တူရကီ နိုင်ငံ ရဲတပ်ဖွဲ့က IS အကြမ်းဖက် အဖွဲ့ဝင် ဟု သံသယ ရှိသူ ၇၆၃ ဦး ကို ဖမ်းဆီး ထိန်းသိမ်း နိုင်ခဲ့

အန်ကာရာ ၊ ဖေဖော်ဝါရီ ၇ ရက် (ဆင်ဟွာ)

တူရကီ နိုင်ငံ လုံခြုံရေး ဌာနချုပ် ၏ ထုတ်ပြန်ချက်တွင် တူရကီ နိုင်ငံ ရဲတပ်ဖွဲ့ အနေဖြင့် ဖေဖော်ဝါရီ ၅ ရက်နေ့က စတင်ခဲ့သည့် အကြမ်းဖက်မှု တိုက်ဖျက်ရေး လှုပ်ရှားမှု တွင် IS အကြမ်းဖက် အဖွဲ့ဝင် ဟု သံသယ ရှိသူ ၇၆၃ ဦးအား ဖမ်းဆီး နိုင်ခဲ့ကြောင်း ဖေဖော်ဝါရီ ၆ ရက်နေ့က ဖေါ်ပြ ခဲ့သည်။

ထုတ်ပြန်ချက်တွင် တူရကီ နိုင်ငံ ရဲတပ်ဖွဲ့အနေဖြင့် ဖေဖော်ဝါရီ ၅ ရက်နေ့ နံနက်ပိုင်းမှ စတင်၍ တူရကီ နိုင်ငံရှိ ပြည်နယ်ပေါင်း ၂၉ ခုတွင် IS အကြမ်းဖက် အဖွဲ့အစည်း ရှင်းလင်းရေး လှုပ်ရှားမှု ဆောင်ရွက်ခဲ့ရာတွင် ယင်းအဖွဲ့အစည်း ကို ငွေကြေးနှင့် လူအင်အား ထောက်ပံ့သူများ ကိုဖမ်းဆီးနိုင်ခဲ့ပြီး ရဲတပ်ဖွဲ့ က IS အကြမ်းဖက် အဖွဲ့အစည်း နှင့် ပတ်သက်သည့် စာရွက်စာတမ်းများ နှင့် လက်နက်ခဲယမ်းများကိုလည်း သိမ်းဆည်းရမိခဲ့ကြောင်း ဖေါ်ပြ ခဲ့သည်။

ထို့ပြင် IS အကြမ်းဖက် အဖွဲ့အစည်း ၏ ယခု ရက်ပိုင်းအတွင်း ဆောင်ရွက်နေသည့် ဝါဒ ဖြန့်ချိရေး လှုပ်ရှားမှု နှင့် လူအင်အား စုစည်းမှု အခြေအနေများ ၊ တူရကီ နိုင်ငံ အတွင်း အကြမ်းဖက်မှု ပြုလုပ်ရန် ပစ်မှတ် ရှာဖွေနေမှု နှင့် အကြမ်းဖက်မှု ဆောင်ရွက်ရန် စီစဉ်နေမှု အခြေအနေများ စသည် တို့ကိုလည်း ထုတ်ပြန်ချက်တွင် ထည့်သွင်း ဖော်ပြ ခဲ့သည်။

တူရကီ နိုင်ငံ စစ်တပ် ဌာနချုပ် ၏ ဖေဖော်ဝါရီ ၆ ရက် က ထုတ်ပြန်ချက်တွင်လည်း တူရကီ စစ်ဘက် သည် ဖေဖော်ဝါရီ ၅ ရက် ညပိုင်း မှ ၆ ရက် နံနက်ပိုင်း အထိ ဆီးရီးယား နိုင်ငံ အတွင်းရှိ IS အကြမ်းဖက် အဖွဲ့အစည်း ၏ အရေးပါသည့် အခြေစိုက် စခန်းများကို တိုက်ခိုက်ခဲ့ကြောင်း ၊ ဆီးရီးယား နိုင်ငံ မြောက်ပိုင်း Aleppo ပြည်နယ် အတွင်း စစ်ရေး လှုပ်ရှားမှု ဆောင်ရွက်ရာတွင် လက်နက်ကြီး နှင့် လေကြောင်း တိုက်ခိုက်မှု များဖြင့် IS အကြမ်းဖက် အဖွဲ့အစည်း အား တိုက်ခိုက်ခဲ့သောကြောင့် IS အကြမ်းဖက် အဖွဲ့ဝင် ၁၃ ဦးကို ချေမှုန်းနိုင်ခဲ့ကြောင်း ဖေါ်ပြထားကြောင်း သိရသည်။(Xinhua)