Connect with us

CHINA

တရုတ်နိုင်ငံအနေဖြင့် WHO နှင့် နီးကပ်စွာပူးပေါင်းဆောင်ရွက်မှုကို ထိန်းသိမ်းထားလျက်ရှိကြောင်း နိုင်ငံခြားရေးဝန်ကြီးဌာနပြောရေးဆိုခွင့်ရှိသူပြော

ဆွစ်ဇာလန်နိုင်ငံ ဂျီနီဗာမြို့ရှိ ကမ္ဘာ့ကျန်းမာရေးအဖွဲ့ (WHO) ရုံးချုပ်ကို တွေ့ရစဉ် (ဆင်ဟွာ)

ပေကျင်း၊ ဇန်နဝါရီ ၇ ရက် (ဆင်ဟွာ) ဘာသာပြန် – ခေါန်ရိန်

COVID-19 ဗိုင်းရပ်စ်၏ မူလအရင်းအမြစ်ကို ခြေရာခံရေး ပူးပေါင်းဆောင်ရွက်မှုအတွက် ကမ္ဘာ့ကျန်းမာရေးအဖွဲ့ (WHO) မှ ကျွမ်းကျင်ပညာရှင်၏ တရုတ်နိုင်ငံခရီးစဉ်အပေါ် တရုတ်နိုင်ငံအနေဖြင့် အပြုသဘောဆောင်ပြီး ကောင်းမွန်သောသဘောထားဖြင့် တရုတ်နိုင်ငံက WHO နှင့် အနီးကပ်ဆက်ဆံရေးကို ထိန်းသိမ်းထားလျက်ရှိကြောင်း နိုင်ငံခြားရေးဝန်ကြီးဌာနမှပြောရေးဆိုခွင့်ရှိသူက ပြောကြားခဲ့သည်။

WHO ကျွမ်းကျင်ပညာရှင်များက COVID-19 ၏ မူလအရင်းအမြစ်နှင့် ဆက်စပ်သော လုပ်ငန်းစဉ်အတွက် တရုတ်နိုင်ငံသို့ ဝင်ရောက်ရန် စောင့်ဆိုင်းနေမှုနှင့်ပတ်သက်၍ နေ့စဉ် သတင်းစာရှင်းလင်းပွဲအတွင်း မေးမြန်းမှုအပေါ် တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဟွာချွမ်းရင်က အထက်ပါအတိုင်း မှတ်ချက်ပြုခဲ့ခြင်းဖြစ်သည်။

“တရုတ်နိုင်ငံအနေနဲ့ WHO နဲ့အတူ ရောဂါ၏မူလအရင်းအမြစ် ခြေရာခံခြင်းဆိုင်ရာ နိုင်ငံတကာ သုတေသနဆောင်ရွက်မှု မြှင့်တင်ရန် ရည်ရွယ်ချက်ဖြင့် ရောဂါမူလအရင်းအမြစ် ခြေရာခံခြင်း သိပ္ပံနည်းကျ ပူးပေါင်းဆောင်ရွက်မှု လုပ်ဆောင်ရေးမှာ အမြဲတစေ ပွင့်လင်းမြင်သာမှုရှိရှိ တာဝန်သိစိတ်တွေနဲ့ ဦးစီးဆောင်ရွက်လျက်ရှိပါတယ်” ဟု ဟွာက ဆိုသည်။

တရုတ်နိုင်ငံတွင် ကြောက်မက်ဖွယ် ပြည်တွင်းကူးစက်ရောဂါ ကာကွယ်ရေးနှင့် ထိန်းချုပ်ရေး လုပ်ငန်းများ ရင်ဆိုင်ခဲ့ရချိန် ပြီးခဲ့သည့်နှစ် ဖေဖော်ဝါရီနှင့် ဇူလိုင်လများတွင် တရုတ်နိုင်ငံအနေဖြင့် ရောဂါမူလအရင်းအမြစ်ခြေရာခံရေး ပူးပေါင်းဆောင်ရွက်မှု လုပ်ဆောင်ရန်နှင့် ရောဂါအရင်းအမြစ် ခြေရာခံခြင်းဆိုင်ရာ ကမ္ဘာ့သိပ္ပံနည်းကျ ပူးပေါင်းဆောင်ရွက်မှု၏ တရုတ်နိုင်ငံ အပိုင်းကို ဖော်ထုတ်ရန် WHO မှ ကျွမ်းကျင်သူများကို တရုတ်နိုင်ငံသို့ နှစ်ကြိမ်တိုင် ဖိတ်ခေါ်ခဲ့ကြောင်း ဟွာက ဆိုသည်။

ထို့ပြင် ပြီးခဲ့သည့်နှစ် အောက်တိုဘာက တရုတ်နိုင်ငံသည် နိုင်ငံတကာ ကျွမ်းကျင်သူများအဖွဲ့ဝင်များနှင့် သဘောတူညီမှု ရရှိခဲ့သလို ထိုအချိန်မှစ၍ နှစ်ဘက် ကျွမ်းကျင်သူများသည် မကြာခဏ ဆက်သွယ်မှုများ ရှိခဲ့ကြောင်း ဟွာက ဖြည့်စွက်ပြောခဲ့သည်။

ကမ္ဘာ့ကပ်ရောဂါအခြေအနေသည် လွန်စွာမှပင် စိုးရိမ်ဖွယ်ရှိနေဆဲဖြစ်ကြောင်း၊ တရုတ်နိုင်ငံသည်လည်း ကူးစက်ရောဂါ ကာကွယ်ရေးနှင့် ထိန်းချုပ်ရေး ကြိုးပမ်းအားထုတ်မှုတိုင်းကို ဆောင်ရွက်လျက်ရှိကြောင်းလည်း ဟွာက ပြောခဲ့သည်။

“သို့သော်ငြားလည်း နိုင်ငံတကာ ကူးစက်ရောဂါတိုက်ဖျက်ရေး ပူးပေါင်းဆောင်ရွက်မှုကို ပံ့ပိုးရန်အလို့ငှာ တရုတ်နိုင်ငံက အခက်အခဲများကို ကျော်လွှားခဲ့ပြီး ပြင်ဆင်မှုများကို အရှိန်မြှင့်တင်လျက် နိုင်ငံတကာ ကျွမ်းကျင်သူများအဖွဲ့ တရုတ်နိုင်ငံသို့ လာရောက်နိုင်ရေးအတွက် သင့်တင့်လျောက်ပတ်သော အခြေအနေများကို အကောင်းမွန်ဆုံး ဖန်တီးပေးရန် ကြိုးပမ်းခဲ့ပါတယ်။ ဒါကိုလည်း WHO က ရှင်းရှင်းလင်းသိထားပြီးဖြစ်ပါတယ်” ဟု ဟွာကဆိုသည်။

ရောဂါခြေရာခံခြင်း ကိစ္စရပ်သည် လွန်စွာမှ ခက်ခဲရှုပ်ထွေးကြောင်း၊ တရုတ်နိုင်ငံတွင် နိုင်ငံတကာ ကျွမ်းကျင်ပညာရှင်အဖွဲ့၏ လုပ်ငန်းဆောင်ရွက်မှု ချောမွေ့မှုရှိစေရန်အတွက် လိုအပ်သောလုပ်ငန်းစဉ်များ ဖြည့်ဆည်းဆောင်ရွက်သွားမည်ဖြစ်သလို ဆက်စပ်တဲ့အသေးစိတ် အစီအစဉ်များကိုလည်း လုပ်ဆောင်သွားမည်ဖြစ်ကြောင်း၊ “လက်ရှိမှာ နှစ်ဘက်လုံးက ဒီကိစ္စအပေါ် ဆွေးနွေးညှိနှိုင်းနေကြဆဲဖြစ်ပါတယ်” ဟု ဟွာက ပြောကြားခဲ့သည်။

“ကျွန်မသိသလောက်ပြောရရင်တော့ နှစ်ဘက်လုံးက နိုင်ငံတကာ ကျွမ်းကျင်ပညာရှင်တွေ တရုတ်နိုင်ငံဆီ လာရောက်ရေးအတွက် တိကျတဲ့ ရက်စွဲနဲ့ အစီအစဉ်တွေကို အနီးကပ်ဆွေးနွေးနေကြတုန်းပါ။ နှစ်ဘက်ကြားမှာ ဆက်သွယ်မှုတွေကတစ်ဆင့် ဖြစ်နိုင်သမျှမြန်မြန် အစီအစဉ်တွေ အဆုံးသတ်နိုင်ဖို့ ကျွန်မမျှော်လင့်ပါတယ်” ဟု ဟွာက ဖြည့်စွက်ပြောကြားခဲ့သည်။(Xinhua)
—————————————-
(English Version)

China has been maintaining close cooperation with WHO: FM spokesperson

“China has always been open, transparent and responsible and taken the lead in carrying out scientific cooperation in tracing the origin with WHO with the purpose of promoting international research on origin tracing,” said FM spokesperson.
BEIJING, Jan. 7 (Xinhua) — Recently, China has maintained close communication with the World Health Organization (WHO) in a positive and constructive manner on the expert panel’s trip to China for cooperation on tracing the origin of the COVID-19 virus, a Foreign Ministry spokesperson said.

Spokesperson Hua Chunying made the remarks at a daily press briefing Wednesday when responding to the query about WHO experts to travel to China for work related to origins of COVID-19.
“China has always been open, transparent and responsible and taken the lead in carrying out scientific cooperation in tracing the origin with WHO with the purpose of promoting international research on origin tracing,” Hua said.
In February and July last year, when China was faced with daunting domestic epidemic prevention and control tasks, China invited WHO experts to China twice to carry out cooperation on origin-tracing and formulate the China part of a global scientific cooperation plan on origin-tracing, according to Hua.
In October last year, the Chinese side reached agreement on the members of the international expert group, she said, adding experts of the two sides have maintained frequent interactions since then.
Noting the global pandemic situation remains very serious, Hua said China is also making every effort to prevent and control the epidemic.
“Nevertheless, in order to support international anti-epidemic cooperation, China has overcome difficulties, accelerated preparations, and tried its best to create favorable conditions for the international expert team’s visit to China. WHO knows that clearly,” Hua said.
The source tracing issue is very complicated, Hua said, adding that in order to ensure the smooth progress of the work of the international expert group in China, necessary procedures should be fulfilled and relevant specific arrangements should be made. “At present, the two sides are still negotiating on this.”
“As far as I know, the two sides are still in close communication on the specific dates and arrangements for the international expert group to come to China. We certainly hope that the arrangement can be finalized as soon as possible through communication between the two sides,” Hua added. ■
Photo taken on Jan. 22, 2020 shows an exterior view of the headquarters of the World Health Organization (WHO) in Geneva, Switzerland. (Xinhua/Liu Qu)