အာဖဂန် နစ္စတန် အရှေ့ပိုင်း ဒေသတွင် နှင်းတောင် ပြိုကျမှု ဖြစ်ပွားရာ လက်ရှိချိန်ထိ သေဆုံးသူ အနည်းဆုံး ၅၀ ရှိလာ

ကဘူးလ် ၊ ဖေဖော်ဝါရီ ၆ ရက် (ဆင်ဟွာ)

အာဖဂန် နစ္စတန် နိုင်ငံ အရှေ့ပိုင်းရှိ Nuristanis ပြည်နယ်တွင် နှင်းတောင် ပြိုကျမှု ဖြစ်ပွား ခဲ့ပြီးထိ သေဆုံးသူ ၅၀ ဦးရှိကာ ဒဏ်ရာရရှိသူ ၁၀ ဦးကျော် ရှိခဲ့ကြောင်း အာဖဂန် နစ္စတန် သတင်း မီဒီယာ များ၏ ဖေဖော်ဝါရီ ၅ ရက်နေ့က ဖော်ပြချက်များအရ သိရှိရသည်။

Nuristanis ပြည်နယ် အတွင်းရှိ ဒေသခံ တစ်ဦး က Nuristanis ပြည်နယ် Barg-e-Matal ဒေသ ရှိ ရွာတစ်ရွာအနီးတွင် နှင်းတောင် ပြိုကျမှု ဖြစ်ပွား ခဲ့သောကြောင့် လူ အများအပြား သေဆုံးဒဏ်ရာရရှိမှု ဖြစ်စေခဲ့ကြောင်း ၊ ထိုရွာသို့ သွားရောက်ရန်ဆက်သွယ်ထားသည့် လမ်းများသည်လည်း ပိတ်ဆို့ သွားကြောင်းနှင့် လက်ရှိချိန်တွင် ကယ်ဆယ်ရေး အဖွဲ့များက ဘေးဒုက္ခကျရောက်ခဲ့သည့် နေရာရှိ ဒုက္ခသည်များကို ကူညီရန် သွားရောက်နေကြပြီး ဖြစ်ကြောင်း ဆင်ဟွာ သတင်းဌာန သို့ပြောကြားခဲ့သည်။

အာဖဂန် နစ္စတန် နိုင်ငံ တွင် ပြီးခဲ့သည့် ၃ ရက်အတွင်း တစ်နိုင်ငံလုံးအတိုင်းအတာဖြင့် အဆက်မပြတ် ဆီးနှင်း ကျဆင်းမှု ဖြစ်ပွားခဲ့ပြီး အလွန်ဆိုးရွားသည့် ရာသီဥတု အခြေအနေကြောင့် လက်ရှိချိန်တွင် သေဆုံးသူမှာ အယောက် ၉၀ ကျော်ရှိခဲ့သည်။ အဆက်မပြတ် နှင်းကျဆင်းမှု နှင့် နှင်းတောင် ပြိုကျမှု တို့ကြောင့် အိမ်ခြေ ၂၀၀ ကျော်လည်း ဖျက်ဆီး ခံခဲ့ရသည်။(Xinhua)