Politics, Law & Military
ကလောမြို့နယ်တွင် ငွေကျပ် သိန်း ၈၄၀ တန်ဖိုးရှိ မူးယစ်ဆေးဝါးများ ဖမ်းဆီးရမိ
ရန်ကုန်၊ ဒီဇင်ဘာ ၂၄ ရက် (ဆင်ဟွာ)
ကလောမြို့နယ်တွင် ငွေကျပ် သိန်း ၈၄၀ တန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်သည်။
ဖြစ်စဉ်မှာ ဒီဇင်ဘာလ ၂၂ ရက်နေ့ ၁၄း၀၀နာရီ အချိန် မူးယစ်တပ်ဖွဲ့စု (၂၅)တောင်ကြီးမှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် ကလောမြို့နယ်၊ မကွေ့ကျေးရွာအနီး ကလော-သာစည် ကားလမ်း၊ မိုင်တိုင်အမှတ် (၅၉/၁)တွင် ခရီးသည်တင် မှန်လုံမော်တော်ယာဉ်ကိုရှာဖွေရာ ခရီးသည် ဇော်မင်းဦး၏ ကျောပိုးအိတ် အတွင်းမှ ကာလတန်ဖိုး ကျပ်သိန်း ၈၀၀ ကျော်တန်ဖိုးရှိ စိတ်ကြွရူးသွပ်ဆေးပြား ၃၄,၀၀၀ ပြား၊ အိုက်စ် ၂ ကီလို နှင့် လက်ကိုင်ဖုန်း တစ်လုံးတို့ကို သိမ်းဆည်းရမိခဲ့သဖြင့် ဇော်မင်းဦး(၄၀)နှစ်အား မူးယစ်ဆေးဝါးနှင့်စိတ်ကိုပြောင်းလဲ စေသောဆေးဝါး များဆိုင်ရာဥပဒေအရ အရေးယူထားကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)
