ဘိုလီးဗီးယား၌ နယ်ချဲ့ဝါဒဆန့်ကျင်ရေးကျောင်း ဖွင့်လှစ်မည်

လပတ်ဇ် ၊ ဇူလိုင် ၁၂ ရက် (ဆင်ဟွာ)

ဘိုလီးဗီးယားနိုင်ငံ သမ္မတ Evo Morales က နိုင်ငံ၏ စစ်တပ်အတွင်း၌ နယ်ချဲ့ဆန့်ကျင်ရေး သဘောတရားများကို သင်ကြားပေးမည့် “ နယ်ချဲ့ဝါဒ ဆန့်ကျင်ရေး ကျောင်း” ကို ဘိုလီးဗီးယား အလံတော်နေ့ကျင်းပမည့် သြဂုတ်လ ၁၇ ရက်တွင် ဖွင့်လှစ်သွားမည်ဟု ဇူလိုင်လ ၁၁ ရက်က ထုတ်ဖော် ကြေညာခဲ့ကြောင်း သိရသည်။

အဆိုပါ ကျောင်းသည် နိုင်ငံ၏ နယ်ချဲ့ဆန့်ကျင်ရေး စိတ်ဓာတ်များ အတွက် အလွန်အရေးပါကြောင်း နှင့် ၎င်းကျောင်းတော်ကြီးတွင် စီးပွားရေး ၊ နိုင်ငံရေး ၊ လူမှုရေး ၊ ယဉ်ကျေးမှု နှင့် လွတ်လပ်ခြင်းဆိုင်ရာ သဘောတရားများကို သင်ကြားပေးမည်ဟု ဆိုသည်။
“ နိုင်ငံတိုင်းမှာ ပြိုင်ဖက်ကင်းတဲ့ ကိုယ်ပိုင် ဗီဇတွေ အသီးသီး ပိုင်ဆိုင်ထားကြပါတယ်။ အဲဒါကိုယ်ပိုင် ဟန်ပန်တွေကို ပြန်လည် ဖော်ကျူးပေးနိုင်အောင် အယူအဆ တွေကို သင်ပေးမယ့် ဒီလိုကျောင်းတွေ တည်ထောင်ပေးရမှာက ကျနော်တို့တာဝန်ပေါ့ ” ဟု ဘိုလီးဗီးယားသမ္မတ က ဆိုသည်။ ထိုကဲ့သို့စာသင်ကျောင်းများသည် ဒေသတွင်းပြည်သူများ၏ အတိတ်ပုံရိပ်များကို ပြန်လည် တူးဆွနိုင်အောင် အကူအညီ ပေးနိုင်လိမ့်မည်ဟု ၎င်း က ဆက်ပြောသည်။
အဆိုပါ နယ်ချဲ့ဝါဒ ဆန့်ကျင်ရေးကျောင်း ကို ဘိုလီးဗီးယားနိုင်ငံ အရှေ့ပိုင်း Santa Cruz မြို့၌ ဖွင့်လှစ်သွားမည် ဖြစ်ပြီး ယခင်ဘိုလီးဗီးယား သမ္မတ (ဟောင်း) Juan Jose Torres ကို ဂုဏ်ပြုသော အားဖြင့် ၎င်း၏ အမည်ကို အသုံးပြုသွားမည်ဟု သိရသည်။ (Xinhua)