Connect with us

Politics, Law & Military

တရုတ်နိုင်ငံ နိုင်ငံတော်ကောင်စီဝင် ၊ နိုင်ငံခြားရေးဝန်ကြီး ဝမ်ရိ နှင့် မြန်မာနိုင်ငံ နိုင်ငံခြားရေးဝန်ကြီး ဦးဝဏ္ဏမောင်လွင်တို့ တွေ့ဆုံဆွေးနွေး

ပုံစာ - တရုတ်နိုင်ငံ နိုင်ငံတော်ကောင်စီဝင်နှင့်နိုင်ငံခြားရေးဝန်ကြီး ဝမ်ရိက မြန်မာနိုင်ငံ နိုင်ငံခြားရေးဝန်ကြီး ဦးဝဏ္ဏမောင်လွင်နှင့် ဇူလိုင် ၃ ရက်တွင် မြန်မာနိုင်ငံ ပုဂံမြို့၌ လန်ချန်း-မဲခေါင် ပူးပေါင်းဆောင်ရွက်မှုဆိုင်ရာ (၇)ကြိမ်မြောက် နိုင်ငံခြားရေးဝန်ကြီးများအစည်းအဝေးသို့ တက်ရောက်စဉ် ကာလအတွင်း တွေ့ဆုံဆွေးနွေးစဉ်(ဆင်ဟွာ)

ပုဂံ၊ ဇူလိုင် ၃ ရက်(ဆင်ဟွာ)

တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိသည် ဇူလိုင် ၃ ရက်တွင် မြန်မာနိုင်ငံ ပုဂံမြို့၌ ကျင်းပပြုလုပ်သည့် လန်ချန်း-မဲခေါင် ပူးပေါင်းဆောင်ရွက်မှုဆိုင်ရာ (၇)ကြိမ်မြောက် နိုင်ငံခြားရေးဝန်ကြီးများအစည်းအဝေးသို့ တက်ရောက်စဉ်ကာလအတွင်း မြန်မာနိုင်ငံ နိုင်ငံခြားရေးဝန်ကြီး ဦးဝဏ္ဏမောင်လွင်နှင့် တွေ့ဆုံဆွေးနွေးခဲ့ကြောင်း သိရသည်။ထိုသို့ တွေ့ဆုံဆွေးနွေးရာတွင် မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်က မြန်မာနိုင်ငံအနေဖြင့် မြန်မာ-တရုတ် နှစ်နိုင်ငံ အပြန်အလှန်လေးစားမှု၊ တန်းတူညီမျှဆက်ဆံသော ခေတ်အဆက်ဆက်ပေါက်ဖော်ချစ်ကြည်ရေးကို အထူးအလေးထားကြောင်း ၊ မြန်မာနိုင်ငံဖွံ့ဖြိုးတိုးတက်ရေးအတွက် တရုတ်နိုင်ငံ၏နှောင်ကြိုးမဲ့ကူညီမှုများအား အထူးကျေးဇူးတင်ရှိကြောင်း၊ တရုတ်နိုင်ငံ၏ ထိုင်ဝမ်၊ ဟောင်ကောင်၊ တိဗက်၊ ရှင်းကျန်း၊ လူအခွင့်အရေးစသည့် ကိစ္စရပ်များတွင် တရုတ်နိုင်ငံ၏ မှန်ကန်သောရပ်တည်ချက်ကို ဆက်လက်ခိုင်မာစွာ ထောက်ခံသွားမည် ဖြစ်ကြောင်း ပြောကြားခဲ့သည်။ တရုတ်နိုင်ငံနှင့်အတူ နီးကပ်သော ပူးပေါင်းဆောင်ရွက်မှုများပြုလုပ်သွားလိုရာ မြန်မာ-တရုတ် အကျိုးတူအသိုက်အဝန်းတည်ဆောက်ရေး အဆက်မပြတ်နက်ရှိုင်းစေရေး တွန်းအားပေးဆောင်ရွက်သွားလိုကြောင်း ပြောကြားခဲ့သည်။

တရုတ်နိုင်ငံ နိုင်ငံခြားရေးဝန်ကြီး ဝမ်ရိက တရုတ်-မြန်မာ ပေါက်ဖော်ချစ်ကြည်ရေးသည် နှစ်နိုင်ငံ ရှေးယခင်ခေါင်းဆောင်များကိုယ်တိုင် ပျိုးထောင်ထားခြင်းဖြစ်ရာ ကျယ်ပြန့်သောပြည်သူ့ဆန္ဒထောက်ခံမှုနှင့်နက်ရှိုင်းသော လူမှုအသိုက်အဝန်းအခြေခံ ရှိပါကြောင်း၊ နိုင်ငံတကာအခြေအနေ၏စမ်းသပ်မှု၊ သက်ဆိုင်ရာနိုင်ငံ၏ ပြည်တွင်းအခြေအနေအပြောင်းအလဲကြောင့် သက်ရောက်မှုမရှိဘဲ အစဉ်အမြဲ ကျောက်သားသဖွယ် ပျက်ပြားမှုမရှိ ခိုင်မာစွာ ထားရှိသွားမည် ဖြစ်ကြောင်း ပြောကြားခဲ့သည်။ တရုတ်နိုင်ငံသည် နှစ်နိုင်ငံ၏အစဉ်အလာချစ်ကြည်ရေးကို တန်ဖိုးထားရာ မြန်မာနိုင်ငံပြည်သူတစ်ရပ်လုံးကို မျက်နှာမူသော မြန်မာနိုင်ငံအပေါ်ချစ်ကြည်ရင်းနှီးသည့် မူဝါဒကို ခိုင်မာအောင် ဆောင်ရွက်သွားမည် ဖြစ်ကြောင်း၊ မြန်မာနိုင်ငံနှင့်အတူ သမ္မတရှီကျင့်ဖိန်၏သမိုင်းဝင် မြန်မာနိုင်ငံ အလည်အပတ် ခရီးစဉ်ရလဒ်များကို ကောင်းမွန်စွာ အကောင်အထည်ဖော်ဆောင်သွားမည် ဖြစ်ပြီး နိုင်ငံရေးအပြန်အလှန်ယုံကြည်မှုခိုင်မာမှု ၊ အပြန်အလှန်အကျိုးဖြစ်ထွန်းသော ပူးပေါင်းဆောင်ရွက်မှု၊ ပြည်သူချင်းစိတ်ချင်းဆက်နွယ်မှု၊ လူမှုယဉ်ကျေးမှုအပြန်အလှန်လေ့လာမှု စသည့် မဏ္ဏိုင် ၄ ခုကို ခိုင်မာစွာ ဆောင်ရွက်သွားကာ တရုတ်-မြန်မာ အကျိုးတူအသိုက်အဝန်းတည်ဆောက်ရေးကဏ္ဍသစ်တက်လှမ်းရေးအတွက် တွန်းအားပေးလိုကြောင်း ပြောကြားခဲ့သည်။ တရုတ်နိုင်ငံအနေဖြင့် မြန်မာနိုင်ငံ၏ တရုတ်နိုင်ငံအပေါ်ထားရှိသော ချစ်ကြည်ရင်းနှီးသည်မူဝါဒကို နှစ်သိမ့်ပါကြောင်း၊ မြန်မာနိုင်ငံပြည်သူများ မိမိနိုင်ငံအခြေအနေဖြင့်လျော်ညီသော ဖွံ့ဖြိုးရေးလမ်းစဉ်ကို ရှာဖွေခြင်းအား ထောက်ခံပါကြောင်း၊ မြန်မာနိုင်ငံ၏ နိုင်ငံတကာရေးရာတွင် မိမိ၏မှန်ကန်သောအကျိုးစီးပွားနှင့်အမျိုးသားဂုဏ်သိက္ခာကို ကာကွယ်ထိန်းသိမ်းခြင်းအား ထောက်ခံပါကြောင်း ပြောကြားခဲ့သည်။

နှစ်နိုင်ငံ လက်တွေ့ပူးပေါင်းဆောင်ရွက်မှုများ တိုးတက်မှုရှိသည့်အပေါ် နှစ်ဖက်လုံးက အပြုသဘော မှတ်ချက်ပြုခဲ့ကြပြီး တရုတ်-မြန်မာ စီးပွားရေးစင်္ကြံတည်ဆောက်မှုကို အရှိန်မြှင့်တင် တွန်းအားပေးရန် သဘောတူညီခဲ့ကာ နယ်စပ်ဖြတ်ကျော် လျှပ်စစ်ဓါတ်အားကွန်ရက်သဘောတူညီချက် အကောင်အထည်ဖော်ရေး၊ တရုတ်-မြန်မာ ရေနံနှင့်သဘာဝဓါတ်ငွေ့ပိုက်လိုင်း အဆင်ပြေချော့မွေ့စွာ လည်ပတ်နိုင်ရေး၊ အချိန်အခါသင့်သည့်အခါ “တရုတ်-မြန်မာ စီးပွားရေးစင်္ကြံ+”ပူးပေါင်းဆောင်ရွက်မှုကို ဆွေးနွေးရေးနှင့် နှစ်ဖက်ကုန်သွယ်စီးပွားပူးပေါင်းဆောင်ရွက်မှုအဆင့်အား မြှင့်တင်ရေးတို့အား ဆွေးနွေးခဲ့ကြကြောင်း သိရသည်။
ဝမ်ရိကက တရုတ်နိုင်ငံအနေဖြင့် မြန်မာနိုင်ငံ၏အရည်အသွေးမြင့် လယ်ယာထွက်ကုန်ပစ္စည်းများအား ပိုမိုတင်သွင်းခြင်း၊ နှစ်ဖက်ဘဏ္ဍာရေးပူးပေါင်းဆောင်ရွက်မှု တိုးချဲ့ခြင်း၊ မြန်မာနိုင်ငံ၏ ဆင်းရဲနွမ်းပါးမှုလျော့ချရေးစံပြစီမံကိန်းများကို ကောင်းမွန်စွာ ဖော်ဆောင်ခြင်း၊ ကပ်ရောဂါကာကွယ်ရေးလုံခြုံမှုအခြေအနေတွင် တိုက်ရိုက်လေကြောင်းလိုင်းများထပ်တိုးကာ မြန်မာပညာတော်သင်များ တရုတ်နိုင်ငံသို့လာရောက် ပညာသင်ကြားနိုင်ရေး အဆင်ပြေလွယ်ကူစေရေး ဆောင်ရွက်ရန် ဆန္ဒရှိကြောင်း ပြောကြားခဲ့သည်။

မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်က မြန်မာနိုင်ငံပြည်တွင်းရေးအခြေအနေများကို မိတ်ဆက်ပြောကြားခဲ့ရာတွင် မြန်မာနိုင်ငံအနေဖြင့် “ရှေ့လုပ်ငန်းစဉ်(၅)ရပ်”နှင့် အာဆီယံ၏”သဘောတူညီချက်(၅)ချက်”ကို အကောင်အထည်ဖော် ကြိုးပမ်းဆောင်ရွက်၍ ဒီမိုကရေစီအသွင်ပြောင်း ဖြစ်စဉ်ကို ဆက်လက်တွန်းအားပေးဆောင်ရွက်လျက်ရှိကြောင်း ပြောကြားခဲ့သည်။

တရုတ်နိုင်ငံ နိုင်ငံခြားရေးဝန်ကြီး ဝမ်ရိက မြန်မာနိုင်ငံ၏အကြီးဆုံးအိမ်နီးချင်းနိုင်ငံအနေဖြင့် တရုတ်နိုင်ငံသည် မြန်မာနိုင်ငံ၏ နိုင်ငံရေး၊ လူမှုရေး တည်ငြိမ်ရေး၊ ပြည်သူများအေးချမ်းသာယာစွာ နေထိုင်ရေး၊ နိုင်ငံဖွံ့ဖြိုးတိုးတက်ရေးကို စေတနာအရင်းခံ မျှော်လင့်ပါကြောင်း၊ မြန်မာနိုင်ငံသက်ဆိုင်ရာဘက်ပေါင်းစုံက နိုင်ငံအခင်းအကျင်းနှင့်ပြည်သူ့အကျိုးစီးပွားကို အလေးထားကာ သင့်လျော်သောညှိနှိုင်းဆွေးနွေးမှုများကို ခိုင်မာစွာ ဆောင်ရွက်၍ အခြေခံဥပဒေနှင့်ဥပဒေမူဘောင်အောက်တွင် နိုင်ငံရေးသင့်မြတ်မှုနှင့်နိုင်ငံရေရှည်တည်ငြိမ်အေးချမ်းရေးကို စောလျဉ်းစွာ ဖော်ဆောင်ရန် မျှော်လင့်ပါကြောင်း ပြောကြားခဲ့သည်။

လန်ချန်း-မဲခေါင် ပူးပေါင်းဆောင်ရွက်မှုဆိုင်ရာ သဘောထားအမြင်များကို ဖလှယ်ခဲ့ရာတွင် ဝမ်ရိက မြန်မာနိုင်ငံသည် လန်ချန်း-မဲခေါင်း ပူးပေါင်းဆောင်ရွက်မှု၏ အစပျိုး၊တက်ကြွစွာပါဝင်သူနှင့်အကျိုးခံမှုရှိသူဖြစ်ပါကြောင်း ၊ တရုတ်နိုင်ငံအနေဖြင့် မြန်မာနိုင်ငံနှင့်အတူ ညှိနှိုင်းပူးပေါင်းဆောင်ရွက်မှုများ အားဖြည့်ကာ လန်ချန်း-မဲခေါင်ပူးပေါင်းဆောင်ရွက်မှု အဆင့်မြှင့်တင်ရေးတွန်းအားပေး၍ ပို၍နီးကပ်သော လန်ချန်း-မဲခေါင် အကျိုးတူအသိုက်အဝန်းအား တည်ဆောက်သွားလိုကြောင်း ပြောကြားခဲ့သည်။ လန်ချန်း-မဲခေါင်ပူးပေါင်းဆောင်ရွက်မှုသည် သမ္မတ ရှီကျင့်ဖိန်အဆိုပြုသော ကမ္ဘာလုံးဆိုင်ရာ ဖွံ့ဖြိုးတိုးတက်ရေးအဆိုပြုချက်၊ ကမ္ဘာ့လုံခြုံရေးအဆိုပြုချက်နှင့် အားကောင်းစွာ ချိတ်ဆက်၍ အဆိုပြုချက်ကြီး နှစ်ရပ်၏ အကောင်အထည်ဖော်ဆောင်ရာ ရှေ့ပြေးဇုန်အဖြစ် တည်ဆောက်သွားသင့်ပါကြောင်း အလေးထားပြောကြားခဲ့သည်။

မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်က ကမ္ဘာလုံးဆိုင်ရာ ဖွံ့ဖြိုးတိုးတက်ရေးအဆိုပြုချက်နှင့်ကမ္ဘာ့လုံခြုံရေးအဆိုပြုချက်သည် ကမ္ဘာ့ငြိမ်းချမ်းရေး၊ နိုင်ငံပေါင်းစုံဘက်ပေါင်းစုံဝါဒကို ကာကွယ်ထိန်းသိမ်းခြင်းဖြစ်ရာ အတူတကွဖွံ့ဖြိုးတိုးတက်ရေးမြှင့်တင်မှုအတွက် လေးနက်သောအဓိပ္ပါယ်ရှိပါကြောင်း ၊ မြန်မာနိုင်ငံအနေဖြင့် အထူးချီးကျူးမှတ်ချက်ပြုလိုပြီး တက်ကြွစွာပါဝင်သွားလိုကြောင်း ပြောကြားခဲ့သည်။

တရုတ်-အာဆီယံပူးပေါင်းဆောင်ရွက်မှုနှင့်စပ်လျဉ်း၍ နှစ်ဖက်အမြင်ချင်း ဖလှယ်ခဲ့ရာ ဝမ်ရိက တရုတ်နိုင်ငံအနေဖြင့် မြန်မာနိုင်ငံသည် တရုတ်-အာဆီယံဆက်ဆံရေး ညှိနှိုင်းမှုနိုင်ငံအနေဖြင့် အရေးကြီးသော အခန်းကဏ္ဍမှပါဝင်ကြောင်း ၊ အာဆီယံနှင့်အတူ “၅ နိုင်ငံ မိသားစု ဥယျာဉ်ကြီး”အဓိကတည်ဆောက်ရေး မျှော်လင့်ရာ ဘက်ပေါင်းစုံမဟာဗျူဟာမြောက်မိတ်ဖက်ဆက်ဆံရေးလှုပ်ရှားမှုအစီအစဉ်များကို ရေးဆွဲသွားမည်ဖြစ်ပြီး နိုင်ငံတကာ ကုန်လမ်း-ပင်လယ်ရေကြောင်းလမ်း ကုန်သွယ်ရေးလမ်းကြောင်းသစ်၊ ဒစ်ဂျစ်တယ် အပြန်အလှန်ချိတ်ဆက်ရေး၊ သန့်စင်စွမ်းအင်၊ ကုန်စည်ထုတ်လုပ်ပံ့ပိုးမှုကွင်းဆက် တည်ငြိမ်ရေးစသည့် ပူးပေါင်းဆောင်ရွက်မှုကဏ္ဍများကို အလေးပေးဖော်ဆောင်သွားလိုကြောင်း ပြောကြားခဲ့သည်။ တရုတ်နိုင်ငံအနေဖြင့် ဒေသတွင်းမူဘောင်တွင် အာဆီယံ၏ ဗဟိုနေရာကို ခိုင်မာစွာ ထောက်ခံရာ အာဆီယံနှင့်အတူ အရှေ့အာရှပူးပေါင်းဆောင်ရွက်ရေးလမ်းကြောင်းမှန်ကို တည်ငြိမ်အောင် ကြိုးပမ်းသွားလိုကြောင်း ပြောကြားခဲ့သည်။

အဆိုပါတွေ့ဆုံဆွေးနွေးမှုအပြီးတွင် နှစ်ဘက်လုံးက တရုတ်-မြန်မာ စီးပွားရေးနည်းပညာ၊ ကပ်ရောဂါတိုက်ဖျက်ရေး၊ လယ်ယာကဏ္ဍ၊ ပြည်သူ့စားဝတ်နေရေး၊ မွမ်းမံသင်တန်းစသည့် ပူးပေါင်းဆောင်ရွက်မှု စာရွက်စာတမ်းများလဲလှယ်သော အခမ်းအနားသို့ တက်ရောက်ခဲ့ကြကြောင်း သိရသည်။ (Xinhua)

————————–
(Chinese Version)
(国际)王毅同缅甸外长温纳貌伦举行会谈
2022-07-03 22:10:52 分类: 政治法律
新华社缅甸蒲甘7月3日电(记者张东强)当地时间2022年7月3日,国务委员兼外长王毅在缅甸蒲甘出席澜湄合作第七次外长会期间同缅甸外长温纳貌伦举行双边会谈。
温纳貌伦表示,缅甸高度珍视缅中相互尊重、平等相待的世代胞波情谊,由衷感谢中方对缅甸国家发展的无私帮助,将继续坚定支持中方在台湾、涉港、涉藏、涉疆、人权等问题上的正当立场。愿同中方紧密合作,推动缅中命运共同体建设不断走向深入。
王毅说,中缅胞波情谊由两国老一辈领导人亲自培育,有着广泛民意支持和深厚社会基础,历经国际风云变幻考验,不受各自国内变化影响,始终坚如磐石、牢不可破。中方珍视两国传统友谊,将坚持面向全体缅甸人民的对缅友好政策,愿同缅方落实好习近平主席历史性访缅成果,筑牢政治互信、合作互利、民心互通、人文互鉴四大支柱,推动中缅命运共同体建设不断迈上新台阶。中方赞赏缅坚定奉行对华友好政策,支持缅甸人民探索符合本国国情的发展道路,支持缅方在国际场合维护正当权益和民族尊严。
双方积极评价两国务实合作取得的进展,一致同意加快推进中缅经济走廊建设,抓好跨境电网协议实施,保障中缅油气管道顺利运营,适时探讨“中缅经济走廊+”合作,提升双边经贸合作水平。王毅表示,中方愿进口更多缅优质农产品,拓展双方金融合作,做好援缅减贫示范项目,在确保防疫安全前提下,增开直航航班,为缅留学生返华复课提供便利。
温纳貌伦介绍了缅国内形势,表示缅将致力于落实“五点路线图”和东盟“五点共识”,继续推进民主转型进程。王毅表示,作为缅最大的邻国,中国真诚希望缅政治社会稳定、人民安居乐业、国家发展振兴,期待缅各方以国家大局和人民利益为重,坚持理性协商,在宪法和法律框架下早日实现政治和解和国家长治久安。
双方就澜湄合作交换了意见。王毅表示,缅甸是澜湄合作的首倡地、积极参与者和重要受益方,中方愿同缅方加强协调配合,推动澜湄合作提质升级,构建更为紧密的澜湄命运共同体。王毅强调,澜湄合作应同习近平主席提出的全球发展倡议和全球安全倡议加强对接,打造两大倡议落地实施的先行示范区。温纳貌伦表示,全球发展倡议和全球安全倡议对维护世界和平、捍卫多边主义、促进共同发展意义重大,缅方对此高度评价并愿积极参与。
双方就中国-东盟合作交换了意见。王毅表示,中方赞赏缅方作为中国东盟关系协调国发挥的重要积极作用,期待同东盟聚焦“五大家园”建设,加快制定全面战略伙伴关系行动计划,打造国际陆海贸易新通道、数字互联互通、清洁能源、产供链稳定等合作新亮点。中方坚定支持东盟在区域架构中的中心地位,愿同东盟共同努力,把稳东亚合作正确方向。
会谈后,双方共同出席了中缅经济技术、抗疫、农业、民生、培训等合作文件互换仪式。(完)