တရုတ်နိုင်ငံ သမ္မတ ရှီကျင့်ဖိန်က အပြည်ပြည်ဆိုင်ရာ အိုလံပစ်ကော်မတီ ၁၃၉ ကြိမ်မြောက် မျက်နှာစုံညီ အစည်းအဝေးဖွင့်ပွဲအခမ်းအနားတွင် ဗွီဒီယို မိန့်ခွန်းပြောကြား

ပေကျင်း၊ ဖေဖော်ဝါရီ ၃ ရက်(ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် ဖေဖော်ဝါရီ ၃ ရက်က အပြည်ပြည်ဆိုင်ရာ အိုလံပစ်ကော်မတီ ၁၃၉ ကြိမ်မြောက် မျက်နှာစုံညီအစည်းအဝေးတွင် ဗွီဒီယို အဖွင့်မိန့်ခွန်း ပြောကြားခဲ့သည်။

သမ္မတရှီကျင့်ဖိန်က အပြည်ပြည်ဆိုင်ရာ အိုလံပစ်ကော်မတီ ဥက္ကဋ္ဌ Thomas Bachနှင့်ကော်မတီအဖွဲ့ဝင်အသီးသီးအား တရုတ်နှစ်ကူး နွေဦးပွဲတော်အခါသမယတွင် “Double Olympic City”အိုလံပစ် နှစ်ထပ်ကွမ်းမြို့တော် ပေကျင်းတွင် စုံစည်းပြီး အပြည်ပြည်ဆိုင်ရာ အိုလံပစ်ကော်မတီ ၁၃၉ ကြိမ်မြောက် မျက်နှာစုံညီအစည်းအဝေး ကျင်းပခြင်းအတွက် လှိုက်လှဲစွာ ကြိုဆိုကြောင်း ပြောကြားခဲ့သည်။

လက်ရှိ ကမ္ဘာကြီးသည် နှစ် တစ်ရာတွင် တစ်ခါမျှမ ကြုံရစဖူးသော အပြောင်းအလဲနှင့် ရာစုနှစ်ကိုဗစ်ကပ်ရောဂါ၏ ထပ်ဆင့်ရိုက်ခတ်မှုကို ခံနေရရာ ကမ္ဘာသည် မတည်ငြိမ်သည့် အပြောင်းအလဲကာလသို့ ရောက်ရှိပြီး လူသားမျိုးနွယ်တို့သည် စိန်ခေါ်မှုအထပ်ထပ်နှင့် ရင်ဆိုင်နေရကြောင်း သမ္မတရှီက ထောက်ပြ ပြောကြားခဲ့သည်။
အပြည်ပြည်ဆိုင်ရာ အိုလံပစ်ကော်မတီ ဦးဆောင်သည့် အိုလံပစ်အားကစားသည် ရဲဝံ့စွာ ရှေ့သို့ လှမ်းချီလျက်ရှိရာ ကမ္ဘာတစ်ဝန်း လက်ရှိအခက်အခဲများကို အတူကျော်လွှားရေး၊ သွေးစည်းညီညွတ်မှုဖြင့် ပူးပေါင်းဆောင်ရွက်ရေးတို့အတွက် အရေးကြီးပြီးတစ်မူထူးခြားသည့် အခန်းကဏ္ဍမှ ပါဝင်ကြောင်း ၊ ကော်မတီအနေဖြင့် တရုတ်အားကစားကဏ္ဍ ဖွံ့ဖြိုးတိုးတက်ရေးအတွက် တက်ကြွစွာ အကျိုးဆောင်ပေးပြီး ပေကျင်းဆောင်းရာသီအိုလံပစ် ကျင်းပရန် တရုတ်နိုင်ငံ၏ လျှောက်ထားမှုနှင့် ကြိုတင်ပြင်ဆင်မှုများအပေါ် အစွမ်းကုန် အားပေးထောက်ခံလမ်းညွှန်ပေးသည့်အတွက် ကျေးဇူးတင်ရှိပါကြောင်း ပြောကြားခဲ့သည်။

သမ္မတရှီကျင့်ဖိန်က ၂၀၀၈ ခုနှစ်၏“တူညီသောကမ္ဘာကြီး၊ တူညီသောအိမ်မက်များ”မှသည် ၂၀၂၂ ခုနှစ်၏ “လက်တွဲတူညီ အနာဂတ်ဆီသို့”အထိ တရုတ်နိုင်ငံသည် အိုလံပစ်အားကစားတွင် တက်ကြွစွာ ပါဝင်ခဲ့ပြီး အိုလံပစ်စိတ်ဓါတ်ကို ရှေ့တန်းတင်ထွန်းကားအောင် ဆောင်ရွက်ခဲ့ရာ အိုလံပစ်ရည်မှန်းချက်၏ ခိုင်မာစွာ လက်တွေ့ဖော်ဆောင်သူဖြစ်ကြောင်း အလေးထားပြောကြားခဲ့သည်။ ဆောင်းရာသီအိုလံပစ်ပွဲကျင်းပခြင်းမှ လူသန်းပေါင်း ၃၀၀ ကို ရေခဲနှင်းအားကစားတွင် ပါဝင်လာအောင် ဆောင်ရွက်နိုင်ခဲ့ရာ ဒေသဖွံ့ဖြိုးတိုးတက်ရေး၊ ဂေဟတည်ဆောက်ရေး၊ အစိမ်းရောင် ဆန်းသစ်တီထွင်ရေး၊ ပြည်သူစားဝတ်နေရေးကောင်းမွန်အောင် ဆောင်ရွက်ရေးကို တွန်းအားပေးခဲ့သလို ကမ္ဘာ့ရေခဲနှင်းအားကစားလှုပ်ရှားမှုဖွံ့ဖြိုးတိုးတက်ရေးအတွက် ပိုမိုကျယ်ပြန့်သည့်အလားအလာကို ဖွင့်လှစ်ပေးခဲ့ကြောင်း ဆိုသည်။

ပေကျင်း ဆောင်းရာသီအိုလံပစ်ကို နက်ဖြန်ညတွင် ဖွင့်ပွဲကျင်းပတော့မည်ဖြစ်ရာ ကမ္ဘာက တရုတ်နိုင်ငံကို စောင့်ကြည့်နေသလို တရုတ်နိုင်ငံကလည်း အသင့်ပြင်ထားပြီဖြစ်ကြောင်း သမ္မတ ရှီကျင့်ဖိန်က ပြောကြားခဲ့သည်။ တရုတ်နိုင်ငံသည် ကမ္ဘာကြီးအတွက် ရိုးရှင်း၊ လုံခြုံ၍ပြောင်မြောက်ထွန်းတောက်သည့် အိုလံပစ်ပွဲတော်ကြီးကို ပြသသွားမည်ဖြစ်ပြီး “ပိုမို မြန်ဆန်၊ ပိုမို မြင့်မား၊ ပိုမို အားကောင်း၍ ပို၍ သွေးစည်းညီညွတ်”သည့် အိုလံပစ်ဆောင်ပုဒ်ကို အကောင်အထည် ဖော်ဆောင်သွားမည် ဖြစ်ကြောင်း ပြောကြားခဲ့သည်။ （Xinhua）

……………………………………..
(Chinese Version)
（北京冬奥会）习近平向国际奥委会第139次全会开幕式发表视频致辞
2022-02-03 10:52:04
新华社北京2月3日电国家主席习近平2月3日向国际奥委会第139次全会开幕式发表视频致辞。
习近平对国际奥委会主席巴赫和各位国际奥委会委员在中国新春佳节相聚“双奥之城”北京并召开国际奥委会第139次全会表示热烈欢迎！
习近平指出，当前，世界百年未有之大变局和世纪新冠肺炎疫情叠加，世界进入新的动荡变革期，人类面临多重挑战。国际奥委会领导奥林匹克运动，勇毅向前，为推动全球共克时艰、团结合作发挥了重要而独特的作用。感谢国际奥委会长期以来为中国体育事业发展作出积极贡献，为中国申办和筹办北京冬奥会给予大力支持和指导。
习近平强调，从2008年的“同一个世界，同一个梦想”到2022年的“一起向未来”，中国积极参与奥林匹克运动，坚持不懈弘扬奥林匹克精神，是奥林匹克理想的坚定追求者、行动派。中国通过筹办冬奥会，成功带动3亿人参与冰雪运动，推动了区域发展、生态建设、绿色创新、人民生活改善，为全球冰雪运动发展开辟了更为广阔的空间。
习近平指出，北京冬奥会明晚就要开幕了，世界期待中国，中国做好了准备。中方将竭诚为世界奉献一届简约、安全、精彩的奥运盛会，践行“更快、更高、更强——更团结”的奥林匹克格言。（完）
新华社照片，北京，2022年2月3日

图说1：2月3日，国家主席习近平向国际奥委会第139次全会开幕式发表视频致辞。 新华社记者 黄敬文 摄