တရုတ်-အာဆီယံ ကြက်တောင်ပြိုင်ပွဲအား ကွမ်ရှီးက အိမ်ရှင်အဖြစ် လက်ခံကျင်းပမည်

နန်နင်း၊ တရုတ်၊ အောက်တိုဘာ ၃ ရက် (ဆင်ဟွာ)

ပထမအကြိမ် တရုတ်-အာဆီယံ ကြက်တောင် တံခွန်စိုက်ပြိုင်ပွဲအား တရုတ်နိုင်ငံ တောင်ပိုင်း ကွမ်ရှီးကျွမ်း ကိုယ်ပိုင် အုပ်ချုပ်ခွင့်ရဒေသ မြို့တော် နန်နင်းတွင် အောက်တိုဘာလ ၇ ရက်မှ ၈ ရက်အထိ ကျင်းပသွားမည် ဖြစ်ကြောင်း သိရသည်။

၂၀၁၉ ခုနှစ် Sudirman Cup အိမ်ရှင်မြို့ ဖြစ်သည့်အားလျော်စွာ နန်နင်းမြို့သည် ပရိသတ်များအတွက် အံဖွယ် အတွေ့အကြုံများ အကောင်းဆုံး ပေးစွမ်းနိုင်ရန် ကြိုးပမ်းသွားမည် ဖြစ်ကြောင်း ပွဲဖြစ်မြောက်ရေး စီစဉ်သူများက ဆိုသည်။

ပြိုင်ပွဲ၌ ကွမ်ရှီးနှင့်အတူ အင်ဒိုနီးရှား၊ မလေးရှားနှင့် ထိုင်း စသော အာဆီယံ နိုင်ငံများမှ အသင်း ၆ သင်းက ဝင်ရောက်ယှဉ်ပြိုင်မည် ဖြစ်ပြီး ပြိုင်ပွဲများအား Sudirman Cup ပုံစံအတိုင်း ပြုလုပ်မည် ဖြစ်သည်။ အသင်း ၆ သင်းအား အုပ်စု နှစ်စုခွဲထားမည်ဖြစ်ပြီး အုပ်စု တစ်စုဆီမှ ထိပ်ဆုံး အသင်း နှစ်သင်းမှ ရှုံးထွက်အဖြစ် ယှဉ်ပြိုင်ရမည် ဖြစ်သည်။

ပါဝင် ယှဉ်ပြိုင်သူများအနက် လူသိအများဆုံး အားကစားသမားမှာ ၂၀၀၈ ခုနှစ် ပေကျင်း အိုလံပစ်ပွဲ ရွှေတံဆိပ်ဆုရှင် အင်ဒိုနီးရှားနိုင်ငံမှ Markis Ki do ဖြစ်ကြောင်း သိရသည်။ (Xinhua)