Local
အပြည်ပြည်ဆိုင်ရာ ငွေကြေးအဖွဲ့အစည်းက ပုဂ္ဂလိကလုပ်ငန်းများအား အမေရိကန်ဒေါ်လာ တစ်ဘီလီယံ ထုတ်ချေးပေးမည်
ရန်ကုန်၊ ဇန်နဝါရီ ၁၈ ရက် (ဆင်ဟွာ)
အပြည်ပြည်ဆိုင်ရာငွေကြေးအဖွဲ့အစည်း (IFC) က ပြည်တွင်းရှိ ပုဂ္ဂလိကလုပ်ငန်းများဖြစ်သော ဟို တယ်လုပ်ငန်း၊ လျှပ်စစ် ဓာတ်အားပေးရေး၊ စွမ်းအင်ဆိုင်ရာ လုပ်ငန်းများနှင့် လမ်းတံတားအပါအဝင် အခြေခံအဆောက်အအုံ လုပ်ငန်းများအတွက် သုံးနှစ်အတွင်း အမေရိကန်ဒေါ်လာ တစ်ဘီလီယံ ထုတ်ချေးပေးမည်ဖြစ်ကြောင်း IFC ၏ အာရှပစိဖိတ်ဒေသ ဆိုင်ရာ ဒါရိုက်တာကပြောသည်။
အဆိုပါ ချေးငွေများအား ပုဂ္ဂလိကလုပ်ငန်း များကိုသာ ပေးအပ်မည်ဖြစ်ပြီး စီးပွားရေး လုပ်ငန်းဖွံ့ဖြိုးမှုအလားအလာရှိသည့် လုပ်ငန်းများအား ဦးစားပေးထုတ်ချေးမည်ဖြစ်ကာ အတိုး နှုန်း သတ်မှတ်ချက်များမှာ အဖွဲ့အစည်း နှင့် လုပ်ငန်းရှင်များအကြားလျှို့ဝှက်ချက် ဖြစ်ကြောင်း IFC ၏ အာရှပစိဖိတ်ဒေသ ဆိုင်ရာ ဒါရိုက်တာကဆိုသည်။
အပြည်ပြည်ဆိုင်ရာ ငွေကြေးအဖွဲ့အစည်း IFC သည် ဇန်နဝါရီ ၁၁ ရက်တွင် ပြည်တွင်း ရှိ ကုမ္ပဏီကြီးတစ်ခုကို စတိုးဆိုင်ကြီးများ ဖွင့်လှစ်ရန် အမေရိကန်ဒေါ်လာ ၂၅ သန်း ချေးပေးခဲ့ပြီး မြန်မာနိုင်ငံ၏ လက်လီ အရောင်းဈေးကွက် ဖွံ့ဖြိုးရန် ရည်ရွယ်ထား ကြောင်း သိရသည်။ (Xinhua)