တရုတ်ပညာသင်ဆုအစီအစဉ်က မြန်မာနိုင်ငံရှိ တက္ကသိုလ်ကျောင်းသား/ကျောင်းသူများအား အကျိုးပြု

ရန်ကုန်၊ ဒီဇင်ဘာ ၁၁ ရက် (ဆင်ဟွာ)

Bank of China (BOC)ပညာသင်ဆုနှင့် ထောက်ပံ့ကြေးအစီအစဉ်ကို ရန်ကုန်မြို့တွင် တရားဝင်စတင်ခဲ့ရာ ရန်ကုန်တက္ကသိုလ်ရှိ ကျောင်းသား/ကျောင်းသူ အယောက် ၁၀၀ အား အကျိုးပြုနိုင်ခဲ့သည်။မဝိုင်းသီရိအောင်သည် နိုင်ငံတကာဆက်ဆံရေးနှင့် နိုင်ငံရေးသိပ္ပံပညာအထူးပြုဘာသာရပ်တွင် တက်ရောက်ပညာသင်ကြားနေသည့် ပထမနှစ်ကျောင်းသူဖြစ်ပြီး ပညာသင်ဆုလက်ခံရရှိသော ကျောင်းသား/ကျောင်းသူ အယောက် ၁၀၀ အနက် တစ်ဦးဖြစ်သည်။

“ကျွန်မတို့ ပညာသင်ကြားဖို့ အခက်အခဲရှိနေတဲ့ အချိန်မှာ ဒီလိုပညာသင်ထောက်ပံ့ကြေးရလိုက်တဲ့အတွက် ဆက်လက်ပညာသင်ကြားဖို့ များစွာ အထောက်အကူဖြစ်စေပါတယ်” ဟု ၎င်းက ဆိုသည်။

ပညာသင်ထောက်ပံ့ကြေး ဆုပေးပွဲအခမ်းအနားတွင် မဝိုင်းသီရိအောင်က ကျောင်းသား/ကျောင်းသူများကိုယ်စား ကျေးဇူးတင်စကားပြောကြားခဲ့သည်။

Bank of China (BOC) ပညာသင်စရိတ်ထောက်ပံ့လှူဒါန်းခြင်း မိတ်ဆက်ပွဲနှင့် ပေးအပ်ခြင်းအခမ်းအနားကို ဒီဇင်ဘာ ၉ ရက်က ရန်ကုန်မြို့၌ ကျင်းပရာ ပါဝင်တက်ရောက်သူများ စုပေါင်းအမှတ်တရဓါတ်ပုံများ ရိုက်ကူးနေစဉ်(ဆင်ဟွာ)

“အခုရရှိတဲ့ ပညာသင်ထောက်ပံ့ငွေများကိုလည်း ကျွန်မတို့ရဲ့ ပညာသင်ကြားရေးမှာ အသုံးပြုပြီး ထူးချွန်ထက်မြက်တဲ့ ဘွဲ့ရပညာတတ်ကြီးဖြစ်အောင် ကြိုးစားသွားပါ့မယ်။ နိုင်ငံ့အကျိုးအတွက် ကိုယ်စွမ်းဉာဏ်စွမ်းရှိသမျှ အကျိုးပြုသွားပါ့မယ်” ဟု ၎င်းက ပြောကြားခဲ့သည်။

ရန်ကုန်တက္ကသိုလ် ဒုတိယ ပါမောက္ခချုပ် ဒေါ်ခင်ချစ်ချစ်ကလည်း Bank of China (BOC)၏ ပညာသင်ဆုနှင့်ပညာသင်ထောက်ပံ့ကြေးပေးအပ်ခြင်းအပေါ် ကျေးဇူးတင်စကား ပြောကြားခဲ့သည်။

လက်ရှိအချိန်မှာ ကိုဗစ်-၁၉ ရောဂါကြောင့် မြန်မာနိုင်ငံတစ်ဝန်းလုံးမှာ အခက်အခဲများစွာနှင့် ရင်ဆိုင်ခဲ့ရပြီး ရင်ဆိုင်နေရဆဲဖြစ်ကြောင်း ၎င်းက ဆိုသည်။

Bank of China (BOC) ပညာသင်စရိတ်ထောက်ပံ့လှူဒါန်းခြင်း မိတ်ဆက်ပွဲနှင့် ပေးအပ်ခြင်းအခမ်းအနားကို ဒီဇင်ဘာ ၉ ရက်က ရန်ကုန်မြို့၌ ကျင်းပရာ ပါဝင်တက်ရောက်သူများ စုပေါင်းအမှတ်တရဓါတ်ပုံများ ရိုက်ကူးနေစဉ်(ဆင်ဟွာ)

“ငွေကြေးအခက်အခဲများကြောင့် ပညာရေးဆုံးခန်းမတိုင်ခဲ့သော ကျောင်းသား/ကျောင်းသူများစွာ ရှိပါတယ်၊ ယခု ကျင်းပပြုလုပ်သော ပညာသင်စရိတ် ထောက်ပံ့လှူဒါန်းခြင်းလုပ်ငန်းစဉ်ဟာ ဆင်းရဲနွမ်းပါးတဲ့ ကျောင်းသား/ကျောင်းသူများစွာကို ပညာရေးဆုံးခန်းတိုင်အောင် အေးချမ်းစွာ ပညာသင်ယူနိုင်ရန်တွက် အင်မတန် အထောက်အပံ့ဖြစ်ပြီး များစွာ အကျိုးရှိစေပါတယ်”ဟု ၎င်းက ပြောကြားခဲ့သည်။

BOC ပညာသင်ဆုပေးပွဲခမ်းအနားကို ပူးတွဲကျင်းပပေးခဲ့သည့် တရုတ်နိုင်ငံ ဆင်းရဲနွမ်းပါးမှုလျှော့ချရေးဖောင်ဒေးရှင်း မြန်မာနိုင်ငံဆိုင်ရာရုံး (CFPA Myanmar Office)ကိုလည်း ကျေးဇူးတင်ရှိကြောင်း ရန်ကုန်တက္ကသိုလ် ဒုတိယ ပါမောက္ခချုပ် ဒေါ်ခင်ချစ်ချစ်က ပြောကြားခဲ့သည်။

တရုတ်နိုင်ငံ ဆင်းရဲနွမ်းပါးမှုလျှော့ချရေးဖောင်ဒေးရှင်း မြန်မာနိုင်ငံဆိုင်ရာရုံး (CFPA Myanmar Office)သည် ပေါက်ဖော် ပညာသင်ဆု စီမံကိန်း၊ တရုတ်-မြန်မာ ချစ်ကြည်ရေး ပညာသင်ဆု စီမံကိန်း၊ Panda Pack စီမံကိန်း နှင့် Smiling Children စီမံကိန်းအပါအဝင် စီမံကိန်း ၁၀ ခု ကျော်ကို အကောင်အထည်ဖော် ဆောင်ရွက်လျက်ရှိကြောင်း ပြောကြားခဲ့သည်။

အခမ်းအနားတွင် မြန်မာနိုင်ငံ ဗဟိုဘဏ် ဥက္ကဋ္ဌ ဒေါ်သန်းသန်းဆွေ အမှာစကားပြောကြားရာတွင် Bank of China (BOC)မှ မြန်မာနိုင်ငံ ပညာရေးကဏ္ဍကို ပံ့ပိုးပေးခြင်းအတွက် ဂုဏ်ယူဝမ်းမြောက်ကြောင်း ပြောကြားခဲ့သည်။

“ယခုလို Scholarship Programများဟာ Scholarship ရရှိသူရဲ့ ပညာရေးအတွက် တိုက်ရိုက် အကျိုးဖြစ်ထွန်း စေရုံသာမက မိသားစုတွေရဲ့ လူမှုစီးပွားနဲ့ တိုင်းပြည်ရဲ့ လူသားအရင်းအမြစ် ဖွံ့ဖြိုးတိုးတက်ရေးတို့အတွက်ပါ တစ်ဖက်တစ်လမ်းကနေ ပံ့ပိုးပေးနေတာပဲ ဖြစ်ပါတယ် ”ဟု ၎င်းက ပြောကြားခဲ့သည်။

မြန်မာနိုင်ငံဆိုင်ရာ တရုတ်နိုင်ငံ သံအမတ်ကြီး ချန်းဟိုင်က အခမ်းအနားအမှာစကားပြောကြားရာတွင် တရုတ်နိုင်ငံသည် မြန်မာကျောင်းသား/ကျောင်းသူများအတွက် ပညာသင်ဆု အစီအစဉ်များကို နည်းလမ်းအသွယ်သွယ်ဖြင့်ပေးအပ်၍ တရုတ်နိုင်ငံတွင် ပညာသင်ကြားရန် အခွင့်အလမ်းများပံ့ပိုးပေးပြီး စွမ်းရည်တည်ဆောက်မှုတိုးတက်ရေးအတွက် ကူညီဆောင်ရွက်ခဲ့ပါကြောင်း ပြောကြားခဲ့သည်။

သံအမတ်ကြီး ချန်းဟိုင်က တရုတ်နိုင်ငံသည် ပညာရေးနှင့်လူသားချင်းစာနာထောက်ထားမှုဆိုင်ရာကဏ္ဍများတွင် မြန်မာနိုင်ငံနှင့်အတူ ဆက်လက်ပူးပေါင်းဆောင်ရွက်သွားရန် အသင့်ရှိပြီး မြန်မာနိုင်ငံ တက္ကသိုလ်ကျောင်း၊ဌာနများနှင့် တရုတ်နိုင်ငံ နက်ရှိုင်းစွာ ပူးပေါင်းဆောင်ရွက်မှုကို အားပေးထောက်ခံသွားမည် ဖြစ်ကြောင်း ပြောကြားခဲ့သည်။

အခမ်းအနားကို Bank of China (BOC)နှင့် တရုတ်ကျေးလက်ဒေသဖွံ့ဖြိုးတိုးတက်ရေးဖောင်ဒေးရှင်းတို့၏ အကြီးတန်းအမှုဆောင်အရာရှိများက ပေကျင်းနှင့်ဟောင်ကောင်တို့မှ ဗွီဒီယိုလင့်ခ်ဖြင့် အသီးသီးတက်ရောက်ခဲ့ကြကြောင်း သိရသည်။

BOC အစီအစဉ်သည် လာမည့် လေးနှစ်အတွင်း ရန်ကုန် တက္ကသိုလ်မှ ကျောင်းသူ/ကျောင်းသား အယောက် (၁၀၀) အား ပညာသင်ဆုနှင့် ပညာသင် ထောက်ပံ့ကြေးများ ပေးအပ်သွားမည် ဖြစ်ကြောင်း သိရသည်။（Xinhua）

#ChineseScholarship #MyanmarStudents #Xinhua #XinhuaMyanmar #တရုတ်ပညာသင်ဆု #မြန်မာကျောင်းသားများ #ဆင်ဟွာ

——————————–
Roundup: Chinese scholarship program benefits university students in Myanmar
2022-12-10 23:02:41 分类： 教育
YANGON, Dec. 10 (Xinhua) — The Bank of China (BOC) scholarships and grants program has been officially launched in Myanmar’s commercial city of Yangon, benefiting 100 students of the University of Yangon.
Wine Thiri Aung, a freshman in international relations and political science, is one of the 100 scholarship recipients.
“In times of difficulties for our studies, the grants we received now are greatly helpful for us to continue our studies,” she said.
On behalf of her fellow students, Wine expressed thanks to the BOC for providing the grants at the scholarship launching ceremony.
“We will use the grants for our education, and we will strive to become outstanding persons,” she said, adding that they will try hard to contribute to Myanmar’s development.
Khin Chit Chit, prorector of the University of Yangon, also delivered words of thanks to the BOC for providing the scholarships and grants.
Currently, there are many difficulties arising across Myanmar due to the COVID-19 pandemic, she said.
“There were many students who didn’t continue their studies due to financial difficulties,” she said. “The scholarships program is greatly helpful for poor students to continue their studies until completion.”
She also thanked the China Foundation for Poverty Alleviation (CFPA) Myanmar Office for jointly organizing the BOC scholarships launching ceremony, saying the office is implementing more than 10 projects, including the Paukphaw scholarship program, the China-Myanmar friendship award program, the panda pack project, and the smiling children project.
Speaking at the event, Than Than Swe, governor of the Central Bank of Myanmar (CBM), expressed thanks to the BOC for its contribution to Myanmar’s education sector.
“The scholarship program not only directly benefits the recipients but also indirectly benefits their families and social economics and human resources development of the country,” the CBM governor said.
Addressing the ceremony, Chinese Ambassador to Myanmar Chen Hai said China has provided scholarship programs for Myanmar students via various channels and opportunities to study in China, helping the Southeast Asian country build its talent pools for further development.
China stands ready to continue cooperation with Myanmar in education and humanitarian fields, and supports Myanmar universities and institutions in deepening cooperation with their Chinese counterparts, the ambassador said.
Senior executive officers from the BOC and the China Foundation for Rural Development also joined the event via video link from Beijing and Hong Kong respectively.
The BOC program provides financial assistance to 100 students from the University of Yangon every year through scholarships and grants for the next four years. Enditem

1. YANGON, Dec. 10, 2022 (Xinhua) — Chinese Ambassador to Myanmar Chen Hai speaks at the Bank of China (BOC) Scholarship Program Launch and Distribution Ceremony in Yangon, Myanmar, Dec. 9, 2022.
2. YANGON, Dec. 10, 2022 (Xinhua) — Participants pose for a group photo at the Bank of China (BOC) Scholarship Program Launch and Distribution Ceremony in Yangon, Myanmar, Dec. 9, 2022.