ဝါရှင်တန် ၊ သြဂုတ် ၂၂ ရက် (ဆင်ဟွာ) အမေရိကန်နိုင်ငံ၌ သြဂုတ်လ ၂၁ ရက်တွင် ရာစုနှစ်အတွင်း တစ်ကြိမ်သာဖြစ်ပေါ်သော နေကြတ်မှုမြင်ကွင်းအား လုပ်ငန်းခွင်များထဲမှ အလုပ်သမားများက စောင့်ကြည့်ကြသဖြင့် ကုမ္ပဏီများအနေဖြင့် အနည်းဆုံး ထုတ်ကုန်တန်ဖိုး အမေရိကန်ဒေါ်လာ ၆၉၄ သန်းခန့်ဆုံးရှုံးနစ်နာခဲ့ရကြောင်း သိရသည်။
ရန်ကုန်၊ သြဂုတ် ၂၂ ရက် (ဆင်ဟွာ) တိုင်းပြည် မငြိမ်းချမ်း၍ ဖွံ့ဖြိုးရေးကို အင်တိုက်အားတိုက် မလုပ်ဆောင်နိုင်ဟု တပ်မတော်ကာကွယ် ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောကြားသည်။
စင်ကာပူ ၊ သြဂုတ် ၂၂ ရက်(ဆင်ဟွာ) အမေရိကန်ရေတပ်မှ ဖျက်သင်္ဘော USS John S.McCain သည် ရေနံတင်သင်္ဘောတစ်စင်းနှင့် ခေါင်းချင်းဆိုင်တိုက်မိပြီးနောက် စင်ကာပူနိုင်ငံ၏ ချန်ဂီရေတပ်အခြေစိုက်စခန်းသို့သြဂုတ်လ ၂၁ ရက် မွန်းလွဲပိုင်းတွင် ရောက်ရှိလာကြောင်း သိရသည်။ ၎င်းသင်္ဘောတိုက်မှုကြောင့် ဖျက်သင်္ဘောမှ သင်္ဘောသား ၁ဝ ဦး ပျောက်ဆုံးလျက်ရှိပြီး...
ရန်ကုန်၊ သြဂုတ် ၂၁ ရက် (ဆင်ဟွာ) နှစ်ဆယ့်ကိုးကြိမ်မြောက် အရှေ့တောင်အာရှအားကစားပွဲတွင် ယနေ့ သြဂုတ်လ ၂၁ ရက်နေ့တွင် ကျင်းပသော အမျိုးသားဘောလုံးအုပ်စု A ပွဲစဉ်များ၌ အိမ်ရှင်မလေးရှားယူ-၂၂ အသင်းက မြန်မာယူ-၂၂ အသင်းကို သုံးဂိုး တစ်ဂိုးဖြင့်အနိုင်ရကာအကြိုဗိုလ်လုပွဲသို့နှစ်သင်းလုံးတက်ရောက်သွားပြီဖြစ်ကြောင်းသိရသည်။
တိုကျို ၊ သြဂုတ် ၂၂ ရက်(ဆင်ဟွာ) ဂျပန်နိုင်ငံမြောက်ပိုင်း အကီတ (Akita)စီရင်စု ရှိ လူနေအဆောက်အအုံတစ်လုံး၌ ယနေ့(သြဂုတ်လ ၂၂ရက်) နံနက်အစောပိုင်းတွင် မီးလောင်ကျွမ်းမှုဖြစ်ပွားရာ လူ ၃ ဦးသေဆုံးပြီး အခြား ၂ ဦးပျောက်ဆုံးလျက် ရှိကြောင်း ဒေသဆိုင်ရာ မီးသတ် နှင့် ရဲတပ်ဖွဲ့ဝင်များက ဆိုသည်။
ရန်ကုန်၊ သြဂုတ် ၂၁ ရက် (ဆင်ဟွာ) အမျိုးသားဒီမိုကရေစီအဖွဲ့ချုပ်(NLD)ပါတီ၏ ဗဟိုပြန်ကြားရေးကော်မတီနှင့် ဗဟိုအမျိုးသမီးလုပ်ငန်းအဖွဲ့ ကို ဗဟိုအလုပ်အမှုဆောင်ဆုံးဖြတ်ချက်အရ ပြန်လည်ဖွဲ့စည်းလိုက်ကြောင်း NLDကထုတ်ပြန်ချက်အရ သိရသည်။အဆိုပါ အသစ်ပြန်လည်ဖွဲ့စည်းလိုက်သည့် ဗဟိုပြန်ကြားရေးကော်မတီတွင် ဥက္ကဋ္ဌအဖြစ် ဦးဉာဏ်ဝင်းနှင့် အဖွဲ့ဝင် ၁၁ဦးပါဝင်ပြီး ၊ဗဟိုအမျိုးသမီးလုပ်ငန်းအဖွဲ့တွင် ဥက္ကဋ္ဌအဖြစ် ဒေါ်မေဝင်းမြင့်ကဆောင်ရွက်ပြီး အဖွဲ့ဝင် ၁၁ဦးပါဝင်မည်ဖြစ်ကြောင်း သိရသည်။(Xinhua)
ရန်ကုန်၊ သြဂုတ် ၂၁ ရက် (ဆင်ဟွာ) မလေးရှားနိုင်ငံတွင်ကျင်းပလျက်ရှိသော (၂၉)ကြိမ်မြောက် အရှေ့တောင်အာရှအားကစားပြိုင်ပွဲ တွင် သြဂုတ်လ ၂၁ရက်နေ့လည်အထိ ရလဒ်များအရ မြန်မာနိုင်ငံသည် ရွှေ ၂ဆု၊ ငွေ၂ဆုနှင့် ကြေးတစ်ဆု ရရှိပြီးဖြစ်ကြောင်း ဆီးဂိမ်းပြိုင်ပွဲက ထုတ်ပြန်ချက်အရ သိရသည်။
စကိုးပီးယား၊ သြဂုတ် ၂၁ ရက် (ဆင်ဟွာ) မက်ဆီဒိုးနီးယားနိုင်ငံ ဗီးလ်လက်စ်မြို့အနီးရှိ အဝေးပြေးလမ်းပေါ်တွင် ပြည်ပခရီးသွားဧည့်သည်များ တင်ဆောင်လာသည့် ဘတ်စ်ကား တစ်စီး သြဂုတ်လ ၂၀ ရက် ညပိုင်းက တိမ်းမှောက်သွားရာ အမျိုးသမီး တစ်ဦး သေဆုံးခဲ့ပြီး အခြားခရီးသည် ၂၈ ဦး ဒဏ်ရာရရှိခဲ့ကြောင်း သိရသည်။
ဖရီးတောင်း၊ သြဂုတ် ၂၁ ရက် (ဆင်ဟွာ) ဆီယာရာလီယွန်နိုင်ငံတွင် သြဂုတ်လ ၁၄ ရက်က ရွှံ့မြေပြိုကျမှုနှင့် ရေလွှမ်းမိုးမှု ဖြစ်ပွားပြီးနောက် ရုပ်အလောင်း ၄၉၉ ဦး ရှာဖွေတွေ့ရှိခဲ့ပြီ ဖြစ်ကြောင်း ဒေသခံ မီဒီယာ သြဂုတ်လ ၂၀ ရက်တွင် သတင်းတင်ပြထားသည်။
ပေကျင်း၊ သြဂုတ် ၂၁ ရက် (ဆင်ဟွာ) ကွန်ဂိုနိုင်ငံတွင် မြေပြိုကျမှု ဖြစ်ပွားခဲ့ပြီး အနည်းဆုံး လူ ၂၀၀ ဦး သေဆုံးခဲ့ခြင်းအတွက် ကွန်ဂို သမ္မတထံ တရုတ် သမ္မတ ရှီကျင့်ဖိန်က ဝမ်းနည်းကြောင်း သတင်းစကား ပြောကြားလိုက်သည်။
