Europe
ဂူလန်နှင့် အဆက်အသွယ်ရှိသည့် တူရကီ ရဲအရာရှိ ၁၂,၀၀၀ ကျော် ရာထူးမှ ဖယ်ရှား
အန်ကာရာ၊ အောက်တိုဘာ ၄ ရက် (ဆင်ဟွာ)
တူရကီနိုင်ငံတွင် မအောင်မြင်ခဲ့သော စစ်အာဏာသိမ်းမှုအား ကြိုးကိုင်သူဟု စွပ်စွဲခံထားရသော ဂူလန်နှင့် အဆက်အသွယ်ရှိသည်ဟု သံသယရှိသော တူရကီ ရဲအရှိ ၁၂,၈၀၁ ဦးအား ရာထူးမှ ဖယ်ရှားလိုက်ကြောင်း အထွေထွေ လုံခြုံရေး ညွှန်ကြားမှု ဦးစီးဋ္ဌာနက အောက်တိုဘာလ ၄ ရက်၌ ထုတ်ပြန်သည့် ကြေညာချက်တွင် ဖော်ပြထားသည်။
ဋ္ဌာန၏ ဝက်ဘ်ဆိုက်တွင် ထုတ်ပြန်ထားသည့် ကြေညာချက်အရ ရာထူးမှ ဖယ်ရှားခံရသူ ၂၅၄၃ ဦးမှာ အဆင့်မြင့် အရာရှိများ ဖြစ်ကြောင်း သိရသည်။
တစ်ချိန်တည်းမှာပင် ဂူလန်နှင့် ဆက်သွယ်မှုရှိသည့် တူရကီ ပြည်ထဲရေး ဝန်ကြီးဋ္ဌာနမှ ၃၇ ဦးကိုလည်း ရာထူးမှ ဖယ်ရှားလိုက်ကြောင်း နိုင်ငံပိုင် Anadoly Agency က ရေးသားထားသည်။
အမေရိကန် အခြေစိုက် တရားဟောဆရာဖြစ်သူ ဖာသူလ်လာ ဂူလန်သည် ဇူလိုင် ၁၅ ရက်က တူရကီနိုင်ငံတွင် ဖြစ်ပွားခဲ့သည့် မအောင်မြင်ဖြစ်ခဲ့သည့် စစ်အာဏာသိမ်းမှုအတွက် စွပ်စွဲခံထားရသူ ဖြစ်သည်။ အဆိုပါ ဖြစ်ရပ်၌ အနည်းဆုံး လူ ၂၄၁ ဦး သေဆုံးခဲ့ပြီး ၂၀၀၀ ကျော် ဒဏ်ရာရရှိခဲ့သည်။ (Xinhua)