ပါကစ္စတန် အနောက်မြောက်ဘက်တွင် ဆီးနှင်းပြိုကျမှုကြောင့် လူ ၁၄ ဦး သေဆုံး

အစ္စလာမ်မာဘတ်၊ ဖေဖော်ဝါရီ ၅ ရက် (ဆင်ဟွာ)

ပါကစ္စတန်နိုင်ငံ အနောက်မြောက်ပိုင်း Chitral ခရိုင်တွင် ဖေဖော်ဝါရီလ ၅ ရက် နံနက်ပိုင်းက ဆီးနှင်း ပြိုကျမှုကြောင့် အနည်းဆုံး လူ ၁၄ ဦး သေဆုံးခဲ့ကြောင်း တာဝန်ရှိသူများက ပြောကြားခဲ့သည်။

ကယ်ဆယ်ရေးအဖွဲ့ ခေါင်းဆောင် Chitral ခရိုင် ကင်းထောက် တပ်မှူး ဗိုလ်မှူးကြီး Nizamuddin Shah က ဆီးနှင်း ပြိုကျမှုကြောင့် အိမ် ၂၅ လုံး နှင်းများ ဖုံးလွှမ်းသွားကာ ၅ လုံးမှ လုံးဝ ပျက်စီးသွားခဲ့ကြောင်း ပြောပြခဲ့သည်။

လူ မည်မျှ ထိခိုက်ခဲ့ကြောင်းနှင့် အပျက်အစီးများအကြား မည်မျှပိတ်မိနေသည်ကို ရှင်းလင်းစွာ မသိရသေးကြောင်း၊ သေဆုံးသူများမှာ အမျိုးသမီး ၆ ဦး၊ ကလေး ၆ ဦးနှင့် အမျိုးသား ၂ ဦးတို့ ဖြစ်ကြောင်း ၎င်းက ဖြည့်စွက် ပြောကြားခဲ့သည်။

Chitral ခရိုင် ရဲမင်းကြီး Maghfirat Shah က အဆိုပါ မတော်တဆမှုသည် နိုင်ငံ အနောက်မြောက်ပိုင်း Khyber Pakhtunkhwa ပြည်နယ် Shershal နယ်မြေတွင် ဖြစ်ပွားခဲ့ကြောင်း ပြောကြားခဲ့သည်။

လွန်ခဲ့သည့် နှစ်ရက်ကတည်းက ယင်း နေရာတစ်ဝိုက် ဆီးနှင်းများ ထူထပ်စွာ ကျဆင်းမှုကြောင့် ယခုလို ဆီးနှင်း ပြိုကျမှု ဖြစ်ပွားရခြင်း ဖြစ်ကြောင်း သိရသည်။ (Xinhua)