မိုင်းလား ယမ်းဂိုဒေါင် ပေါက်ကွဲမှုနှင့် ပတ်သက်ပြီး စုံစမ်းစစ်ဆေး အရေးယူမည်

ရန်ကုန်၊ မေ ၉ ရက် (ဆင်ဟွာ)

တရုတ်-မြန်မာ နယ်စပ် မိုင်းလားမြို့နယ် အတွင်းရှိ အမျိုးသား ဒီမိုကရေစီ မဟာမိတ် တပ်မတော် (NDAA) ခေါ် မိုင်းလားတပ်ဖွဲ့၏ ယမ်းဂိုဒေါင် ပေါက်ကွဲမှုနှင့် ပတ်သက်ပြီး NDAA မှ စုံစမ်း စစ်ဆေးပြီး အရေးယူမှုများ ပြုလုပ်မည် ဖြစ်ကြောင်း အဆိုပါ အဖွဲ့၏ တာဝန်ရှိသူ တစ်ဦးက ပြောကြားသည်။

ရှမ်းပြည်နယ် (အရှေ့ပိုင်း) အထူးဒေသ ၄ မိုင်းလား မြို့နှင့် ၂ မိုင်ကျော် တရုတ်နယ်စပ် အနီးတွင် မေလ ၇ ရက်တွင် လက်နက် ဂိုဒေါင် ပေါက်ကွဲမှု ဖြစ်ပွားမှုကြောင့် လက်နက်တိုက် အတွင်း ရှိ လူ ၂ ဦး ပွဲချင်းပြီး သေဆုံးပြီး လူ ၅၀ ကျော် ဒဏ်ရာ ရရှိခဲ့ကြောင်း ပြန်ကြားရေး ဝန်ကြီးဌာနမှ တရားဝင် သတင်း ထုတ်ပြန်ချက် အရ သိရသည်။

အဆိုပါ ပေါက်ကွဲမှုကြောင့် ကိုက် ၅၀ ခန့် အတွင်း ကျည်ဆန်ခွံနှင့် အပျက်အစီးများ ပြန့်ကျဲနေပြီး ပေါက်ကွဲမှုသည် ပြင်းထန်ကြောင်း ဒေသခံများထံမှ သိရသည်။
တရုတ်-မြန်မာ နယ်စပ် မိုင်းလားမြို့နယ်တွင် မိုင်းလားအဖွဲ့ ၏ အရပ်သုံး ယမ်းဂိုဒေါင် ပေါက်ကွဲမှု ဖြစ်ပွားခဲ့ပြီး လူသေဆုံးမှု၊ ဒဏ်ရာရရှိမှုနှင့် အဆောက်အအုံ ပျက်စီးဆုံးရှုံးမှုများ ဖြစ်ပွားခဲ့ကြောင်း၊ ယင်းပေါက်ကွဲမှုနှင့် ပတ်သက်ပြီး လူထုအနေဖြင့် စိုးရိမ်မှုမရှိရန် နှင့် ပုံမှန်လုပ်ငန်းများ ဆက်လက် လုပ်ကိုင်ကြရန် NDAA အဖွဲ့က ကြေညာချက် ထုတ်ပြန်ထားသည်။
ယင်းပေါက်ကွဲမှုသည် ရာသီဥတု ပူပြင်းပြီး အုပ်ချုပ်မှု အားနည်းခြင်းကြောင့် ပေါက်ကွဲရကြောင်း ထုတ်ပြန်ချက်တွင် ဖော်ပြထားသည်။ (Xinhua)