လောင်စာဆီဈေးနှုန်းများ မြင့်တက်ခြင်းကြောင့် ကမ္ဘောဒီးယားမြို့တော်ရှိ ပြည်သူများအား အများသုံးသယ်ယူပို့ဆောင်ရေး အသုံးပြုရန် တွန်းအားဖြစ်စေ

ဖနွမ်းပင်၊ ဧပြီ ၂၉ ရက် (ဆင်ဟွာ)

ကမ္ဘောဒီးယားနိုင်ငံ မြို့တော်ရှိ ပြည်သူများစွာသည် ရုရှား-ယူကရိန်း ပဋိပက္ခဖြစ်ပွားချိန်မှစ၍ ရေနံဈေးနှုန်းများ မြင့်တက်လာခဲ့သဖြင့် အများပြည်သူဆိုင်ရာ သယ်ယူပို့ဆောင်ရေးကို ပြောင်းလဲအသုံးပြုလျက်ရှိကြောင်း သိရသည်။

ဧပြီ ၂၈ ရက်တွင် ပုံမှန် ဓာတ်ဆီဈေးနှုန်းမှာ တစ်လီတာလျှင် ရီရယ် ၅,၁၅၀ (အမေရိကန်ဒေါ်လာ ၁.၂၇) ရှိကြောင်း၊ ဒီဇယ်ဈေးနှုန်းမှာမူ ရီရယ် ၅,၅၀၀ (အမေရိကန်ဒေါ်လာ ၁.၃၆) ရှိကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ရေနံဈေးနှုန်းစာရင်းအရ သိရသည်။

ပုံမှန် ဓာတ်ဆီနှင့် ဒီဇယ်ဈေးနှုန်းများမှာ ဖေဖော်ဝါရီလလယ်ပိုင်းက ဈေးနှုန်းများနှင့် နှိုင်းယှဉ်ပါက ၉.၅ ရာခိုင်နှုန်းနှင့် ၂၃.၅ ရာခိုင်နှုန်း အသီးသီး မြင့်တက်ခဲ့ကြောင်း ကိန်းဂဏန်းများက ညွှန်ပြထားကြောင်း သိရသည်။

ဖနွမ်းပင်မြို့ ဘတ်စ်ကား အာဏာပိုင်အဖွဲ့မှ ယာဉ်မောင်းတစ်ဦးဖြစ်သူ အသက် ၄၉ နှစ်အရွယ် Suon Sam Ath က ခရီးသွားလာသူ အထူးသဖြင့် ကျောင်းသူ၊ ကျောင်းသားများက တစ်ကိုယ်ရေ လောင်စာဆီကုန်ကျစရိတ် သက်သာစေရန် အများပြည်သူဆိုင်ရာ သယ်ယူပို့ဆောင်ရေး ဘတ်စ်ကားဝန်ဆောင်မှုများကို ပြောင်းလဲအသုံးပြုလျက်ရှိကြောင်း ပြောခဲ့သည်။

“ခရီးစဉ်တစ်ခုစီတိုင်းမှာ ပုံမှန်အချိန်နဲ့ အလုပ်သွား၊ အလုပ်ပြန်အချိန်တွေပေါ်မူတည်ပြီးတော့ ခရီးသည် ၃၀ နဲ့ အထက်လောက်မှာရှိတယ်။ စီးနင်းမှုအရေအတွက် သိသိသာသာ များလာတဲ့သဘောပေါ့။ အရင်ကတော့ တစ်ခါတလေ ခရီးသည်တစ်ဦး ဒါမှမဟုတ် တစ်ခါတစ်ရံဆိုရင် ခရီးသည်တစ်ယောက်မှတောင် မပါလာဘူး” ဟု ၎င်းက ဆင်ဟွာသို့ ပြောခဲ့သည်။

အသက် ၂၃ နှစ်အရွယ် တက္ကသိုလ်ကျောင်းသား Eam Savuth ကလည်း လောင်စာဆီဈေးနှုန်းများ မြင့်တက်လာပြီးနောက် မကြာသေးမီက မြို့တော်ဘတ်စ်ကားဝန်ဆောင်မှုကို ပြောင်းလဲအသုံးပြုခဲ့သည်ဟု ဆိုသည်။

“ကျွန်တော် မြို့တော်ဘတ်စ်ကားနဲ့ ခရီးသွားတယ်။ ဘာလို့လဲဆိုတော့ အဲဒါက ကျွန်တော့်အသုံးစရိတ်တွေကို လျှော့ချပေးနိုင်လို့ပါပဲ။ ပြီးတော့ အားလုံးသိကြတဲ့အတိုင်းပဲ ဓာတ်ဆီဈေးနှုန်းတွေကလည်း အခု အရမ်းကိုမြင့်တက်နေတယ်လေ” ဟု ၎င်းက ဆင်ဟွာသို့ ပြောခဲ့သည်။ “မြို့တော်ဘတ်စ်ကားကို စီးတဲ့ကုန်ကျစရိတ်က ခရီးစဉ်တစ်ကြောင်းကို ရီရယ် ၁,၅၀၀ (အမေရိကန်ဒေါ်လာ ၀.၃၇ ဆင့် (cents)) လောက်သာကုန်ကျပါတယ်။ ပြီးတော့ လေအေးပေးစက်ကလည်း တော်တော်လေးကောင်းတော့ သက်သောင့်သက်သာဖြစ်စေတယ်လေ”

“တကယ်လို့ ကျွန်တော်တို့ ဆိုင်ကယ်စီးမယ်ဆိုရင် မိုးရွာတဲ့အခါ ပူအိုက်ပြီး ရေစိုနေတာ။ ပြီးတော့ ကုန်ကျစရိတ်လည်းပါတယ်” ဟု Savuth က ဆိုသည်။

ထို့ပြင် အသက် ၄၃ နှစ်အရွယ် အိမ်ရှင်မတစ်ဦးဖြစ်သော Sok Savoeun က မြို့တော်ဘတ်စ်ကားနှင့် ခရီးသွားရသည်မှာ ငွေကြေးနည်းနည်းဖြင့် ဘေးကင်းစိတ်ချရမှုလည်းရှိကြောင်း ပြောခဲ့သည်။

“အကယ်၌ ကျွန်မတို့ ကိုယ်ပိုင်ကား ဒါမှမဟုတ် ဆိုင်ကယ်တွေစီးမယ်ဆိုရင် ဓာတ်ဆီတွေလည်း အများကြီး ကုန်တာပေါ့” ဟု ၎င်းက ဆင်ဟွာသို့ ပြောခဲ့သည်။ “(ခရီးစဉ်တစ်ကြောင်းတည်းအတွက်ကိုပဲ) ရီရယ် ၁,၅၀၀ (အမေရိကန်ဒေါ်လာ ၀.၃၇ ဆင့်) ကုန်ကျပြီးတော့ ကျွန်မက ကားငှားသွားမယ်ဆိုရင်တော့ ရီရယ် ၃၀,၀၀၀ (အမေရိကန်ဒေါ်လာ ၇.၅) ကနေ ၅၀,၀၀၀ (အမေရိကန်ဒေါ်လာ ၁၂.၅) ကြား ကုန်ကျမှာပါ”

မြို့တော် ဘတ်စ်ကားဝန်ဆောင်မှုအား ကိုဗစ်-၁၉ ကပ်ရောဂါကြောင့် နှစ်နှစ်နီးပါးကြာ ရပ်နားထားပြီးနောက် ယမန်နှစ် နိုဝင်ဘာလမှစ၍ ပြန်လည်ပြေးဆွဲခဲ့ခြင်းဖြစ်သည်။ ခရီးသည်များအတွက် ဝန်ဆောင်မှုပေးနေသော မြို့တော်ဘတ်စ်ကားများ၌ ၂၀၁၇ ခုနှစ် ဇူလိုင်လက ကမ္ဘောဒီးယားနိုင်ငံသို့ တရုတ်နိုင်ငံ အစိုးရက လှူဒါန်းထားသည့် Yutong “smart” ဘတ်စ်ကား ၉၈ စီး ပါဝင်ကြောင်း သိရသည်။ (Xinhua)

………………………………………
(English Version)

Rising fuel prices push people in Cambodian capital to use public transport
2022-04-29 09:22:08

PHNOM PENH, April 29 (Xinhua) — Many people here in the capital city of Cambodia have shifted to using public transport as oil prices have soared since the Russia-Ukraine conflict burst out.
Regular gasoline cost 5,150 riel (1.27 U.S. dollars) per liter on Thursday, while diesel cost 5,500 riel (1.36 dollars), according to the Ministry of Commerce’s oil price list.
The figures indicated that the prices of regular petrol and diesel rose 9.5 percent and 23.5 percent respectively compared to the prices dated in mid-February.
Suon Sam Ath, a 49-year-old driver for the Phnom Penh City Bus Authority, said many commuters, particularly students, have switched to using public bus services to save on personal fuel costs.
“In each trip, there are about 30 passengers or over, depending on rush or normal hours, so it means that the ridership has remarkably increased,” he told Xinhua. “Previously, sometimes, there was only one passenger or sometimes, there wasn’t even a passenger.”
Eam Savuth, a 23-year-old university student, said he had shifted to using city bus services recently after fuel prices have hiked.
“I travel by city bus because it helps reduce my expense, as we all know gasoline prices have currently skyrocketed,” he told Xinhua. “Riding city bus costs only 1,500 riel (0.37 U.S. cents) for a single trip, and it’s comfortable because the air-cons are pretty good.”
“If we ride a motorcycle, it’s hot and wet when there is rain, and it also costs a lot,” Savuth said.
Sok Savoeun, a 43-year-old housewife, said that traveling by city bus costs little money and is safe.
“If we use our own car or motorcycle, it consumes a lot of gasoline,” she told Xinhua. “It costs 1,500 riel (0.37 U.S. cents) only (for a single trip), and if I take a motor-taxi, it costs from 30,000 riel (7.5 dollars) to 50,000 riel (12.5 dollars).”
The city bus services have resumed their operation since November last year after a nearly two-year hiatus due to the COVID-19 pandemic. City buses used to serve passengers are among the 98 Yutong “smart” buses that the Chinese government donated to Cambodia in July 2017. Enditem
Photo : A Chinese ‘smart bus’ drives on a street in Phnom Penh, the Cambodian capital. The bus is equipped with an intelligent management system, air-conditioning and is capable of carrying 80 passengers. (Xinhua News Agency)