Connect with us

Culture

၂၀၁၇ ခုနှစ် တရုတ် နှစ်သစ်ကူး ဧည့်ခံပွဲအား မြန်မာနိုင်ငံဆိုင်ရာ တရုတ်သံအမတ်ကြီး အိမ်တော်၌ စည်ကားစွာ ကျင်းပ

ျမန္မာႏုိင္ငံဆုိင္ရာ တရုတ္သံအမတ္ႀကီး မစၥတာ ဟုန္လ်န္က ႏႈတ္ခြန္းဆက္ စကား ေျပာၾကားစဥ္(ဆင္ဟြာ)

ရန်ကုန် ၊ ဇန်နဝါရီ ၂၁ ရက်(ဆင်ဟွာ)

၂၀၁၇ ခုနှစ် တရုတ် နှစ်သစ်ကူး ဧည့်ခံပွဲအား ရန်ကုန်မြို့ရှိ မြန်မာနိုင်ငံဆိုင်ရာ တရုတ်နိုင်ငံ သံအမတ်ကြီး အိမ်တော်၌ ယနေ့ဇန်နဝါရီ ၂၁ ရက်တွင် စည်ကား သိုက်မြိုက်စွာ ကျင်းပခဲ့ရာ နိုင်ငံတော် အတိုင်ပင်ခံရုံး ဝန်ကြီးဌာန ပြည်ထောင်စု ဝန်ကြီး ဦးကျော်တင့်ဆွေ ၊ သာသနာရေး နှင့် ယဉ်ကျေးမှု ဝန်ကြီးဌာန ပြည်ထောင်စု ဝန်ကြီး သူရဦးအောင်ကို ၊ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း နှင့် အစိုးရ ၊ လွှတ်တော်တို့မှ တာဝန်ရှိသူများ အပါအဝင် ဖိတ်ကြားထားသည့် ဧည့်သည်များ တက်ရောက်ခဲ့ကြသည်။

မြန်မာနိုင်ငံဆိုင်ရာ တရုတ်သံအမတ်ကြီး မစ္စတာ ဟုန်လျန်က တရုတ်ပြက္ခဒိန် အရ လာမည့် နှစ်သစ်မှာ ကြက်နှစ် ဖြစ်ကြောင်း ၊ နှစ်သစ် နွေဦးကာလ ကြက်နှစ်သည် တရုတ်-မြန်မာ နှစ်နိုင်ငံ ပြည်သူလူထု နှင့် တရုတ်-မြန်မာ ဆက်ဆံရေး အတွက် ကံကောင်းခြင်းအား ဆောင်ကြဉ်းပေးသည့် နှစ်တစ်နှစ် ဖြစ်ကြောင်း ၊ နှစ်သစ်တွင် မြန်မာနိုင်ငံရှိ ပြည်သူများ အားလုံး စည်းလုံး ညီညွတ်စွာ ပူးပေါင်း ဆောင်ရွက်ပြီး မိမိ တိုင်းပြည် အခြေအနေ နှင့် ကိုက်ညီသော တိုးတက်ရေး လမ်းကြောင်းအား ရှာဖွေ စူးစမ်းရင်း အောင်မြင်မှု အသစ်များ ရရှိလာနိုင်မည်ဟု မျှော်လင့်ကြောင်း ထည့်သွင်း ပြောကြားခဲ့သည်။

နိုင်ငံတော် အတိုင်ပင်ခံရုံး ဝန်ကြီးဌာန ပြည်ထောင်စု ဝန်ကြီး ဦးကျော်တင့်ဆွေက နှုတ်ခွန်းဆက် စကား ပြောကြားစဉ်(ဆင်ဟွာ)

တရုတ်နိုင်ငံဘက်မှ ယခင်အတိုင်းပင် မြန်မာနိုင်ငံ အတွက် လိုအပ်သော အကူအညီ နှင့် အားပေးထောက်ခံမှုများကို ဆက်လက် ပေးအပ်မည် ဖြစ်ကာ သဟဇာတဖြစ်သော ၊ တည်ငြိမ်ပြီး စည်ပင်ဝပြောသော မြန်မာနိုင်ငံ အဖြစ် လျင်မြန်စွာ တည်ဆောက်နိုင်ရန် တွန်းအားပေးမည် ဖြစ်ကြောင်း မြန်မာနိုင်ငံဆိုင်ရာ တရုတ်သံအမတ်ကြီး မစ္စတာ ဟုန်လျန်က ထည့်သွင်း ပြောကြားခဲ့သည်။

ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက နှုတ်ခွန်းဆက် စကား ပြောကြားစဉ်(ဆင်ဟွာ)

ထို့အတူ နှစ်ဦးနှစ်ဖက် အတူတကွ ကြိုးပမ်းမှုဖြင့် တရုတ်-မြန်မာ ဆက်ဆံရေးတွင် အားမာန်အပြည့်နှင့် ရှေ့သို့ဦးတည်ရင်း နှစ်နိုင်ငံ ပြည်သူလူထု အတွက် များစွာသော အကျိုး ဖြစ်ထွန်းမှုများကို စဉ်ဆက်မပြတ် ဆောင်ကြဉ်းလာနိုင်မည်ဟု ယုံကြည်ကြောင်း တရုတ်သံအမတ်ကြီး မစ္စတာ ဟုန်လျန်က ပြောကြားခဲ့သည်။

၂၀၁၇ ခုနှစ် တရုတ်နှစ်သစ်ကူး ဧည့်ခံပွဲအား ရန်ကုန်မြို့ရှိ မြန်မာနိုင်ငံဆိုင်ရာ တရုတ် သံအမတ်ကြီး အိမ်တော်၌ ကျင်းပစဉ်(ဆင်ဟွာ)

တရုတ် နှစ်သစ်ကူး ဧည့်ခံပွဲတွင် နိုင်ငံတော် အတိုင်ပင်ခံရုံး ဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေ က တရုတ်-မြန်မာ နှစ်နိုင်ငံ ချစ်ကြည် ရင်းနှီးသည့် ဆွေမျိုးပေါက်ဖော် ဆက်ဆံရေး အခြေအနေများ ၊ သံတမန် ဆက်ဆံရေး အခြေအနေများနှင့် အစိုးရသစ် လက်ထက် ကောင်းမွန်သည့် တရုတ်-မြန်မာ ဆက်ဆံရေး အခြေအနေများအား ရှင်းလင်း ပြောကြားခဲ့ပြီး နှစ်သစ်ကူး ဆုတောင်းစကားများ ပြောကြားခဲ့သည်။

မြန်မာနိုင်ငံဆိုင်ရာ တရုတ် သံအမတ်ကြီး အိမ်တော်၌ ကျင်းပသည့် ၂၀၁၇ ခုနှစ် တရုတ်နှစ်သစ်ကူး ဧည့်ခံပွဲ မြင်ကွင်းများ(ဆင်ဟွာ)

မြန်မာနိုင်ငံဆိုင်ရာ တရုတ် သံအမတ်ကြီး အိမ်တော်၌ ကျင်းပသည့် ၂၀၁၇ ခုနှစ် တရုတ်နှစ်သစ်ကူး ဧည့်ခံပွဲ မြင်ကွင်းများ(ဆင်ဟွာ)

မြန်မာနိုင်ငံဆိုင်ရာ တရုတ် သံအမတ်ကြီး အိမ်တော်၌ ကျင်းပသည့် ၂၀၁၇ ခုနှစ် တရုတ်နှစ်သစ်ကူး ဧည့်ခံပွဲ မြင်ကွင်းများ(ဆင်ဟွာ)

မြန်မာနိုင်ငံဆိုင်ရာ တရုတ် သံအမတ်ကြီး အိမ်တော်၌ ကျင်းပသည့် ၂၀၁၇ ခုနှစ် တရုတ်နှစ်သစ်ကူး ဧည့်ခံပွဲ မြင်ကွင်းများ(ဆင်ဟွာ)

ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက မြန်မာနိုင်ငံ၏ ပြုပြင် ပြောင်းလဲရေး ကိစ္စရပ်များအား တရုတ်နိုင်ငံမှ ဝိုင်းဝန်း ကူညီ ဆောင်ရွက်ပေးမှုအပေါ် ကျေးဇူးတင်ရှိကြောင်း ၊ နှစ်သစ် အခါသမယတွင် မြန်မာနိုင်ငံ အေးချမ်းသာယာမှုနှင့် အတူ တရုတ်ပြည်သူ့သမ္မတနိုင်ငံနှင့် ပိုမို တိုးတက် ကောင်းမွန်သော ဆွေမျိုးပေါက်ဖော် ဆက်ဆံရေးမှသည် နှစ်နိုင်ငံ၏ ဖွံ့ဖြိုးတိုးတက်ရေး လုပ်ငန်းများအား ပူးပေါင်း ဆောင်ရွက်နိုင်ပါစေကြောင်း ဆုတောင်းစကား ပြောကြားခဲ့သည်။

မြန်မာနိုင်ငံဆိုင်ရာ တရုတ်သံအမတ်ကြီး အိမ်တော်၌ ကျင်းပသော ၂၀၁၇ ခုနှစ် တရုတ် နှစ်သစ်ကူး ဧည့်ခံပွဲတွင် တရုတ်နှင့်မြန်မာ နှစ်နိုင်ငံမှ အနုပညာရှင်များက ဖျော်ဖြေတင်ဆက်မှုများ ၊ တရုတ်နိုင်ငံမှ အထူး ဖိတ်ကြားထားသည့် ဟိုနန် အနုပညာ အဖွဲ့မှ ဆက်ကပ် ၊ ရှောင်လင် ကွန်ဖူး နှင့် ဝူရှူး သရုပ်ပြခြင်း စသည့် အစီအစဉ်များနှင့် ဖျော်ဖြေခဲ့သည့် အပြင် တရုတ်-မြန်မာ ရိုးရာ အစားအစာများဖြင့် တည်ခင်း ဧည့်ခံခဲ့သည်။ (Xinhua)