တရုတ်နိုင်ငံ၌၂၀၂၅ ခုနှစ်တွင် စက်ရုပ်တီထွင်အသုံးချမှုပညာ၌ အောင်မြင်မှုများ တွေ့မြင်ရမည်

ပေကျင်း ၊ ဒီဇင်ဘာ ၂၉ ရက်(ဆင်ဟွာ)

တရုတ်နိုင်ငံသည် ၂၀၂၅ ခုနှစ်တွင် ပင်မစက်ရုပ်နည်းပညာများနှင့် ဆက်စပ်သည့် အဆင့်မြင့်ထုတ်ကုန်များ၌ အောင်မြင်မှုများစွမ်းဆောင်နိုင်ရန် ကတိပြုထားကြောင်း ဒီဇင်ဘာ ၂၈ ရက်တွင် ထုတ်ပြန်ခဲ့သည့် လမ်းညွှန်ချက်အရ သိရသည်။

တရုတ်နိုင်ငံသည် ၂၀၂၅ ခုနှစ်တွင် စက်ရုပ်တီထွင်အသုံးချရေးပညာတီထွင်ဆန်းသစ်မှုအတွက် ကမ္ဘာလုံးဆိုင်ရာအချက်အချာတစ်ခုဖြစ်လာရန် ကြိုးပမ်းသွားမည် ဖြစ်ပြီး နိုင်ငံတကာစံနှုန်းများနှင့် ကိုက်ညီစေရန် အဓိကကျသော စက်ရုပ်အစိတ်အပိုင်းများအတွက် စွမ်းဆောင်ရည် နှင့် စိတ်ချရမှုကို ကြိုးပမ်းလုပ်ဆောင်နေကြောင်း စက်မှုနှင့်သတင်းအချက်အလက်နည်းပညာဝန်ကြီးဌာနကဲ့သို့ နိုင်ငံပိုင်အဖွဲ့အစည်းများက ပူးတွဲထုတ်ပြန်ခဲ့သည့် လမ်းညွှန်ချက်တွင် ဖော်ပြထားသည်။

စက်ရုပ်တီထွင်အသုံးချမှုပညာရပ်ဆိုင်ရာ လုပ်ငန်းကဏ္ဍအတွက် လုပ်ငန်းလည်ပတ်မှုဝင်ငွေ၏ နှစ်စဉ်တိုးတက်မှုနှုန်းသည် ၂၀၂၅ ခုနှစ်တွင် ပျမ်းမျှအားဖြင့် ၂၀ ရာခိုင်နှုန်း ကျော်လွန်ရန် မျှော်လင့်ထားပြီး ထုတ်လုပ်မှုလုပ်ငန်းကဏ္ဍတွင် စက်ရုပ်သိပ်သည်းမှုသည် လက်ရှိအဆင့်မှ နှစ်ဆရှိလာမည် ဖြစ်ကြောင်း လမ်းညွှန်ချက်တွင် ဖော်ပြထားသည်။

နည်းပညာများနှင့် စက်ရုပ်လည်ပတ်မှုစနစ်များ ဖွံ့ဖြိုးတိုးတက်မှုတွင် ကတိပြုထားသည့် လမ်းညွှန်ချက်တွင် တရုတ်နိုင်ငံသည် ချမှတ်ထားသည့်ရည်မှန်းချက်များ အောင်မြင်စေရန် စက်မှုလုပ်ငန်းဆိုင်ရာ တီထွင်ဆန်းသစ်မှုအား အားပေးသွားမည် ဖြစ်ပြီး အသုံးချကျင့်သုံးမှုဖြစ်နိုင်ခြေများအား တိုးချဲ့သွားမည် ဖြစ်ကြောင်း သိရသည်။ (Xinhua)

——————————–
(English Version)
China to see breakthroughs in robotics by 2025
BEIJING, Dec. 28 (Xinhua) — China has pledged to achieve breakthroughs in core robotic technologies and related high-end products by 2025, according to a guideline released Tuesday.
The country will strive to become a global hub for robotics innovation by then, attaining the performance and reliability for key robot components to meet international standards, said the guideline jointly issued by state organs such as the Ministry of Industry and Information Technology.
For the robotics industry, the annual growth rate of its operating revenue is expected to exceed 20 percent on average by 2025, and the robot density in the manufacturing industry will double from the current level, the guideline said.
Vowing progress in developing technologies and robot operating systems, the guideline noted that the country will encourage industrial innovation and expand application scenarios to achieve the set targets. ■
Photo – Service robots dance during the World Robot Expo in Beijing, capital of China, Sept. 10, 2021. (Xinhua/Ren Chao)