Connect with us

North America

ကနေဒါနှင့်အမေရိကန် ပူးတွဲအိမ်ရှင်အဖြစ်ကျင်းပမည့် ကိုရီးယားကျွန်းဆွယ်အရေး နိုင်ငံတကာ ဆွေးနွေးပွဲကို ၂ဝ၁၈ ခုနှစ် ဇန်နဝါရီလတွင် ကျင်းပမည်

ေျမာက္ကုိရီးယားႏုိင္ငံမွ တုိက္ခ်င္းပစ္ဒံုးက်ည္ တစ္စင္းအား စမ္းသပ္ပစ္လႊတ္ေနစဥ္(ဆင္ဟြာ)

အော့တဝါ၊ဒီဇင်ဘာ ၂ဝ ရက်(ဆင်ဟွာ)

ကနေဒါ နှင့် အမေရိကန် နိုင်ငံတို့က ပူးတွဲအိမ်ရှင်အဖြစ် ကျင်းပမည့် ကိုရီးယားကျွန်းဆွယ် တည်ငြိမ်ရေး နှင့် လုံခြုံရေးဆိုင်ရာ နိုင်ငံခြားရေးဝန်ကြီးများ ဆွေးနွေးပွဲတစ်ခုကို ဗန်ကူးပါးမြို့( Vancouver) ၌ ၂၀၁၈ ခုနှစ် ဇန်နဝါရီ ၁၆ ရက်တွင် ကျင်းပသွားမည်ဖြစ်ကြောင်း သိရသည်။

ကနေဒါနိုင်ငံသို့ပထမဆုံးအကြိမ်အဖြစ် ရောက်ရှိနေသော အမေရိကန်နိုင်ငံခြားရေးဝန်ကြီးဌာနဝန်ကြီး တီလာဆန် နှင့် ကနေဒါနိုင်ငံခြားရေးဝန်ကြီးဌာနဝန်ကြီး Chrystia Freeland တို့ပြုလုပ်သော ဆွေးနွေးပွဲများအတွင်း ကိုရီးယားကျွန်းဆွယ်အရေး နိုင်ငံတကာဆွေးနွေးပွဲကျင်းပရန် သဘောတူညီခဲ့ကြခြင်းဖြစ်သည်။၎င်းခရီးစဉ်အတွင်း အမေရိကန်နိုင်ငံခြားရေးဝန်ကြီးသည် ကနေဒါနိုင်ငံဝန်ကြီးချုပ် ဂျက်စတင်းထရုဒေါ(Justin Trudeau) နှင့်လည်းဆွေးနွေးခဲ့ကြောင်း သိရသည်။

“ မြောက်ကိုရီးယားနိုင်ငံရဲ့ ကမ္ဘာကြီးအပေါ် ခြိမ်းခြောက်နေမှုဟာ ကျွန်တော်တို့အားလုံးအပေါ်မှာလည်း သက်ရောက်မှုတွေ ရှိနေပါတယ်။ သံတမန်ရေးရာနည်းလမ်းနဲ့အဖြေရှာခြင်းဟာ မရှိမဖြစ် နဲ့ဖြစ်နိုင်ခြေ နှစ်မျိုးစလုံးပါပဲ။ ကျွန်တော်တို့ရဲ့မဟာမိတ်တွေ ၊ အမေရိကန်၊ ဂျပန် ၊ တောင်ကိုရီးယား စတဲ့ ဒေသတွင်း မိတ်ဘက်တွေနဲ့အတူတကွလက်တွဲပြီး ကိုရီးယားကျွန်းဆွယ် တည်ငြိမ်ရေး နဲ့ လုံခြုံရေး ဘုံဦးတည်ချက်အတွက် ဖိအားပေးမှုတွေကို ဆက်လက်ဆောင်ရွက်သွားမှာပါ ” ဟု ကနေဒါနိုင်ငံခြားရေးဝန်ကြီး Freeland က ဆိုသည်။

“ မြောက်ကိုရီးယားနိုင်ငံအပေါ်ပိုမိုပြင်းထန်တဲ့ ဖိအားပေးမှုတွေ လုပ်ဆောင်မယ့် နည်းလမ်းတွေကို ဆက်လက်ရှာဖွေနေသလို နိုင်ငံတကာအသိုင်းအဝိုင်းက စည်းလုံးညီညွတ်စွာ ရှိနေကြောင်း သတင်းစကား ပါးရမှာပါ။ ကိုရီးယားကျွန်းဆွယ်မှာ နျူကလီးယားကင်းစင်ရေးကို အပြည့်အဝေဖော်ဆောင်ဖို့က ကျွန်တော်တို့ရဲ့ ရည်မှန်းချက်ပန်းတိုင်ပါပဲ” ဟု တီလာဆန်က ပြောကြားခဲ့သည်။

Vancouver ဆွေးနွေးပွဲသို့၁၉၅၀-၁၉၅၃ ကိုရီးယားစစ်ပွဲတွင် ပါဝင်ခဲ့ကြသည့် နိုင်ငံအများစု တက်ရောက်လာရန် ဖိတ်ခေါ်သွားမည်ဖြစ်ကြောင်း သိရသည်။(Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.