန်ကို အတူတကွ ထမ်းဆောင်ရန်၊ လူမှုယဉ်ကျေးမှုဖလှယ်ရေးကို အတူတကွမြှင့်တင်ရန်ဟူသော မဏ္ဍိုင်ကြီး ၅ ရပ်ကို အဆိုပြုခဲ့သည်။ ၎င်းမှာ တရုတ်-အမေရိကန် ဆက်ဆံရေး အဆောက်အဦကြီးတည်ဆောက်ရာတွင် ရှိသင့်သည့် မဏ္ဍိုင်ဖြစ်ရာ အခြေခံမူသတ်မှတ်ထားမည်ဆိုလျှင် အခြားပြဿနာများကို ကောင်းမွန်စွာ စီမံနိုင်မည် ဖြစ်သည်။
– တရုတ်နိုင်ငံအနေဖြင့် ပူးပေါင်းဆောင်ရွက်လိုသည့် ဆန္ဒရှိသော်လည်း ပူးပေါင်းဆောင်ရွက်မှုဆိုသည်မှာ နှစ်ဖက်စလုံး၌ ရှိသင့်သည်။ မိမိတို့အနေဖြင့် ယှဉ်ပြိုင်ရမည်ကို ကြောက်ရွံ့ခြင်းမရှိသော်လည်း ယှဉ်ပြိုင်မှုက နှစ်ဖက်အကျိုးမဲ့စေသည့် ယှဉ်ပြိုင်မှုမဟုတ်ဘဲ အတူတကွ တိုးတက်မှု ဖြစ်သင့်သည်။ တရုတ်နိုင်ငံသည် မဟာမိတ်ဖွဲ့မည် မဟုတ်သလို အမေရိကန်နိုင်ငံအနေဖြင့်လည်း “အသိုက်အဝန်းငယ်” လုပ်ဆောင်ရမည် မဟုတ်ပေ။ နှစ်ဖက်အနေဖြင့် မိမိတို့ မိတ်ဆွေနှင့် မိတ်ဖက်များ ရှိနိုင်ပြီး တစ်ဖက်အား ဦးတည်ခြင်း၊ ဆန့်ကျင်ခြင်း၊ ထိခိုက်နစ်နာအောင် လုပ်ခြင်း ပြုရမည် မဟုတ်ပေ။
– တရုတ်နိုင်ငံသည် ယုံကြည်မှု၊ တံခါးဖွင့်လှစ်မှု၊ ဖွံ့ဖြိုးစည်ပင်မှုရှိသော အမေရိကန်နိုင်ငံကို တွေ့မြင်လိုသလို အမေရိကန်နိုင်ငံအနေဖြင့် တရုတ်နိုင်ငံ ဖွံ့ဖြိုးတိုးတက်ရေးကို အပေါင်းလက္ခဏာအပြုသဘောအနေဖြင့် ရှုမြင်စေလိုသည်။
– “တစ်ရက်တိုးတက်မှုမရှိက တစ်ရက်ဆုတ်ယုတ်မည်” ဟူသော တရုတ်စကား ရှိရာ တရုတ်-အမေရိကန် ဆက်ဆံရေးသည်လည်း ထိုသို့ပင် ဖြစ်သည်။ တရုတ်-အမေရိကန်ဆက်ဆံရေး တည်ငြိမ်လာသည့်အခြေအနေသည် ခဲယဉ်းစွာ ရရှိလာခြင်း ဖြစ်သည်။ တရုတ်-အမေရိကန် ဆက်ဆံရေး အမှန်တကယ် တည်ငြိမ်၊ ကောင်းမွန်တိုးတက်လာအောင် မိမိနှင့် သမ္မတ ဘိုင်ဒန် သဘောတူညီမှုရရှိခဲ့သည့် “ဆန်ဖရန်စစ္စကိုမျှော်မှန်းချက်” ကို နှစ်ဖက်အဖွဲ့အစည်းများအနေဖြင့် ဆက်လက်ကြိုးပမ်းဖော်ဆောင်သွားစေလိုပါသည်။ (Xinhua)

————————-
(Chinese Version)
新华社权威速览丨习近平主席会见美国国务卿布林肯时的重要讲话要点
4月26日下午，国家主席习近平在北京人民大会堂会见美国国务卿布林肯。
习近平指出，今年是中美建交45周年。45年的中美关系历经风风雨雨，给了我们不少重要启示：两国应该做伙伴，而不是当对手；应该彼此成就，而不是互相伤害；应该求同存异，而不是恶性竞争；应该言必信、行必果，而不是说一套、做一套。我提出相互尊重、和平共处、合作共赢三条大原则，既是过去经验的总结，也是走向未来的指引。
习近平强调，3周前，我同拜登总统通了电话，谈了对今年稳定发展中美关系的考虑，提出了双方应该以和为贵、以稳为重、以信为本。我还强调过，“得其大者可以兼其小”。
当今世界正处于百年未有之大变局，怎么应对这个变局，这是个时代之问、世界之问。我给出的答案就是推动构建人类命运共同体，这已经成为中国外交的旗帜，也受到世界许多国家欢迎。
地球就这么大，人类面临这么多共同挑战。中国古人讲“同舟共济”，我看现在需要“同球共济”。人类社会休戚相关、福祸相依，各国你中有我、我中有你，大家应该为实现共赢、多赢凝聚最大共识。这是中国看待世界和中美关系的基本出发点。

我始终认为，大国要有大国的样子，要有大国的胸怀和担当。中美两国应该为此作出表率，为世界和平承担责任，为各国发展创造机会，为全球提供公共产品，为世界团结发挥积极作用。

习近平强调，我同拜登总统旧金山会晤时，提出了共同树立正确认知、共同有效管控分歧、共同推进互利合作、共同承担大国责任、共同促进人文交流5根支柱。这是中美关系这座大厦应该有的四梁八柱。大的原则定了，其他问题就好办了。

中方愿意合作，但合作应该是双向的。我们不怕竞争，但竞争应该是共同进步，而不是零和博弈。中方坚持不结盟，美方也不要搞“小圈子”。双方都可以有自己的朋友和伙伴，不要针对对方，不要反对对方，不要损害对方。

中方乐见一个自信开放、繁荣发展的美国，希望美方也能积极正面看待中国的发展。
习近平强调，中国有句话，“不日进，则日退”。中美关系也是这样。中美关系企稳的势头来之不易。希望双方团队继续努力，积极落实我同拜登总统达成的“旧金山愿景”，使中美关系真正稳下来、好起来、向前走。