အာဆီယံ ပြည်သူ့ဖိုရမ် ၂၀၁၅ ကို မလေးရှားနိုင်ငံတွင် ကျင်းပမည်

ရန်ကုန်၊ ဖေဖော်ဝါရီ ၁၉ ရက် (ဆင်ဟွာ)

အာဆီယံ ပြည်သူ့ဖိုရမ် ၂၀၁၅ ကို မလေးရှားနိုင်ငံ ကွာလာလမ်ပူမြို့တွင် ဧပြီလ ၂၁ ရက်မှ ၂၄ ရက်အတွင်း ကျင်းပမည်ဖြစ်ကြောင်း ဖိုရမ်ကျင်းပရေးကော်မတီက ထုတ်ပြန်သည်။

အာဆီယံ အရပ်ဖက် လူ့အဖွဲ့အစည်းများ ညီလာခံ/ အာဆီယံ လူထုဖိုရမ်ကို တရားဝင်အာဆီယံ ညီလာခံနှင့် အပြိုင် လွတ်လပ်စွာ စီစဉ်ကျင်းပမည်ဖြစ်ပြီး အာဆီယံဒေသရှိ အရပ်ဖက် လူမှုအဖွဲ့အစည်း ရာပေါင်းများစွာ အတူတကွ တွေ့ဆုံစည်း၍ သတ်ဆိုင်ရာ လူထုအသိုင်းအဝိုင်း ရေးရာများကို ကိုယ်စားပြု ဆွေးနွေးတင်ပြ ကြမည်ဖြစ်သည်။

၂၀၁၄ ခုနှစ် မြန်မာ အရပ်ဖက်လူ့အဖွဲ့အစည်းပေါင်း (၇၀) ကျော် ပါဝင်လျှက်ရှိသော အာဆီယံ အရပ်ဖက် လူ့အဖွဲ့အစည်းများ ညီလာခံ/ အာဆီယံ လူထုဖိုရမ်တွင် နိုင်ငံတော် အဆင့်ဆိုင်ရာ ကိစ္စရပ်များအတွက် မူဝါဒ နှင့် ဆုံးဖြတ်ချက်များ ချမှတ်နိုင်ခဲ့သည်၊

၂၀၁၃ ခုနှစ် မတ်လတွင် ဘရူနိုင်းနိုင်ငံ၌ ကျင်းပသည့် အာဆီယံ အရပ်ဖက်လူ့အဖွဲ့အစည်းများ ညီလာခံ/ အာဆီယံ လူထုဖိုရမ်ကို မြန်မာလူထုဖိုရမ်၊ NGO GG၊ အမျိုးသမီးများ အဖွဲ့ချုပ်(မြန်မာ) တို့ တက်ရောက်ခဲ့သည်။

၂၀၀၅ ခုနှစ် မလေးရှားနိုင်ငံမှ စတင်ပြီး အာဆီယံဒေသတွင်းရှိ ဒေသများအားလုံးမှ အရပ်ဖက် လူမှုအဖွဲ့အစည်းများ၏ အသံများကို စုစည်းတင်ပြနိုင်ရန် ဒီဖိုရမ်ကို ကျင်းပခဲ့ခြင်းဖြစ်သည်။ (Xinhua)