Connect with us

China

တရုတ်-ရုရှား စီးပွားရေးဖိုရမ်သို့ တရုတ်နိုင်ငံ ဝန်ကြီးချုပ် ဂုဏ်ပြုသဝဏ်လွှာပေးပို့

တရုတ်နိုင်ငံ မြို့တော် ပေကျင်းရှိ ပြည်သူ့ခန်းမဆောင်ကြီးတွင် ၁၄ ကြိမ်မြောက် တရုတ်ပြည်လုံးဆိုင်ရာ ပြည်သူ့ကွန်ဂရက် ပထမအကြိမ်အစည်းအဝေး ပိတ်ပွဲအခမ်းအနားပြီးနောက် သတင်းစာရှင်းလင်းပွဲတက်ရောက်နေသော ဝန်ကြီးချုပ် လီချန်ကို ၂၀၂၃ ခုနှစ် မတ် ၁၃ ရက်က တွေ့ရစဉ် (ဆင်ဟွာ)

ပေကျင်း၊ မေ ၂၄ ရက် (ဆင်ဟွာ)

တရုတ်နိုင်ငံ ဝန်ကြီးချုပ် လီချန်သည် တရုတ်-ရုရှား စီးပွားရေးဖိုရမ်သို့ ဂုဏ်ပြုသဝဏ်လွှာတစ်စောင် မေ ၂၃ ရက်က ပေးပို့ခဲ့ကြောင်း သိရသည်။

အဆိုပါဖိုရမ်သည် နှစ်နိုင်ငံ ခေါင်းဆောင်များ ရရှိခဲ့သော သဘောတူညီချက်များ အကောင်အထည်ဖော်ရေး အရေးပါသော ဆောင်ရွက်ချက်ဖြစ်ကြောင်း လီက ပြောခဲ့ပြီး တရုတ်နိုင်ငံအနေဖြင့် ရုရှားနိုင်ငံ အပါအဝင် အခြားသောနိုင်ငံများနှင့် အပြန်အလှန်အကျိုးရှိသော ပူးပေါင်းဆောင်ရွက်မှု အားကောင်းရန်၊ ပွင့်လင်းသော ကမ္ဘာ့စီးပွားရေးတစ်ခု တည်ဆောက်ရန်၊ အရည်အသွေးမြင့်မားသော ရပ်ဝန်းနှင့် ပိုးလမ်းမ ပူးပေါင်းဆောင်ရွက်မှု ထပ်မံမြှင့်တင်ရန်နှင့် ကမ္ဘာ့စီးပွားရေးအတွင်း ပိုမိုသေချာမှုရှိသော တွန်းအားများ ဖြည့်တင်းရန် ဆန္ဒရှိကြောင်းလည်း ဖြည့်စွက်ပြောကြားခဲ့သည်။

ထို့ပြင် ဝန်ကြီးချုပ် လီက တရုတ်နိုင်ငံအနေဖြင့် ရုရှားနိုင်ငံနှင့်အတူ စီးပွားရေးနှင့် ကုန်သွယ်ရေး ကူးလူးဖလှယ်မှုများ တိုးချဲ့လိုကြောင်းနှင့် အရည်အသွေးရော အရေအတွက်ပါရှိသည့် ပူးပေါင်းဆောင်ရွက်မှုမြှင့်တင်ရန် သဝဏ်လွှာထဲ၌ ပြောကြားခဲ့ပြီး ၎င်းဖိုရမ်က ကူးလူးဆက်ဆံမှုများနှင့် ပူးပေါင်းဆောင်ရွက်မှု အားကောင်းလာစေရန် နှစ်နိုင်ငံ စီးပွားရေးအဝန်းအဝိုင်းအတွက် ကောင်းမွန်သော ပလက်ဖောင်းတစ်ခု ပံ့ပိုးပေးလျက်ရှိကြောင်း ဖြည့်စွက်ပြောကြားခဲ့သည်။

နှစ်နိုင်ငံ စီးပွားရေးလုပ်ငန်းများအနေဖြင့်လည်း ၎င်းတို့၏လိုအပ်ချက်များအရ အလားအလာရှိသော ပူးပေါင်းဆောင်ရွက်မှုကို ဖော်ထုတ်သွားမည်ဖြစ်ကြောင်းနှင့် နှစ်နိုင်ငံ လက်တွေ့ကျသော ပူးပေါင်းဆောင်ရွက်မှုထံ အကြောင်းအရာသစ်၊ စိတ်ဝင်စားဖွယ်ရာများနှင့် တက်ကြွမှုများကို ဖြည့်စွက်သွားမည်ဟု မျှော်လင့်ကြောင်း သဝဏ်လွှာ၌ ဖော်ပြထားသည်။ (Xinhua)

………………………………
(English Version)
Chinese premier sends congratulatory letter to China-Russia business forum

BEIJING, May 23 (Xinhua) — Chinese Premier Li Qiang on Tuesday sent a congratulatory letter to the China-Russia business forum.
Noting this forum is an important measure to implement the consensus reached by the two heads of state, Li said China is willing to strengthen mutually beneficial cooperation with other countries, including Russia, build an open world economy, further promote high-quality Belt and Road cooperation, and inject more certainty and impetus into the global economy.
China is willing to expand economic and trade exchanges with Russia and promote cooperation in both quantity and quality, Li said in the letter, adding that this forum provides a good platform for the business circles of the two countries to strengthen exchanges and cooperation.
It is hoped that entrepreneurs of the two countries will tap the potential of cooperation according to their needs, and add new content, highlights and vitality to the pragmatic cooperation between the two countries, he said.
Photo: Chinese Premier Li Qiang meets the press after the closing of the first session of the 14th National People’s Congress (NPC) at the Great Hall of the People in Beijing, capital of China, March 13, 2023. (Xinhua/Chen Jianli)