မက္ကဆီကို တောင်ပိုင်းတွင် အင်အားပြင်း ငလျင်ကြောင့် အနည်းဆုံး လူ ၉ ဦး သေဆုံး

မက္ကဆီကိုစီးတီး၊ စက်တင်ဘာ ၈ ရက် (ဆင်ဟွာ)

မက္ကဆီကိုနိုင်ငံ တောင်ပိုင်း ကမ်းရိုးတန်းတွင် စက်တင်ဘာလ ၇ ရက် ဒေသစံတော်ချိန် ညပိုင်းတွင် လှုပ်ခတ်ခဲ့သော ပြင်းအား ၈.၂ ရစ်ချ်တာစကေးရှိသော ငလျင်ကြောင့် အနည်းဆုံး သေဆုံးသူ ၉ ဦး ရှိခဲ့ကြောင်း ဒေသခံ အာဏာပိုင်များက ပြောသည်။

Chiapas ပြည်နယ်တွင် နေအိမ်များ ပြိုကျမှုကြောင့် သေဆုံးသူ ၇ ဦး Chiapas ပြည်နယ် ပြည်သူ့ ကာကွယ်ရေးဋ္ဌာန တာဝန်ရှိသူ Jose Garcia က ပြောသည်။

အခြား သေဆုံးသူ ၂ ဦးမှာ Tabasco ပြည်နယ်မှ ဖြစ်ကြောင်း ဒေသဆိုင်ရာ အာဏာပိုင်များက ဆိုသည်။

မီးသတ်သမားများနှင့် ရဲတပ်ဖွဲ့ဝင်များက မြို့တော်တဝိုက် ငလျင်ကြောင့် အဆောက်အအုံများ အပျက်အစီး ရှိမရှိ လှည့်လည် စစ်ဆေးလျက်ရှိကြောင်း သိရသည်။

မက္ကဆီကို သမ္မတ Enrique Pena Nieto က အမျိုးသား အရေးပေါ် တုန့်ပြန်ရေး စနစ် ဖော်ဆောင်ကာ စောင့်ကြည့်ရေးနှင့် ကယ်ဆယ်ရေး လုပ်ငန်းများ လုပ်ဆောင်ရန် ဒေသဆိုင်ရာ အစိုးရများထံ ညွှန်ကြားချက် ထုတ်ပြန်လိုက်သည်။

၁၉၈၅ ခုနှစ်က မက္ကဆီကိုစီးတီးတွင် လူထောင်ပေါင်းများစွာ သေဆုံးကာ မြို့တော်အတွင်း နေရာများစွာ ပျက်စီးခဲ့သည့် အင်အား ၈.၀ ရှိသော ငလျင်လှုပ်ခတ်ခဲ့ပြီးနောက် ယခု ငလျင်သည် အပြင်းထန်ဆုံး ဖြစ်သည်။ (Xinhua)